कृषी साहित्य, अवजारांसाठी लाभार्थ्यांना वस्तू खरेदीचे आदेश

कृषी साहित्य, अवजारांसाठी लाभार्थ्यांना वस्तू खरेदीचे आदेश
कृषी साहित्य, अवजारांसाठी लाभार्थ्यांना वस्तू खरेदीचे आदेश

पुणे : जिल्हा परिषदेकडून राबविण्यात येणाऱ्या वैयक्तिक लाभाच्या योजनेअंतर्गत कृषी विभागाकडून यंदा ८ हजार ७२० लाभार्थ्यांची निवड करण्यात आली अाहे. पात्र लाभार्थ्यांची यादी पंचायत समिती कार्यालयाकडे पाठविण्यात आली आहे. कृषी साहित्य व अवजारांसाठी ७५ टक्के अनुदानावर वस्तू खरेदीचे आदेश देण्यात आले आहेत, अशी माहिती कृषी व पशुसंवर्धन सभापती सुजाता पवार यांनी दिली.

कृषी विभागाकडून यंदा ७५ टक्के अनुदानावर थेट लाभ हस्तांतरण धोरणानुसार विविध वस्तूंचा लाभ देण्यात येत अाहे. कृषी विभागाच्या अनुदानावर साहित्यवाटप योजनेसाठी ५ कोटी ५३ लाख रुपयांच्या निधीची तरतूद करण्यात आली आहे. एचटीपी स्प्रेपंप इंजिनसह, प्लॅस्टिक क्रेट्‌स, प्लॅस्टिक ताडपत्री, सुधारित अवजारांमध्ये सायकल कोळपे, ट्रॅक्‍टरचलित दोन फाळी सरी रिजर, दोन एचपी इलेक्‍ट्रिक कडबाकुट्टी यंत्र आणि गांडूळ खतनिर्मिती सयंत्र या वस्तूंचा योजनेत समावेश आहे.

या याजेनेसाठी जिल्ह्यातून २८ हजारांहून अधिक व्यक्तींनी अर्ज केले होते. त्यातील कागदपत्रांची पडताळणी आणि उपलब्ध निधीनुसार ८ हजार ७२० लाभार्थ्यांची अंतिम यादी तयार करण्यात आली.  दोन एचपी इलेक्‍ट्रिक कडबाकुट्टी यंत्राला सर्वाधिक मागणी असून, ६६२ शेतकऱ्यांना त्याचा लाभ देण्यात येणार आहे. एचटीपी स्प्रेपंप इंजिनसाठी १०० लाभार्थ्यांची निवड करण्यात आली आहे. प्लॅस्टिक क्रेट्‌ससाठी ७२६, प्लॅस्टिक ताडपत्री २ हजार ६५०, सुधारित अवजारांमध्ये सायकल कोळपेसाठी ३२२ लाभार्थ्यांची निवड करण्यात आली आहे. ट्रॅक्‍टरचलित दोन फाळी सरी रिजरसाठी १२१, दोन एचपी इलेक्‍ट्रिक कडबाकुट्टी यंत्र ६६२ आणि गांडूळ खतनिर्मिती संयंत्रासाठी ७२ लाभार्थ्यांचा समावेश आहे. तर तीन, पाच, साडेसात एचपी पंप संच आणि पाइपसाठी एकूण ३ हजार ८१ असे एकूण ८ हजार ७२० लाभार्थ्यांची निवड करण्यात आली आहे.

कृषी विभागाच्या अनुदानावर साहित्यवाटप योजनेसाठी लाभार्थ्यांची यादी पंचायत समितीकडे पाठविण्यात आली अाहे. गटविकास अधिकाऱ्यांमार्फत संबंधित लाभार्थ्यांना वस्तू खरेदीबाबत पत्र देण्यात येत आहे. अन्य विभागाच्या याद्याही अंतिम टप्प्यात असून, थेट लाभाच्या योजना यंदा वेळेत पूर्ण होतील. - विश्‍वास देवकाते, अध्यक्ष, जिल्हा परिषद पुणे

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com