agriculture news in marathi, opposition strikes on Ballworm issue in assembly | Agrowon

बोंड अळी लक्षवेधीवरून विरोधक भडकले
टीम अॅग्रोवन
गुरुवार, 14 डिसेंबर 2017

नागपूर : विदर्भ, मराठवाडा आणि खानदेशातील कापूस पट्ट्यात गुलाबी बोंड अळीने घातलेल्या थैमानाचे तीव्र पडसाद विधानसभेत (ता. १३) बुधवारी उमटले. या संदर्भातील लक्षवेधीवर उत्तर न आल्याने सरकारने ही लक्षवेधी पुढे ढकलली. त्यावर काँग्रेस, राष्ट्रवादीचे नेते राज्य सरकारवर भडकले. शेतकरी अडचणीत असताना सरकार कुणाला पाठिशी घालते आहे, असा आरोप करीत विरोधकांनी सरकारला धारेवर धरले.

नागपूर : विदर्भ, मराठवाडा आणि खानदेशातील कापूस पट्ट्यात गुलाबी बोंड अळीने घातलेल्या थैमानाचे तीव्र पडसाद विधानसभेत (ता. १३) बुधवारी उमटले. या संदर्भातील लक्षवेधीवर उत्तर न आल्याने सरकारने ही लक्षवेधी पुढे ढकलली. त्यावर काँग्रेस, राष्ट्रवादीचे नेते राज्य सरकारवर भडकले. शेतकरी अडचणीत असताना सरकार कुणाला पाठिशी घालते आहे, असा आरोप करीत विरोधकांनी सरकारला धारेवर धरले.

गुलाबी बोंड अळीने कापूस पट्ट्यातील शेतकऱ्यांचे सुमारे १५ हजार कोटींचे नुकसान झाले आहे. कापूस उत्पादक शेतकऱ्यांना तातडीने मदत जाहीर करावी या मागणीसाठी विरोधी पक्षाच्या आमदारांनी लक्षवेधी सूचना मांडली होती. मात्र, यावर उत्तर न आल्याने सरकारने ही लक्षवेधी पुढे ढकलली. मात्र, या लक्षवेधीवर तातडीने चर्चा करा, अशी मागणी करीत विरोधक अध्यक्षांसमोरील मोकळ्या जागेत धावून आले.

विरोधकांनी घोषणाबाजी करीत गोंधळ घातल्याने कामकाज दहा मिनिटे तहकूब करण्यात आले. त्यानंतर अजित पवार यांनी सरकारचे वाभाडे काढले. ते म्हणाले, राज्यात शेतकरी अडचणीत असताना सरकार कुणाला पाठिशी घालत आहे. शेतकऱ्यांच्या प्रश्नावर सरकार पळवाट काढत आहे. लक्षवेधीवर सरकारला माहिती कशी मिळत नाही. बोंड अळीमुळे झालेल्या नुकसानीला सरकारने तातडीने भरपाई जाहीर करावी आणि यावर तातडीने चर्चा सुरू करावी, अशी मागणीही त्यांनी केली. 

विरोधी पक्षनेते राधाकृष्ण विखे-पाटील म्हणाले, शेतकऱ्यांप्रश्नी सरकार गंभीर नाही. सरकार वेळकाढूपणाचे धोरण राबवीत आहे. कामकाजात ही लक्षवेधी दाखवली असताना आता ती पुढे ढकलण्याचे कारण काय, अशी विचारणाही त्यांनी केली. दिलीप वळसे-पाटील म्हणाले, सरकार या सभागृहाला गांभीर्याने घेत नाही. गेल्या तीन वर्षांपासून हे चित्र दिसते आहे. ही महत्त्वाची लक्षवेधी सरकारने पुढे का ढकलली, याचे उत्तर सरकारने द्यावे आणि त्याबद्दल सरकारने दिलगिरी व्यक्त करावी. 

दरम्यान, मुख्यमंत्री देवेंद्र फडणवीस यांनी विरोधकांनी हा मुद्दा प्रतिष्ठेचा करू नये असे आवाहन केले. बोंड अळीच्या प्रश्नावर सरकारकडून उत्तर येईल, सरकार चर्चेला तयार आहे. सत्ताधारी पक्षाच्या सदस्यांनी मांडलेल्या २९३ अन्वये चर्चेच्या प्रस्तावात हा मुद्दा समाविष्ठ केला जाईल, असे आश्वासन देऊन चर्चेवर पडदा टाकला.

इतर ताज्या घडामोडी
विठ्ठल-रुक्मिणी मंदिर समितीला चैत्री...सोलापूर : गेल्या आठवड्यात झालेल्या चैत्री...
अकोला जगात ‘हॉट’ शहरांच्या यादीतअकोला : मागील दोन दिवसांपासून या भागात उष्णतेचे...
दुष्काळी भागात दाहकता वाढलीसावळज, जि. सांगली : कायमस्वरूपी दुष्काळी भाग...
विकासासाठी पुन्हा एकदा संधी द्या :...नाशिक : लोकसभेची ही निवडणूक विकासाची, सामान्य...
राहुल गांधी यांची आज संगमनेरात सभानगर : शिर्डी लोकसभा मतदारसंघातील काॅँग्रेसचे...
तयार करा सेंद्रिय निविष्ठाअलीकडे सेंद्रिय शेतीकडे वळणाऱ्या शेतकऱ्यांची...
रताळे लागवडरताळी लागवडीसाठी जमीन साधारण उतार असलेली व उत्तम...
निवडणूक संपली, आता तरी दुष्काळी...सांगली ः लोकसभेची आचारसंहिता एक महिन्यापासून सुरू...
चौथ्या टप्प्यात १०९ कोट्यधीश उमेदवार...मुंबई ः राज्यातील चौथ्या टप्प्याची निवडणूक...
पुणे ः खरिपासाठी एक लाख ८५ हजार टन...पुणे ः पुणे जिल्ह्यात खरीप हंगामाची तयारी सुरू...
राज्यात कलिंगड प्रतिक्विंटल ५०० ते २१००...अकोल्यात प्रतिक्विंटल ६०० ते ११०० रुपये अकोला ः...
कृषी सल्ला : ऊस, कापूस, उन्हाळी भुईमूग...हवामान अंदाज - शुक्रवार - शनिवारी (ता. २६ - २७)...
द्राक्ष बागेचे वाढत्या तापमानातील...नव्या आणि जुन्या द्राक्ष बागांचा विचार केला असता...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
जळगावात पांढऱ्या कांद्याच्या आवकेत घटजळगाव  : कृषी उत्पन्न बाजार समितीमध्ये...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...