सोलापूर बाजारात कांद्याच्या दरात पुन्हा उसळी

 कांदा
कांदा

सोलापूर : सोलापूर कृषी उत्पन्न बाजार समितीच्या आवारात गतसप्ताहात कांद्याच्या दराने पुन्हा एकदा उसळी घेतली. कांद्याची आवक मात्र जेमतेम राहिली. मागणी वाढल्याने दरातील तेजी टिकून राहिल्याचे बाजार समितीच्या सूत्रांकडून सांगण्यात आले.  बाजार समितीच्या आवारात गतसप्ताहात कांद्याची आवक रोज ८० ते १०० गाड्यांपर्यंतच होत आहे. त्या आधीच्या सप्ताहात हीच आवक रोज २०० ते ३५० गाड्यांपर्यंत होती. जवळपास निम्याने आवकेत घट झाली आहे. कांद्याची सर्वाधिक आवक जिल्ह्यातूनच आहे. बाहेरील आवक तुलनेने खूपच कमी आहे. येत्या पंधरवड्यात बीड, उस्मानाबाद, नगर भागातून आवक वाढण्याची शक्‍यता व्यापाऱ्यांनी व्यक्त केली आहे, पण असे असले तरी यंदा कांद्याची आवक कमी असल्योन दरातील तेजी आणखी काही दिवस टिकून राहणार असल्याचे सांगण्यात आले. गतसप्ताहात बाजारात कांद्याला प्रतिक्विंटल २०० ते ३५०० व सरासरी २२०० रुपये असा दर मिळाला. त्याशिवाय वांगी, गवार, भेंडी यांच्या दरातही हळूहळू सुधारणा होते आहे. वांग्याची आवक रोज १०० क्विंटल, गवारची २० क्विंटल, भेंडीची ३० क्विंटल इतकी झाली. गेल्या काही दिवसांच्या तुलनेत त्यांच्या दरातील तेजीही काहीशी टिकून आहे. वांग्याला प्रतिदहा किलोसाठी १०० ते २०० रुपये, गवारला २०० ते ४०० रुपये आणि भेंडीला २५० ते ३०० रुपये असा दर मिळाला.  भाजीपाल्याच्या दरात मात्र या सप्ताहातही पुन्हा चढ-उतार राहिला. भाज्यांची आवक दहा ते बारा हजार पेंढ्यांपर्यंत रोज राहिली. भाज्यांची सगळी आवक स्थानिक भागातूनच झाली. मेथीला शंभर पेंढ्यांसाठी २०० ते ४०० रुपये, शेपूला १०० ते ३५० रुपये आणि कोथिंबिरीला १०० ते २५० रुपये असा दर मिळाला.  त्याशिवाय हिरवी मिरची, ढोबळी मिरचीचे दरही स्थिर राहिले. हिरव्या मिरचीला प्रतिदहा किलोसाठी १०० ते २०० रुपये आणि ढोबळी मिरचीला १५० ते २५० रुपये एवढा दर मिळाला. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com