व्याजासह एफआरपी दिल्याशिवाय कारखान्यांना गाळप परवाने नाहीत

संग्रहित छायाचित्र
संग्रहित छायाचित्र

पुणे  : राज्यातील साखर कारखान्यांनी थकीत एफआरपी व्याजासहित दिल्याशिवाय गाळप परवाने दिले जाणार नाहीत, असे साखर आयुक्तालयाने पुन्हा स्पष्ट केले आहे. विशेष म्हणजे नगर जिल्ह्यातील साईकृपा शुगर फॅक्टरीला परवाना न देण्याचे आदेश साखर संचालकांनी दिले आहेत.

३८ कोटी रुपये थकविणाऱ्या ‘साईकृपा’ला परवाना न देण्याची ठाम भूमिका ऊसदर नियंत्रण मंडळाचे सदस्य भानुदास शिंदे व रयत शेतकरी संघटनेचे नेते भाऊसाहेब मांडे यांनी घेतली आहे. ‘साईकृपा’ला गाळप परवाना देण्याच्या हालचाली होत असल्याचे पाहून आंदोलनाचा इशारा दिल्याने साखर संचालकांनीदेखील कायदेशीर बाजूने कौल दिला आहे.

आरआरसीचे आदेश दिलेल्या कारखान्यांना गाळप परवाने कायद्यानुसार देता येणार नाही. आम्ही अद्याप तरी तीच भूमिका ठेवली आहे. मात्र, राज्य सरकारने विशेष बाब म्हणून सूचना दिल्यास कारखाने सुरू होऊ शकतात, अशी माहिती साखर आयुक्तालयाच्या सूत्रांनी दिली.

आरआरसीच्या आदेशानुसार थकीत एफआरपीची असलेल्या कारखान्यांमधील मालमत्ता विकण्याची कार्यवाही जिल्हाधिकाऱ्यांनी करणे अत्यावश्यक ठरते. साखर, मोलॅसिस, बगॅस उत्पादनाची विक्री करून शेतकऱ्यांना एफआरपी देण्याची तरतूद ऊस नियंत्रण आदेश १९६६ मध्ये आहे. त्यासाठी जिल्हाधिकाऱ्यांना अधिकार देण्यात आलेले आहेत. त्यामुळे आरआरसीचे आदेश दिल्यानंतर साखर आयुक्तालयाला नव्हे, तर महसूल विभागाने शेतकऱ्यांसाठी पाठपुरावा करणे अपेक्षित आहेत, असेही आयुक्तालयाचे म्हणणे आहे.

दरम्यान, ‘साईकृपा’ प्रकरणाची चौकशी विशेष लेखापरीक्षकांनी असे आदेश साखर संचालकांनी नगरच्या सहसंचालकांना दिले आहेत. ‘साईकृपा’सह आरएसएफ थकविणाऱ्या कोणत्याही कारखान्याला गाळप परवाना दिल्यास तीव्र आंदोलन केले जाईल, असा इशारा ऊसदर नियंत्रण मंडळाचे सदस्य श्री. शिंदे यांनी दिला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com