राज्यात कांदा प्रतिक्विंटल ४०० ते २८२९ रुपये
टीम अॅग्रोवन
शुक्रवार, 13 ऑक्टोबर 2017

मुंबईत प्रतिक्विंटल २२०० ते २८०० रुपये
मुंबई ः मुंबई मार्केटमध्ये कांद्याची आवक घटली आहे. आठवडाभरात सरासरी १३००० क्विंटल आवक आहे. मंगळवारी (ता. १०) कांद्यास प्रतिक्विंटल २२०० ते २८०० व सरासरी २५०० रुपये दर मिळाला. आवक कमी असल्यानेच कांदा दर वाढल्याचे स्थानिक कांदा व्यापारी राजू शेळके यांनी सांगितले. बाजार समितीतीत कांद्याला २० ते २१ प्रतिकिलो दर असून, ग्राहकांना ३५ रुपयांनी कांदा खरेदी करावा लागत आहे. मागील आठवड्यात मुंबईत कांद्याची १२७४० क्विंटल आवक होती. 

बाजार समितीतील आवक व दर (प्रतिक्विंटल/रुपये) 

मुंबईत प्रतिक्विंटल २२०० ते २८०० रुपये
मुंबई ः मुंबई मार्केटमध्ये कांद्याची आवक घटली आहे. आठवडाभरात सरासरी १३००० क्विंटल आवक आहे. मंगळवारी (ता. १०) कांद्यास प्रतिक्विंटल २२०० ते २८०० व सरासरी २५०० रुपये दर मिळाला. आवक कमी असल्यानेच कांदा दर वाढल्याचे स्थानिक कांदा व्यापारी राजू शेळके यांनी सांगितले. बाजार समितीतीत कांद्याला २० ते २१ प्रतिकिलो दर असून, ग्राहकांना ३५ रुपयांनी कांदा खरेदी करावा लागत आहे. मागील आठवड्यात मुंबईत कांद्याची १२७४० क्विंटल आवक होती. 

बाजार समितीतील आवक व दर (प्रतिक्विंटल/रुपये) 

दिनांक  आवक     किमान     कमाल     सरासरी
१० ऑक्टोबर  १५१२०     २२००     २८००     २५००
३ ऑक्टोबर ११५५०     १३००     १८००     १५५०
२६ सप्टेंबर  २६४६०     १४००     १८००     १६००
१९ सप्टेंबर  ९९४०     १२००     १६००     १४००
१२ सप्टेंबर  ९८००     १८००     २०००     १९००

नागपुरात प्रतिक्विंटल १८०० ते २२०० रुपये
नागपूर ः नागपूर बाजारपेठेत किरकोळ कांद्याचे दर ३८ ते ४० रुपये किलो असून, घाऊक बाजारात पांढरा कांदा १८०० ते २२०० रुपये प्रतिक्विंटलवर पोचला. बाजारात कांद्याची आवक १००० ते १५०० क्‍विंटल आहे. 

४ ऑक्‍टोबरला लाल कांद्याची आवक १८०० क्‍विंटल होती. १२०० ते १७०० रुपये प्रतिक्‍विंटलचा दर मिळाला. पाच ऑक्‍टोबरला आवक १००० क्‍विंटल तर दर २००० ते २५०० रुपये प्रतिक्‍विंटल झाले. ७ तारखेला आवक २००० क्विंटल तर दर २००० ते २२०० रुपये प्रतिक्‍विंटल होते. १० ऑक्‍टोबरला लाल कांद्याची आवक १७०० क्विंटल तर दर २००० ते २५०० रुपये होते. ११ ऑक्‍टोबरला १५०० क्‍विंटलची आवक होती. बाजारात पांढऱ्या कांद्याची आवक आवक ७०० ते ९०० क्‍विंटल होत आहे. महिन्याच्या सुरवातीला १३०० ते १८०० रुपये प्रतिक्‍विंटल दर होते. ११ ऑक्‍टोबरपासून पांढरा कांदा १८०० ते २२०० रुपये प्रतिक्‍विंटलने विकला जात असून, ९३९ ते १००० क्‍विंटलची आवक होत आहे.

कोल्हापुरात प्रतिक्विंटल ८०० ते २७०० रुपये
कोल्हापूर: येथील बाजार समितीत कांद्याचे दर स्थिर आहेत. बुधवारी (ता. ११) कांद्यास प्रतिक्विंटल ८०० ते २७०० रुपये दर होते.

गेल्या पंधरवड्यापासून  कांदा उत्पादक प्रदेशात सातत्याने पाऊस पडत आहे. यामुळे कांद्याची आवक कमी-जास्त प्रमाणात होत असल्याचे बाजार समितीच्या सूत्रांनी सांगितले. येथील बाजार समितीत बहुतांशी कांदा नगर व परिसरातून येतो. गेल्या दोन महिन्यांपासून कांद्याचे दर समाधानकारक आहेत. पावसाळी हवामानामुळे आणखी काही दिवस आवक कमी राहण्याची शक्यता आहे.

बाजार समितीतील आवक व दर (दहा किलोस/रुपये)

दिनांक     आवक     किमान     कमाल
११ आॅक्टोबर  ६६६७   ८०     २७०
४ आॅक्टोबर ५२००     ६०     २५०
२६ सप्टेंबर ७३००     ७०     २८०

 
औरंगाबादेत प्रतिक्विंटल ४०० ते २४०० रुपये 
औरंगाबाद : औरंगाबाद बाजार समितीमध्ये बुधवारी (ता.११)औरंगाबाद बाजार समितीमध्ये कांद्याची ३६४ क्‍विंटल आवक झाली. या कांद्याला ४०० ते २४०० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली. 

औरंगाबाद बाजार समितीमध्ये मंगळवारी (ता.१०) कांद्याची ३०७ क्‍विंटल आवक होऊन दर ३०० ते २३०० रुपये प्रतिक्‍विंटल होते. २७ सप्टेंबरला ३५५ क्‍विंटल आवक झालेल्या कांद्याला २०० ते १६०० रुपये प्रतिक्‍विंटलचा दर मिळाला. २० सप्टेंबरला ४२४ क्‍विंटल आवक, तर दर ४०० ते १२०० रुपये प्रतिक्‍विंटल होते. १३ सप्टेंबरला ३६३ क्‍विंटल आवक होऊन ४०० ते १६०० रुपये प्रतिक्‍विंटलचा दर मिळाला. ६ सप्टेंबरला आवक २४० क्‍विंटल तर दर ३०० ते १९०० रुपये प्रतिक्‍विंटल राहिला. ७ सप्टेंबरला ६५८ क्‍विंटल आवक होऊन ४०० ते १६०० रुपये प्रतिक्‍विंटलचा दर मिळाला. ९ सप्टेंबरला कांद्याची आवक २२८ क्‍विंटल तर दर २०० ते १६०० रुपये प्रतिक्‍विंटल राहिला. 
   
जळगावात प्रतिक्विंटल १००० ते २६०० रुपये
जळगाव ः येथील कृषी उत्पन्न बाजार समितीमध्ये बुधवारी (ता.११) कांद्याची १६० क्विंटल आवक झाली. त्यास १००० ते २६०० व सरासरी १६०० रुपये प्रतिक्विंटल दर मिळाला. या आठवड्यात कांद्याला बुधवारी सर्वाधिक दर मिळाला.

ज्या शेतकऱ्यांनी कांदा साठवून ठेवला होता. त्याची आवक सध्या होत आहे. दिवाळीपूर्वी कांद्याला दर अधिक मिळतील, असे संकेत बाजार समितीने दिले होते. 
महिनाभरापूर्वी कांद्याला सरासरी १००० रुपये प्रतिक्विंटलचा दर होता. त्यात हळूहळू वाढ झाली. मागील आठवड्यात सरासरी ११०० रुपये प्रतिक्विंटलचा दर मिळाला होता. आता सरासरी ५०० रुपये अधिक दर क्विंटलमागे मिळाला आहे. 

बाजार समितीतील आवक व दर (प्रतिक्विंटल/रुपये) 

दिनांक     आवक     किमान     कमाल     सरासरी
११ ऑक्‍टोबर   १६० १०००     २६००     १६००
४ ऑक्‍टोबर १६०     ९००     १६२५     ११००
२७ सप्टेंबर १५०     ९००     १५५०     ११००
२० सप्टेंबर  १४०     ८००     १३५०     १०००

      
परभणीत प्रतिक्विंटल २००० ते २५०० रुपये
परभणी ः कृषी उत्पन्न बाजार समितीअंतर्गत फळे-भाजीपाला मार्केटमध्ये गुरुवारी (ता.१२) कांद्याचे दर २००० ते २५०० रुपये प्रतिक्विंटल होते, अशी माहिती मार्केटमधील सूत्रांनी दिली.

येथील फळे-भाजीपाला मार्केटमध्ये  आठवड्यातील प्रत्येक शनिवारी नाशिक, हैदराबाद आदी ठिकाणांहून आवक येत असते. शनिवारी (ता.७) कांद्याची ८०० क्विंटल आवक झाली होती. त्यास २००० ते २५०० रुपये प्रतिक्विंटल दर मिळाले. शनिवारचेच दर आठवडाभर राहतात. गेल्या महिनाभरातील प्रत्येक शनिवारी सरासरी ८०० ते १२०० क्विंटल आवक झाली. त्यास १२०० ते २५०० रुपये प्रतिक्विंटल दर मिळाले. गेल्या आठवड्यापासून येथील मार्केटमध्ये कांद्याचे दर वाढले आहेत. गुरुवारी किरकोळ विक्री ३० ते ४० रुपये प्रतिकिलो दराने सुरू होती, असे व्यापारी मो. शोएब अब्दुल नासेर बागवान यांनी सांगितले.

पुण्यात प्रतिक्विंटल १५०० ते २५०० रुपये
पुणे  ः पुणे बाजार समितीमध्ये गुरुवारी (ता.१२) कांद्याची सुमारे ८० ट्रक आवक झाली हाेती, त्यास प्रतिक्विंटल १५०० ते २५०० रुपये दर हाेता. आवकेमध्ये नवीन कांद्याची सुमारे १५ तर जुन्या कांद्याची सुमारे ७० ट्रक आवक झाली हाेती. नवीन कांद्याला जुन्या कांद्यापेक्षा कमी दर असून, नवीन कांद्याला प्रतिदहा किलाे १५० ते २०० तर जुन्या कांद्याला २०० ते २५० रुपये दर असल्याचे सूत्रांनी सांगितले. हंगामात नवीन कांद्याची सरासरी ५० ते ६० ट्रक आवक असते. मात्र, पावसामुळे केवळ १० ते १५ ट्रक कांदा आवक हाेत अाहे. तर शेतकऱ्यांनी चाळींमध्ये साठवलेल्या जुन्या कांद्याची आवक चांगली हाेत असल्याने आणि जुन्या सुकलेल्या कांद्याला मागणी असल्याने दरात वाढ झाली असल्याचे बाजार समितीमधील ज्येष्ठ अडते विलास भुजबळ यांनी सांगितले.

बाजार समितीतील आवक व दर (प्रतिक्विंटल/रुपये)      

दिनांक     आवक     किमान     कमाल
३ सप्टेंबर १०,०५४      १२००     २०००
१० सप्टेंबर  १६,१४७      ८००     १८०० 
१७ सप्टेंबर   १०,९३०      ६००     १६०० 
२४ सप्टेंबर  १५,८६७      ८००     २०००

अकोल्यात प्रतिक्विंटल १६०० ते २८०० रुपये 
अकोला ः पावसामुळे कांद्याची आवक कमी झाली असल्याने येथील बाजारातील दर वधारलेले आहेत. नवीन कांद्याची आवक होऊ लागली असून, हा कांदा १६०० ते २००० रुपये क्विंटल, तर जुना कांदा २३००ते २८०० रुपये क्विंटल दराने विकला जात आहे. 
गेल्या काही दिवसांपासून कांद्याच्या दरात सातत्याने चढउतार सुरू होता. मात्र, मागील दहा ते पंधरा दिवसांपासून येथील बाजारात कांद्याचे दर स्थिर झाले आहेत. नगर जिल्ह्यातील नवीन कांद्याची या बाजारात आवक होत आहे. या कांद्याला १६०० ते २००० रुपयांपर्यंत भाव मिळत आहे, तर जुन्या कांद्याची जिल्ह्यातूनच आवक होत असून, त्याची २३०० ते २८०० रुपयांदरम्यान विक्री हाेत आहे. दररोज दोन ते तीन गाडी कांदा आवक होत असल्याचे सूत्रांचे म्हणणे आहे. पाऊस ओसरल्यानंतर नवीन कांद्याची आवक वाढल्यानंतर दरांमध्ये घसरणीची शक्‍यता वर्तविली जात आहे.

सांगलीत प्रतिक्विंटल ५०० ते २८२९ रुपये 
सांगली ः येथील विष्णूअण्णा बाजार समितीत बुधवारी (ता. ११) कांद्याची आवक ४८१७ क्विंटल झाली असून, त्यास प्रतिक्विंटल ५०० ते २८२९ रुपये दर मिळाला. बाजार समितीत गेल्या सप्ताहापेक्षा चालू सप्ताहात कांद्याच्या आवकीत वाढ झाली असल्याची माहिती बाजार समितीच्या सूत्रांनी दिली. सातारा, पुणे, नगर जिल्ह्यांतून कांद्याची आवक होते. दिवाळीपूर्वी कांद्यास अपेक्षित दर मिळतो. यामुळे शेतकऱ्यांनी साठवून ठेवलेला कांदा बाजारात विक्रीसाठी दाखल होतो आहे. गेल्या सप्ताहापेक्षा चालू सप्ताहात सरासरी ३०० रुपये दरात वाढ झाली असल्याचे व्यापारी वर्गाने सांगितले.

बाजार समितीतील आवक व दर (प्रतिक्विंट/रुपये)  

दिनांक     आवक      किमान     कमाल
४ सप्टेंबर  २३०४     ७००     २२००
११ सप्टेंबर २२७८     ५००     १७००
१८ सप्टेंबर  १०५९     ५००     २०००
२५ सप्टेंबर   २९४६     ५००     २०००
९ ऑक्‍टोबर २४१३     ५००     ३०००
११ ऑक्‍टोबर  ४४१८     ५००     २८२९

   
 

इतर अॅग्रो विशेष
खुल्या शेतीतील गुलाब लागवड तंत्रज्ञान गुलाबाच्या फुलांचा उपयोग...
ज्ञानाचा प्रकाशदिवाळी... प्रकाशाचा, उत्साहाचा सण! सारी दुखं...
साडेआठ लाख शेतकऱ्यांच्या खात्यामध्ये ४...मुंबई : छत्रपती शिवाजी महाराज शेतकरी सन्मान...
जिभाऊ... बापू तुमले दिवाईन्या सुभेच्छा...जळगाव ः जिभाऊ... बापू तुमले दिवाईन्या सुभेच्छा...
पोषक तत्त्वांनीयुक्त खजूर, अक्रोड, काजूपोषक तत्त्वे आणि आरोग्याच्या दृष्टीने अक्रोड अाणि...
रब्बी हंगामासाठी कांदा जाती अन्‌...महाराष्ट्रात रब्बी कांदा पिकाचे क्षेत्र मोठ्या...
बाजरी चारा पीक लगवड तंत्रज्ञान बाजरी हे पीक पालेदार, रसाळ, गोड व मऊ असते....
जळगाव जिल्ह्यात दादर ज्वारी तरारली जळगाव  ः खानदेशात यंदा परतीच्या पावसामुळे...
कांद्यावर डिसेंबरपर्यंत 'स्टॉक लिमिट'नवी दिल्ली : नफेखोरपणा, साठेबाजी, वाढते दर आणि...
सांगली जिल्ह्यात भाजपच्या वारुला ब्रेकसांगली ः लोकसभा, विधानसभा, जिल्हा परिषद, पंचायत...
कर्जमाफी योजनेस प्रारंभ...राज्य सरकारची...मुंबई : कर्जमाफी देण्यासाठी जाहीर करण्यात आलेल्या...
वाढत्या लोकसंख्येसाठी व्हर्टिकल फार्म...भारतासारख्या उच्च लोकसंख्या असलेल्या देशांसाठी...
निशिगंध लागवड तंत्रज्ञान निशिगंधाची फुले अत्यंत सुवासिक व आकर्षक असतात....
बरसीम पीक लागवड बरसीम हे मेथीघासाप्रमाणे बहुगुणी वैरणीचे पीक आहे...
‘जीवनसंगिनी’ची प्रकाशवाटनैसर्गिक आपत्तींचा कहर आणि अनिश्चित बाजार अशा...
बीजी ३ च्या विनापरवाना विक्रीवर...मुंबई : तणनाशक सहनशील (हर्बिसाईड टाॅलरंट)...
रब्बी पिकांचे पाणी व्यवस्थापन महत्त्वाचेरब्बी हंगामामध्ये घेतल्या जाणाऱ्या पिकांसाठी...
राज्यात कापूस खरेदी २५ पासूननागपूर : राज्यात बुधवार (ता. २५) पासून पणन...
नेताओं की दिवाली, किसानों का दिवालादोन दिवसांपूर्वी मला अमरावती जिल्ह्यातील शेतकरी...
ऊसावरील कीडींचे एकात्मिक व्यवस्थापन तपशील : पूर्व मशागत     कीड...