सांगलीत कांदा प्रतिक्विंटल ५०० ते ४००० रुपये

सांगली ः येथील विष्णूअण्णा पाटील फळ व भाजीपाला दुय्यम बाजार आवारात कांद्याची आवक वाढू लागली आहे. कांद्याची आवक ४६०३ क्विंटल झाली असून, त्यास ५०० ते ४००० रुपये प्रतिक्विंटल दर मिळाला, अशी माहिती बाजार समितीच्या सूत्रांनी दिली. बाजार समितीत गुळाची ३०११ क्विंटल आवक झाली होती, त्यास ३६५० ते ४४०० रुपये प्रतिक्विंटल दर मिळाला. सोयाबीनची आवक २० क्विंटल झाली, त्यास ३०५० ते ३२०० रुपये प्रतिक्विंटल दर मिळाला. फळमार्केटमध्ये बटाट्याची ४३४ क्विंटल आवक होऊन त्यास ६०० ते ८०० रुपये प्रतिक्विंटल असा दर होता. मोसंबीची ८५० डझन आवक झाली होती, तीस प्रतिदहा किलोस २०० ते ३०० रुपये असा दर मिळाला. डाळिंबाची आवक २३५० डझन झाली होती. त्यास प्रतिदहा किलोस २०० ते ३०० रुपये असा दर होता. सीताफळाची आवक १२५० डझन आवक झाली असून त्यास प्रतिदहा किलोस ३० ते २०० रुपये असा दर मिळाला. सफरचंदाची आवक १९१८ पेटी झाली होती. त्यास प्रतिपेटीस १८०० ते २००० रुपये असा दर होता. पपईची आवक १०४ डझन झाली होती. त्यास प्रतिडझनास ५० ते १०० रुपये असा दर मिळाला. चिकूची ५० डझन आवक झाली होती. त्यास प्रतिदहा किलोस ५० ते १०० रुपये असा दर मिळाला. बाजार समितीतील शेतमालाची आवक व दर (प्रतिक्विंटल/रुपये)