agriculture news in marathi, onion growers prefer indur market, jalgaon, maharashtra | Agrowon

जळगाव, धुळ्यातील कांदा उत्पादकांची पसंती इंदूरच्या घाऊक बाजाराला
टीम अॅग्रोवन
बुधवार, 20 डिसेंबर 2017
धुळे ः धुळेसह जळगाव जिल्ह्यातील कांदा उत्पादक कांदा विक्रीसाठी इंदूरच्या (मध्य प्रदेश) घाऊक बाजाराला पसंती देत आहेत. सध्या इंदूर येथे कांद्याला सरासरी साडेचार हजार रुपये प्रतिक्विंटलपर्यंत दर मिळत आहेत. खानदेशात पिंपळनेर (ता. साक्री, जि. धुळे), चाळीसगाव (जि. जळगाव), धुळे, अडावद (ता. चोपडा) येथे सरासरी साडेतीन हजार रुपये प्रतिक्विंटलपर्यंत दर आहेत. 
 
धुळे ः धुळेसह जळगाव जिल्ह्यातील कांदा उत्पादक कांदा विक्रीसाठी इंदूरच्या (मध्य प्रदेश) घाऊक बाजाराला पसंती देत आहेत. सध्या इंदूर येथे कांद्याला सरासरी साडेचार हजार रुपये प्रतिक्विंटलपर्यंत दर मिळत आहेत. खानदेशात पिंपळनेर (ता. साक्री, जि. धुळे), चाळीसगाव (जि. जळगाव), धुळे, अडावद (ता. चोपडा) येथे सरासरी साडेतीन हजार रुपये प्रतिक्विंटलपर्यंत दर आहेत. 
 
धुळ्यासह शिरपूर, शिंदखेडा, चोपडा, शहादा, यावल या तालुक्‍यांमधील शेतकऱ्यांना इंदूर जाण्यासाठी चौपदरी महामार्ग आहे. धुळे किंवा यावल, चोपडा, शहादा येथून सकाळी कांदा घेऊन ट्रक किंवा इतर मालवाहूने शेतकरी निघाले तर सायंकाळपर्यंत पोचतात. सुमारे सात ते आठ तास लागतात. याशिवाय लिलाव होऊन लागलीच काही पैसे रोखीने उर्वरित पैसे आरटीजीएसने तेथील अडतदार शेतकऱ्यांच्या खात्यांत जमा करीत आहेत. शिवाय दरही धुळे, अडावद येथील कांदा बाजाराच्या तुलनेत अधिक मिळत असल्याने शेतकरी तेथील बाजाराला पसंती देत आहेत, अशी माहिती मिळाली.
 
सध्या धुळे व अडावद येथील बाजार समितीमध्ये कांद्याची आवक वाढली आहे. मध्यंतरी आवकेत वाढ व साठवणुकीला जागा नसल्याने धुळे येथील बाजार समिती एक दिवस बंद ठेवण्याची वेळ आली होती. लिलाव बंद होते. धुळे जिल्ह्यात कापडणे, न्याहळोद, जापी आदी भागांत कांदा लागवड बऱ्यापैकी आहे. तर यावलमध्ये किनगाव, डांभुर्णी, साकळी भागांत लागवड चांगली झाली आहे. चोपडामध्ये अडावद, सुटकार, वर्डी, माचले भागांत लागवड असून, शहादामध्ये जयनगर, काकर्दा, नांदरखेडा, प्रकाशा भागांत लागवडीचे क्षेत्र बरे आहे. 
 
धुळे, अडावद, पिंपळनेर, चाळीसगाव येथील कांदा बाजार महत्त्वाचा असला, तरी कांद्याला तीन दर आहेत. लहान, मध्यम व मोठा, अशी प्रतवारी ठरवून दर दिले जात आहेत. सध्या आवक कमी असली तरी दर स्थिर आहेत. परंतु तीन दर परवडत नसल्याच्या प्रतिक्रिया शेतकऱ्यांमध्ये आहेत.
 
किरकोळ बाजारात कांद्याला किमान ४० रुपये प्रतिकिलो दर आहे. ग्राहकांना कांदा महाग वाटत असला तरी शेतकऱ्यांकडून दिवाळीच्या वेळेस कवडीमोल दरात म्हणजेच ५०० ते ७०० रुपये प्रतिक्विंटलने घेतलेला कांदा आता ग्राहकांना चढ्या दरात दिला जात असल्याचे चित्र आहे. शासनाने कांदा व्यापाऱ्यांची साठवणूक व लुबाडणूक याकडे लक्ष दिले पाहिजे, असे शेतकरी संघटनेचे आत्माराम पाटील (कापडणे, ता. धुळे) यांनी म्हटले आहे. 

इतर ताज्या घडामोडी
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
उन्हाळ कांद्याच्या सिंचनाबाबत अडचणी जळगाव  ः उन्हाळ कांदा लागवडीसंबंधी खानदेशात...
पाकमधून होणाऱ्या सर्व आयातीवर जबर शुल्कनवी दिल्लीः पुलवामा येथील हल्ल्याच्या...
हुतात्मा जवानांच्या कुटुंबीयांना ५० लाख...बुलडाणा ः तीन दिवसांपूर्वी काश्‍मीरमधील...
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...