agriculture news in marathi, opposition Aggressive on bollworm issue | Agrowon

बोंड अळीवरून विधानसभेत विरोधक आक्रमक
टीम अॅग्रोवन
गुरुवार, 1 मार्च 2018

मुंबई : विदर्भ आणि मराठवाड्यात गारपीट, अवकाळी पावसामुळे आणि बोंड अळीचा प्रादुर्भाव झाल्याने शेतकऱ्यांचे मोठ्या प्रमाणावर नुकसान झाले; मात्र शेतकऱ्यांचे गारपिटीमुळे बोंड अळीचा प्रादुर्भाव होऊन नुकसान झाल्याचा मुद्दा मांडत भाजपचे आमदार डॉ. अनिल बोंडे यांनी या विषयाला कलाटणी देण्याचा प्रयत्न केला. त्यामुळे चिडलेल्या विरोधकांनी बोंड अळीचा प्रश्न वेगळा असताना तो गारपिटीत समाविष्ट करून सरकारकडून दिशाभूल करण्यात येत असल्याचा आरोप करत विधानसभेचे कामकाज रोखून धरले. त्यामुळे विधानसभेचे बुधवारी (ता. २८) कामकाज तीनवेळा तहकूब करावे लागले.

मुंबई : विदर्भ आणि मराठवाड्यात गारपीट, अवकाळी पावसामुळे आणि बोंड अळीचा प्रादुर्भाव झाल्याने शेतकऱ्यांचे मोठ्या प्रमाणावर नुकसान झाले; मात्र शेतकऱ्यांचे गारपिटीमुळे बोंड अळीचा प्रादुर्भाव होऊन नुकसान झाल्याचा मुद्दा मांडत भाजपचे आमदार डॉ. अनिल बोंडे यांनी या विषयाला कलाटणी देण्याचा प्रयत्न केला. त्यामुळे चिडलेल्या विरोधकांनी बोंड अळीचा प्रश्न वेगळा असताना तो गारपिटीत समाविष्ट करून सरकारकडून दिशाभूल करण्यात येत असल्याचा आरोप करत विधानसभेचे कामकाज रोखून धरले. त्यामुळे विधानसभेचे बुधवारी (ता. २८) कामकाज तीनवेळा तहकूब करावे लागले.

विधानसभेचे कामकाज सुरू होताच विरोधी पक्षनेते राधाकृष्ण विखे-पाटील यांनी नियम ९७ अन्वये प्रस्ताव मांडत बोंड अळीच्या प्रादुर्भावामुळे शेतकऱ्यांच्या झालेल्या नुकसानीच्या प्रश्नावर चर्चेची मागणी केली; मात्र अध्यक्ष हरिभाऊ बागडे यांनी विरोधकांच्या मागणीला सुरवातीला नकार दिला. त्यावर विरोधकांनी गोंधळ घालण्यास सुरवात केल्याने दोनवेळा सभागृहाचे कामकाज तहकूब करावे लागले. या वेळी भाजप आमदार अनिल बोंडे यांनी विरोधकांवर उपरोधिक टीका करत विरोधकांनो, विरोध करण्यासाठी टॉनिक घेऊन येत जा, असे म्हणत विरोधकांना डिवचले.

या वेळी हरकतीचा मुद्दा घेत माजी मुख्यमंत्री पृथ्वीराज चव्हाण म्हणाले, विरोधकांच्या नियम ९७ अन्वये चर्चा करत प्रश्नोत्तराचा तास रद्द करा, अशी मागणी केली होती. म्हणून तुम्ही प्रश्नोत्तराचा तास रद्द केला आहे. त्यामुळे आमच्या प्रस्तावावर चर्चा करा, त्यावर अध्यक्ष हरिभाऊ बागडे म्हणाले, “तुम्ही चर्चेची मागणी केली, त्यावर मी चर्चा सुरू केली आहे. तुम्ही खाली बसा शेतकऱ्यांच्या प्रश्नावरच चर्चा सुरू आहे. तुम्ही ऐकून घ्या. जाग्यावर बसा. अनिल बोंडे तुम्ही प्रस्तावावर चर्चा सुरू करा. ’’

भाजप आमदार अनिल बोंडे म्हणाले, “विरोधकांचे शेतकऱ्यांवरचे प्रेम किती ढोंगी आहे ते कळते आहे. शेतकरी प्रश्नांवर चर्चा सुरू असताना ते गोंधळ घालत आहेत. विरोधक वैफल्यग्रस्त आहेत. त्यांच्याकडे मुद्दे नाहीत त्यामुळे ते गोंधळ घालत आहेत. या वेळी राज्य सरकारने एक महिन्याच्या आत नुकसानभरपाई शेतकऱ्यांच्या खात्यावर जमा करणार असल्याचा दावा केला. त्यावर विरोधकांनी गारपिटीसोबतच बोंड अळीवरही चर्चा करण्याची मागणी केली.’’

दरम्यान, तिसऱ्यांदा सभागृहाचे कामकाज सुरू झाल्यावर पुन्हा एकदा विरोधकांनी गोंधळ घालण्यास सुरवात केली. त्यामुळे शालेय शिक्षणमंत्री विनोद तावडे यांनी याप्रश्नी अध्यक्षांच्या दालनात विरोधकांसोबत बैठक घेऊन तोडगा काढावा, अशी विनंती तालिका अध्यक्ष योगेश सागर यांना केली. त्यानुसार योगेश सागर यांनी पुन्हा सभागृहाचे कामकाज १५ मिनिटांसाठी तहकूब केले. अखेर सत्ताधारी आणि विरोधकांचे दोन वेगवेगळे प्रस्ताव एकत्रित करून त्यावर आज (गुरुवारी) चर्चा घेण्याचे सर्वानुमते ठरविण्यात आले. 

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...