agriculture news in marathi, opportunity for cotton export as dollar increases | Agrowon

डॉलर वधारल्याने कापसात निर्यात संधी
चंद्रकांत जाधव
शनिवार, 28 एप्रिल 2018

- डॉलरने गाठली १४ महिन्यांमध्ये उच्चांकी पातळी
- आयात थांबल्याने कापूस दरांवरील दबाव काहीसा दूर
- आतापर्यंत ५८ लाख कापसांच्या गाठींची निर्यात
- सरकीचे दर सटोडियांमुळे नीचांकी पातळीवर
- सरकीच्या व्यवहारांच्या चौकशीची मागणी

जळगाव : रुपयाचे अवमूल्यन होऊन डॉलरचे दर ६६ रुपये ७४ पैशांपर्यंत पोचल्याने २९ मिलिमीटर लांबीच्या कापसाच्या गाठींची (एक गाठ १७० किलो रुई) आयात देशांतर्गत आयातदारांना महागात पडू लागल्याने ती थांबली आहे. सुमारे पाच लाख गाठींचे सौदे यामुळे कोलमडले आहेत. परिणामी देशांतर्गत बाजारात रुईच्या दरांवरील दबाव काहीसा दूर झाला आहे.

दरम्यान, सरकीचे दर चार महिन्यांत ४०० रुपयांनी कमी झाले असून, वायदे बाजारातील सटोडियांनी सरकीच्या दरांबाबत कृत्रिम मंदी तयार केली आहे. या सटोडियांसह सरकीच्या व्यवहारांची चौकशी सक्तवसुली संचालनालयाने (ईडी) करावी, अशी मागणी कॉटन असोसिएशन ऑफ इंडियाने केली आहे.

१४ महिन्यांमध्ये डॉलरचे दर सर्वाधिक उच्चांकी पातळीवर पोचले आहे. यामुळे सुताचे दर किलोमागे १० रुपयांनी, तर रुईचे दरही स्थिरावले आहेत. मागील पंधरवड्यातच डॉलरचे दर ६५ रुपयांवर पोचले होते. तेव्हापासून गाठींची आयात कमी होत गेली. आजघडीला २९ मिलिमीटर लांबीच्या गाठीची आयात कुठल्याही स्थितीत परवडत नाही. डॉलर वधारल्याने अमेरिका, तुर्की किंवा ऑस्ट्रेलियाची खंडी (३५६ किलो रुई) भारतीय आयातदारांना वाहतूक खर्चासह ४८ हजारांत पडत आहे, तर हीच २९ मिलिमीटर लांबीची भारतीय जिनिंगमध्ये निर्मित खंडी देशातील खरेदीदारांना ४१ हजार रुपयांत पडत आहे. मागील महिन्यात भारतीय, अमेरिकी किंवा ऑस्ट्रेलियन २९ मिलिमीटर कापसाच्या गाठीच्या दरांमध्ये सुमारे दोन हजार रुपयांचा फरक होता. देशांतर्गत बाजारात हव्या तशा शुभ्रतेचा (८० टक्के व्हाइटनेस) व कमी ट्रॅशच्या (कचरा) गाठी बोंड अळीमुळे मिळत नसल्याने थोडे पैसे अधिक देऊन भारतीय वस्त्रोद्योगातील मंडळी गाठींची आयात करीत होती. ही आयात मात्र आता थांबली आहे.

रुई किंवा कापसाचे दर स्थिर असून, भारतीय कापसासंबंधीचा न्यूयॉर्क ट्रेड इंडेक्‍स ८४ सेंटवर स्थिर आहे. निर्यात देशातून सुरू असून, बांगलादेश, व्हीएतनाम, पाकिस्तान, चीन व इंडोनेशियामध्ये सुमारे ५८ लाख गाठींची निर्यात झाली आहे. रुपयाचे अवमूूल्यन झाल्याने निर्यातीला आणखी चालना मिळणार आहे; परंतु भारतात उत्पादन न होणाऱ्या ३५ मिलिमीटर लांबीच्या पिमा व गिझा कापसाची किंवा गाठींची आयात अमेरिका, ऑस्ट्रेलिया व तुर्की येथून सुरूच राहील, अशी माहिती मिळाली आहे.

सरकीत कृत्रिम मंदी
देशात यंदा एक कोटी आठ लाख मेट्रिक टन सरकीचे उत्पादन अपेक्षित आहे. पाच क्विंटल कापसात तीन क्विंटल सरकी यंदा मिळाली. वायदेबाजारात एक लाख दोन हजार मेट्रिक टन एवढाच सरकीचा साठा असल्याचे दिसत असतानाही सरकीचे दर चार महिन्यांत १८५० रुपयांवरून १४५० रुपये प्रतिक्विंटलपर्यंत खाली आणण्याचा प्रकार सटोडियांनी केला आहे. २०-२२ सटोडिये सरकीचे दर पाडण्यात सक्रिय असल्याने रुईच्या बाजारात दरांवर दबाव सतत असतो. याचा केंद्रीय तपास व इतर वित्तीय संस्थांनी शोध घ्यावा. कापसाच्या बाजारात त्यांच्यामुळे यंदा परिणाम झाला असून, त्यांच्या सरकीच्या व्यवहारांची सक्तवसुली संचालनालयाकडून (ईडी) चौकशी केली जावी, अशी मागणी कॉटन असोसिएशन ऑफ इंडियाचे सदस्य अनिल सोमाणी यांनी ॲग्रोवनशी बोलताना केली.

सरकीचे दर मागील वर्षी ऑक्‍टोबरमध्ये २१०० रुपये प्रतिक्विंटल होते, ते आता १४५० पर्यंत खाली आले. सरकी ढेप १९७० रुपये होती. ती आता १२०० रुपये झाली आहे. यामुळे कापूस उत्पादकांना हवे तसे दर मिळाले नाहीत. वायदेबाजारातील सटोडियांनी कापूस बाजारात मंदी निर्माण केली आहे; परंतु डॉलर वधारल्याने २९ मिलिमीटर लांबीच्या गाठींची आयात थांबली असून, जवळपास पाच लाख गाठींचे सौदे कोलमडले. रुईची बाजारपेठ स्थिरावली आहे.
- अनिल सोमाणी, संचालक,
कॉटन असोसिएशन ऑफ इंडिया

रुपयाचे अवमूल्यन मागील दोन तीन महिने सुरूच आहे. आजघडीला १४ महिन्यांतील उच्चांकी पातळी डॉलरने गाठली. दर्जेदार सुताचे दर किलोमागे सुमारे १० रुपयांनी वाढले आहेत. कापूस बाजारासंबंधीचा न्यूयॉर्क ट्रेड इंडेक्‍स ८४ सेंटरवर स्थिर आहे.
- राजाराम पाटील, कार्यकारी संचालक,
लोकनायक जयप्रकाश नारायण सहकारी सूतगिरणी,
लोणखेडा (ता. शहादा, जि. नंदुरबार) 

इतर अॅग्रोमनी
कापूस कोंडी टाळण्यासाठी मिशन मोडवर काम...भारत हा जगातील पहिल्या क्रमांकाचा कापूस उत्पादक...
हळद, हरभऱ्याच्या फ्युचर्स भावात चढ -...या सप्ताहात कापूस, गवार बी व हरभरा वगळता सर्व...
इंटरनेटद्वारे कृषिमालाचे प्रभावी विपणनएकविसाव्या शतकातील माणूसही इंटरनेटच्या वेगाने...
पुढील काही महिने हळदीच्या दरावर ठेवा...या सप्ताहात सोयाबीन व गहू वगळता सर्व पिकांचे भाव...
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...
सोयामील निर्यात ७० टक्के वाढण्याचा अंदाजदेशाची सोयामील (सोयापेंड) निर्यात २०१८-१९ या...
आधुनिक मत्स्यपालन : एक शाश्वत...पुणे ः नाशिक रस्त्यावर मंचरपासून जवळच अवसरी खुर्द...