पीक क्षेत्र घटल्याने कांदा वधारला

पीक क्षेत्र घटल्याने कांदा वधारला
पीक क्षेत्र घटल्याने कांदा वधारला

नवी दिल्ली ः खरीपपूर्व हंगामातील पीक क्षेत्र २५ टक्क्यांनी कमी झाल्याने त्याचा परिणाम दरवाढीवर झाला अाहे; मात्र खरीप अाणि खरिपात उशिरा घेतलेले पीक चांगले अाल्याने कांदा उत्पादन वाढणे अपेक्षित अाहे, अशी माहिती केंद्रीय ग्राहक व्यवहार मंत्रालयाचे सचिव अविनाश श्रीवास्तव यांनी दिली अाहे.

कांदा अाणि टोमॅटोच्या दरवाढीवर ग्राहक व्यवहार मंत्रालयाने अनेक कारणे देण्यास सुरवात केली अाहे. दिल्लीत कांद्याचा दर प्रतिकिलो ५१ रुपये अाणि टोमॅटो ८० रुपयांवर पोचला अाहे. या पार्श्वभूमीवर ग्राहक व्यवहारमंत्री रामविलास पासवान यांनीही सध्याची कांदा, टोमॅटो दरवाढ हंगामी परिणामामुळे असून, नवीन पिकाची अावक सुरू झाल्यानंतर दरवाढीच्या स्थितीत सुधारणा होईल, असे म्हटले अाहे.

देशात सध्या कांद्याचे किरकोळ दर सरासरी प्रतिकिलो ३३ रुपये अाणि टोमॅटोचे दर ४५ रुपये अाहेत. राजस्थान, गुजरात, महाराष्ट्र, मध्य प्रदेश अाणि अांध्र प्रदेशमध्ये खरिपातील कांद्याची अावक सुरू झाली अाहे. खरीपपूर्व हंगामातील अाणि खरिपातील कांद्याची बाजार समित्यांमध्ये अावक सुरू झाली अाहे. खरिपात उशिरा घेतलेल्या पिकाची जानेवारीमध्ये अावक होईल, असे ग्राहक व्यवहार मंत्रालयाचे सचिव श्रीवास्तव यांनी सांगितले.

कनार्टकातून टोमॅटोची अावक थांबली

कर्नाटकात पावसामुळे टोमॅटो अावक होण्यास अडथळे निर्माण झाल्याने दिल्लीत टोमॅटोचे दर वाढले अाहेत. पुढील दहा-बारा दिवसांत टोमॅटाेचा पुरवठा सुरळीत होईल, अशी अपेक्षा सचिव श्रीवास्तव यांनी व्यक्त केली अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com