नाशिक जिल्ह्यात कांद्याचे दर वाढले

नाशिक जिल्ह्यात कांद्याचे दर वाढले
नाशिक जिल्ह्यात कांद्याचे दर वाढले

नाशिक : केंद्र सरकारने कांद्यावरील निर्यातमूल्य शून्य केल्यानंतर लिलावाच्या पहिल्याच दिवशी कांद्याचा दर क्विंटलमागे १००० रुपयांनी वाढला. नाशिक जिल्हाभरातील विविध बाजार समित्यांमध्ये सोमवारी (ता.५) व मंगळवारी (ता.६) कांद्याचे दर क्विंटलमागे १५०० ते २५०० व सरासरी २००० रुपयांपर्यंत गेले. लाससलगाव बाजार समितीत क्विंटलमागे सरासरी २४५१ रुपयांचा सर्वाधिक भाव मिळाला.  आठवडाभरापासून कांद्याच्या दरात घसरण होत होती. क्विंटलमागे दर २००० रुपयांवरून १४०० रुपयांपर्यंत घसरले होते. मात्र, केंद्राने निर्यातमूल्य शून्य केल्याने कांद्याने कमालीची उसळी घेतली आहे. जिल्ह्यात आता फक्त लाल कांदा शिल्लक असून, तोही आता संपत आला आहे. कांद्याची आवक कमी आणि निर्यात खुली यामुळे कांद्याने एकाच दिवसात १००० रुपयांनी उसळी घेतली. महिनाभरात उन्हाळ कांदाही मार्केटमध्ये यायला सुरवात होईल आणि निर्यातमूल्य शून्य केल्यामुळे कांद्याचे सरासरी दर १००० रुपयांच्या खाली येणार नाहीत, असे भाकीत या क्षेत्रातील तज्ज्ञांनी व्यक्त केले आहे.  पिंपळगाव बाजार समितीत झालेल्या लिलावात शुक्रवारच्या तुलनेत शनिवारी ४०० रुपयांनी कांदा वधारला होता. सोमवारी २१५१ रुपये सरासरी भाव मिळाला. लासलगाव बाजार समितीत शुक्रवारी लासलगाव बाजार समितीत १४५१ रुपये भाव होता. क्विंटलमागे थेट २४५१ असा एक हजार रुपयांच्या उसळीने सोमवारी भाव वधारला. जिल्ह्यातील बाजार समित्यांमध्ये सर्वाधिक सरासरी भाव हा लासलगाव मार्केटमध्ये मिळाला. जिल्ह्यातील पिंपळगाव बसवंत, लासलगाव, उमराणा, सायखेडा, वणी, विंचूर, निफाड या बाजार समित्यांच्या आवारात सोमवारी एकूण ५४ हजार २९४ क्विंटल कांद्याची आवक झाली. कमीत कमी ९०० ते १५००, तर जास्तीत जास्त २३९९ ते २५३७ रुपये असा क्विंटलमागे भाव होता. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com