agriculture news in marathi, onion payment by cheque on same day from january in umrane market committee | Agrowon

उमराणे बाजार समितीत जानेवारीपासून ‘सेम डे’चा चेक
ज्ञानेश उगले
गुरुवार, 21 डिसेंबर 2017

नाशिक : उमराणे बाजार समितीत काही व्यापाऱ्यांकडून होत असलेली शेतकऱ्यांची अडवणूक पूर्णपणे थांबविण्याचा निर्णय बाजार समितीने घेतला आहे. नवीन वर्षाच्या प्रारंभापासून (१ जानेवारीपासून) शेतकऱ्यांना पुढील तारखेचा चेक देणे बंद होणार असून, असा प्रकार आढळल्यास संबंधित व्यापाऱ्याचा परवाना रद्द करून त्याचा व्यापार बंद करण्यात येणार आहे. याबाबतचे वृत्त बुधवारी (ता. २०) ‘ॲग्रोवन मध्ये प्रसिद्ध झाले होते.

नाशिक : उमराणे बाजार समितीत काही व्यापाऱ्यांकडून होत असलेली शेतकऱ्यांची अडवणूक पूर्णपणे थांबविण्याचा निर्णय बाजार समितीने घेतला आहे. नवीन वर्षाच्या प्रारंभापासून (१ जानेवारीपासून) शेतकऱ्यांना पुढील तारखेचा चेक देणे बंद होणार असून, असा प्रकार आढळल्यास संबंधित व्यापाऱ्याचा परवाना रद्द करून त्याचा व्यापार बंद करण्यात येणार आहे. याबाबतचे वृत्त बुधवारी (ता. २०) ‘ॲग्रोवन मध्ये प्रसिद्ध झाले होते.

पुढील तारखेचा चेक देऊन शेतकऱ्यांचे पैसे महिनोंमहिने लटकवण्याचे प्रकार उमराणे बाजार समितीत घडत आहे. शेतकऱ्यांचे कोट्यवधी रुपये व्यापाऱ्यांनी अडवून ठेवले आहेत. या पार्श्‍वभूमीवर यापुढील काळात शेतकऱ्यांची कोणत्याही प्रकारे अडवणूक होणार नाही. अशी अडवणूक करणाऱ्या व्यापाऱ्यांवर कठोर कारवाई करणार असल्याचे उमराणे बाजार समितीने स्पष्ट केले आहे. बाजार समितीचे ५ कर्मचाऱ्यांचे विशेष पथक व्यवहारांवर बारीक नजर ठेवणार आहे. एखाद्या व्यापाऱ्याने दुसऱ्या दिवशीचा चेक जर दिला, तरी त्याच्यावर ताबडतोब कारवाई केली जाणार असल्याचे बाजार समितीचे सभापती राजेंद्र देवरे यांनी सांगितले.

मार्चपर्यंत ‘आरटीजीएस’
उमराणे ही बाजार समिती ग्रामीण भागात असल्याने इथे ‘एसबीआय’ या राष्ट्रीयीकृत बॅंकेची एकच शाखा आहे. तरीही मार्च २०१८ पर्यंत थेट शेतकऱ्यांच्या खात्यावर ‘आरटीजीएस द्वारे पैसे जमा होतील, या दृष्टीने आम्ही तयारी केली असल्याचेही देवरे यांनी सांगितले.

नोटाबंदीनंतर अडचणी वाढल्या
उमराणे बाजार समितीचे सचिव नितीन जाधव म्हणाले, की नोटाबंदीपूर्वी सर्वाधिक रोख पेमेंट करणारी अशी या बाजार समितीची ओळख राहिली आहे. अचानक झालेल्या नोटाबंदीनंतर बाजाराचे गणितच बिघडले; मात्र समितीच्या संचालकांकडून या परिस्थितीतून मार्ग काढण्यासाठी प्रयत्न सुरू आहेत.

बॅंकिंग सेवेचा अडथळा असल्याने तातडीने ‘आरटीजीएस’ शक्‍य नाही; मात्र चेकच्या माध्यमातून शेतकऱ्यांना विनाविलंब पेमेंट होणार आहे. व्यापाऱ्यांनीही याबाबत तयारी दाखवली आहे.
-राजेंद्र देवरे, सभापती, उमराणे बाजार समिती.

यापुढील काळात व्यवहारात अधिक शिस्त व पारदर्शकता आणण्यावर भर राहणार आहे. शेतकऱ्यांनी रीतसर बाजार समिती कार्यालयात तक्रारी कराव्यात. त्यांचा तत्काळ निपटारा केला जाईल.
-खंडू देवरे, संचालक- उमराणे बाजार समिती, अध्यक्ष- ओनियन मर्चंट असोसिएशन.

इतर अॅग्रो विशेष
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...
वाघाड पाणीवापर संस्थांनी शेतीतून उभारले...नाशिक जिल्ह्यात वाघाड प्रकल्पस्तरीय पाणीवापर...