agriculture news in marathi, onion price issue, dhule, maharashtra | Agrowon

आगाप कांद्याला अपेक्षित दर नसल्याने उत्पादन खर्चाबाबत शेतकरी साशंक
टीम अॅग्रोवन
शनिवार, 10 मार्च 2018
कांद्यावरील निर्यात शुल्क रद्द केले असले, तरी कांद्याचे दर वाढलेले नाहीत. शेतकऱ्यांना कमी दरात कांदा विकून मोठे नुकसान सहन करावे लागेल. फक्त खर्च निघेल, असे दर सध्या कांद्याला आहेत. 
- आत्माराम पाटील, शेतकरी, कापडणे, जि. धुळे.
धुळे  ः धुळे जिल्हा यंदा कांदा उत्पादनात अग्रेसर राहणार आहे; परंतु आगाप कांद्याला यंदा अपेक्षित दर नसल्यामुळे शेतकऱ्यांना हे पीक परवडेल की नाही, अशी भीती आहे. काही शेतकऱ्यांनी तर उत्पादन खर्चही निघतो की नाही, असा प्रश्‍न उपस्थित केला आहे. 
 
धुळे जिल्ह्यातील शेतकरी कांदा उत्पादनासंबंधी नेटके व्यवस्थापन करून दर्जेदार कांदा घेऊ लागले आहेत. यंदा सूक्ष्मसिंचनाखालील कांदा क्षेत्र अधिक होते. धुळे तालुक्‍यातील कापडणे, न्याहळोद, देवभाने, नेर, कुसुंबा, चौगाव, जापोरे, साक्री तालुक्‍यातील पिंपळनेर, शिरपुरातील गिधाडे, तऱ्हाडी, बेगाव, शिंदखेडामधील टाकरखेडा, सुखवद आदी भागांत कांद्याची लागवड झाली होती.
 
सुमारे अडीच हजार हेक्‍टरवर धुळे जिल्ह्यात कांदा लागवड झाली होती. न्याहळोद भागात आगाप लागवडही काही शेतकऱ्यांनी केली. सूक्ष्म सिंचन व विद्राव्य खते असे चांगले व्यवस्थापनही अनेक शेतकऱ्यांनी केले. त्यासाठी जादा खर्च आला. 
 
बियाणे, मशागत, लागवड, तणनियंत्रण, फवारणी, विद्राव व इतर खते, खांडणी व इतर खर्च मिळून एकरी सुमारे ५० हजार रुपये खर्च कांदा पिकाला येत आहे; परंतु दर हवे तसे नाहीत. मागील १५ दिवस तर दरावर दबाव आहे. पांढऱ्या कांद्याला कमाल ६५० रुपये क्विंटलचा दर आहे. लाल कांद्याला ६०० ते १२०० रुपये क्विंटल, असे दर मागील दोन आठवड्यांपासून धुळे, पिंपळनेर बाजार समितीमध्ये आहेत.
 
अशी स्थिती असल्याने ज्या शेतकऱ्यांनी आगाप लागवड केली होती, त्यांनी आपला कांदा साठवायला सुरवात केली आहे. त्यासाठी श्रम व मजुरीवरील खर्च वाढला आहे; परंतु दर परवडणारे नसल्याने तो बाजारात विकून अधिक नुकसान होईल, त्यापेक्षा साठवणुकीची जोखीम स्वीकारणे, शेतकरी पसंत करीत आहेत.
 
यंदा पाऊस कमी होता; परंतु शेतकऱ्यांनी कमी पाण्यावर दर्जेदार उत्पादन घेण्याची किमया साधली आहे. सिंचनासाठी रात्री अपरात्री शेतकरी शेतात धावपळ करीत होते; परंतु दर अपेक्षित नसल्याने त्यांच्यात निराशा आहे.

इतर ताज्या घडामोडी
मत्स्यपालनामध्ये योग्य तांत्रिक बदलांची...सध्याच्या मत्स्यपालन पद्धतीमध्ये कोणतेही बदल न...
जळगाव बुरशीयुक्त शेवयांच्या प्रकरणात...जळगाव ः शालेय पोषण आहार वाटपानंतर अंगणवाडीमधील...
सातगाव पठार परिसरात बटाटा लागवडीस सुरवातसातगाव पठार, जि. पुणे : काही गावांमध्ये पावसाने...
सोलापूर जिल्ह्यात विजांच्या कडकडाटासह...सांगोला/करमाळा : जिल्ह्याच्या काही भागांत...
पुणे जिल्ह्यात पावसामुळे भात...पुणे : गेल्या काही दिवसांपासून पावसाने दडी...
मातीचा प्रत्येक कण सोन्यासारखा; तो वाया...नाशिक : शेतातील माती म्हणजे कोट्यवधी सूक्ष्म...
नांदेड जिल्ह्यात १ लाख ६५ हेक्टरवर पेरणीनांदेड ः नांदेड जिल्ह्यामध्ये यंदाच्या खरीप...
शेतकऱ्यांना पीककर्ज देणे टाळले तर ठेवी...नगर  ः शेतकऱ्यांना सध्या खरीप हंगामासाठी...
सातारा जिल्ह्यात पावसाचा जोर कायमसातारा  ः जिल्ह्यातील वाई, महाबळेश्वर, माण,...
नांदेड जिल्ह्यात फक्त ८.२९ टक्के...नांदेड ः नांदेड जिल्ह्यातील यंदा खरीप पीककर्ज...
तापीच्या पाण्यास गुजरातचा नकारमुंबई  ः पार-तापी नर्मदा नद्याजोड...
कापूस पीक नियोजनातून हमखास उत्पादन वाढसोनगीर, जि. धुळे ः कापूस उत्पादक शेतकऱ्यांनी...
औरंगाबाद जिल्ह्यात अखेर पाऊस बरसलाऔरंगाबाद  : पावसाच्या प्रतीक्षेत असलेल्या...
`दमणगंगा नदीजोड योजनेचे फेरसर्व्हेक्षण...नाशिक : दमणगंगा (एकदरे) नदीजोड योजनेचे...
मराठवाड्यात साडेतीन लाख हेक्‍टरवर पेरणीऔरंगाबाद : मराठवाड्यातील आठही जिल्ह्यांत ३ लाख ६७...
पीककर्जासाठी बँक अधिकाऱ्याने केली...दाताळा, जि. बुलडाणा : पीककर्ज मंजूर करून...
माॅन्सून सक्रिय, सर्वत्र चांगल्या...महाराष्ट्रावरील हवेचे दाब कमी झालेले असून १००४...
‘एसआरआय’पद्धतीने भात लागवडीचे तंत्रएसआरआय पद्धतीने भात लागवड केल्यामुळे रोपे, माती,...
भूमिगत निचरा प्रणालीद्वारे जमिनींची...पाणी व रासायनिक खते यांच्या अनियंत्रित वापरामुळे...
लागवड सावा पिकाची...जून महिन्यात सावा पिकाची पेरणी करावी. दोन ओळीतील...