agriculture news in marathi, Only 25 percent crop loan distribute in Rabi | Agrowon

पुणे जिल्ह्यात रब्बीत अवघे २५ टक्के पीक कर्जवाटप
टीम अॅग्रोवन
सोमवार, 19 फेब्रुवारी 2018

पुणे : शेतकऱ्यांना रब्बी हंगामात पुणे जिल्हा मध्यवर्ती सहकारी बँकेकडून दरवर्षी मोठ्या प्रमाणात कर्ज वाटप केले जाते. यंदा बँकेने निर्धारित उद्दिष्ठाच्या ६५८ कोटी ८५ लाख ९६ हजार रुपयांच्या पीक कर्जापैकी अवघे १६७ कोटी १४ लाख २ हजार रुपये म्हणजेच २५ टक्के पीक कर्जवाटप केल्याचे चित्र आहे. गेल्या वर्षीच्या तुलनेत पीक कर्जवाटपात यंदा २३ टक्क्यांनी घट झाली असून, चालू वर्षी ठेवलेले उद्दिष्टही साध्य होणार की नाही यावर प्रश्नचिन्ह उपस्थित झाले आहे.

पुणे : शेतकऱ्यांना रब्बी हंगामात पुणे जिल्हा मध्यवर्ती सहकारी बँकेकडून दरवर्षी मोठ्या प्रमाणात कर्ज वाटप केले जाते. यंदा बँकेने निर्धारित उद्दिष्ठाच्या ६५८ कोटी ८५ लाख ९६ हजार रुपयांच्या पीक कर्जापैकी अवघे १६७ कोटी १४ लाख २ हजार रुपये म्हणजेच २५ टक्के पीक कर्जवाटप केल्याचे चित्र आहे. गेल्या वर्षीच्या तुलनेत पीक कर्जवाटपात यंदा २३ टक्क्यांनी घट झाली असून, चालू वर्षी ठेवलेले उद्दिष्टही साध्य होणार की नाही यावर प्रश्नचिन्ह उपस्थित झाले आहे.

गेल्या वर्षी बँकेने ५८४ कोटी ५३ लाख ७९ हजार रुपयांपैकी ५८ हजार ७०२ सभासदांना २८२ कोटी ३९ लाख ६७ हजार रुपयांचे पीक कर्जाचे वाटप केले होते. जिल्ह्यात बँकेने सरासरी ४८ टक्के वाटप केले होते. मात्र, यंदा बँकेकडून अत्यंत कमी पीक कर्जवाटप करण्यात आले आहे. रब्बी हंगामात पुणे जिल्ह्यातील बहुतांशी शेतकरी निविष्ठा खरेदीसाठी बँकेकडून पीक कर्ज घेतात. त्यातून पेरणीसाठी लागणारी खते, बियाणे, नागरट अशी विविध कामे या पीक कर्जातून शेतकरी भागवतात.

सध्या जिल्ह्यात रब्बीतील पेरण्या पूर्ण झाल्या आहेत. त्यामुळे पीक कर्ज वाटपात घट होण्याची शक्यता आहे. पुणे जिल्हा मध्यवर्ती सहकारी बँकेच्या तालुका व गावपातळी एकूण २६५ शाखा आहेत. या शाखांकडून सहकारी सोसाट्यांच्या माध्यमातून शेतकऱ्यांना एक लाखापर्यंत शून्य टक्के तर तीन लाखांपर्यंत एक टक्के व्याजदराने कर्ज उपलब्ध करून दिले आहे.

त्यामुळे शेतकरी ऊस, कांदा, टोमॅटो, बटाटा, फळबागमध्ये द्राक्ष, केळी, डाळिंब, आंबा, फूलशेतीमध्ये गुलाब, जरबेरा, कार्नेशन, फळभाज्यामध्ये ढोबळी मिरची, तसेच भात, ज्वारी, बाजरी, भुईमूग यासह इतर पिकांनाही पीक कर्ज दिले जाते. त्यामुळे दरवर्षी पीक कर्ज घेणाऱ्यांच्या संख्येत वाढ होत असल्याचे दिसून येते.

यंदा शासनाने केलेल्या कर्जमाफीमुळे जिल्ह्यातील शेतकऱ्यांना कर्जमाफीची रक्कम मिळाली आहे. त्यातून अनेक शेतकऱ्यांनी शेतीतील आर्थिक अडचणी भागविल्या आहेत. त्यामुळे पीक कर्जात घट झाली असल्याचे बँकेच्या सूत्रांनी सांगितले.

पीकनिहाय झालेले पीककर्जाचे वाटप

पीक                   रक्कम
ऊस                    ४६ कोटी ९१ लाख ३३ हजार रुपये,
टोमॅटो                १० कोटी ३७ लाख ४३ हजार,
कांदा                  ६० कोटी ५७ लाख १८ हजार,
बटाटा                 ४२ कोटी ३२ लाख ३४ हजार
द्राक्षे                    १ कोटी १४ लाख ९० हजार,
केळी                   ४ लाख २ हजार
डाळिंब                १ कोटी ४३ लाख ४४ हजार
आंबा                   ७९ हजार
ज्वारी, बाजरी      ४ कोटी ११ लाख ६३ हजार,
इतर पिके            ९६ हजार 

इतर बातम्या
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
‘सन्मान'च्या लाभार्थ्यांबाबत प्रशासन...गोंदिया : प्रधानमंत्री शेतकरी सन्मान योजनेचा लाभ...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
चैत्र यात्रेनिमित्त भाविकांनी दुमदुमला...ज्योतिबा डोंगर, जि. कोल्हापूर  : ‘...
विदर्भात वादळी पावसाची शक्यतापुणे : पूर्वमोसमी पावसाच्या सरींमुळे...
‘ॲग्रोवन'चा आज १४वा वर्धापन दिन; जल...पुणे : लाखो शेतकऱ्यांच्या कुटुंबातील घटक बनलेल्या...
यंदा बीटी कापूस बियाणे मुबलक : कृषी...पुणे : राज्याच्या कापूस उत्पादक भागातील...