agriculture news in marathi, Organic products from Maharashtra will come under single brand : Sharad Pawar, Pune | Agrowon

सेंद्रिय उत्पादनांचा एकच ब्रँड बनविण्याचा निर्णय
टीम अॅग्रोवन
गुरुवार, 26 ऑक्टोबर 2017

पुणे : राज्यातील सेंद्रिय शेती उत्पादक शेतकऱ्यांच्या उत्पादनाचा एकच ब्रँड बनविण्याचा निर्णय सेंद्रिय शेती उत्पादक शेतकरी कंपन्या व गट यांच्या बैठकीत माजी केंद्रीय कृषिमंत्री शरद पवार यांच्या प्रमुख उपस्थितीत घेण्यात आला. सेंद्रिय उत्पादनांच्या मार्केटिंगमध्ये सुसूत्रता आणून पुणे शहरात प्रायोगिक तत्त्वावर मार्केटिंगचे मॉडेल तयार करण्यात येणार आहे.

पुणे : राज्यातील सेंद्रिय शेती उत्पादक शेतकऱ्यांच्या उत्पादनाचा एकच ब्रँड बनविण्याचा निर्णय सेंद्रिय शेती उत्पादक शेतकरी कंपन्या व गट यांच्या बैठकीत माजी केंद्रीय कृषिमंत्री शरद पवार यांच्या प्रमुख उपस्थितीत घेण्यात आला. सेंद्रिय उत्पादनांच्या मार्केटिंगमध्ये सुसूत्रता आणून पुणे शहरात प्रायोगिक तत्त्वावर मार्केटिंगचे मॉडेल तयार करण्यात येणार आहे.

राज्यातील सेंद्रिय उत्पादक शेतकरी कंपन्या व प्रमुख गटांचे अध्यक्ष यांची बैठक श्री. पवार यांच्या उपस्थितीत मांजरी येथील वसंतदादा शुगर इन्स्टिट्यूट येथे मंगळवारी (ता. २४) बैठक घेण्यात आली. या वेळी अंकुश पडवळे, प्रल्हाद वरे, आत्म्याचे प्रकल्प संचालक सुनील बोरकर यांची उपस्थिती होती.

राज्यात अनेक वर्षांपासून शेतकरी सेंद्रिय शेती करीत आहेत. पण मार्केटिंगमध्ये कमी पडत आहेत. शासनानेही सेंद्रिय शेतीचे अनेक गट राज्यात बनविले; परंतु मार्केटिंगची लिंक न झाल्याने सेंद्रिय गटांचे उत्पादनाचे काम थंडावले. याचा विचार करून सेंद्रिय शेती उत्पादनांना चांगले मार्केट मिळवून देण्यासाठी पुणे शहरात प्रायोगिक तत्त्वावर मगरपट्टा, नांदेड सिटी व ॲमेनोरा सिटीमध्ये सेंद्रिय उत्पादने विक्रीसाठी परवानगी मिळावी व कार्यालयास जागा मिळावी, अशी उपस्थित प्रतिनिधींनी श्री. पवार यांच्याकडे मागणी केली. श्री. पवार यांनी शेतकऱ्यांना सेंद्रिय उत्पादनांची विक्री करण्यासाठी जागा नाममात्र किमतीत मगरपट्टा, नांदेड सिटी व ॲमेनोरा सीटीत उपलब्ध करून देण्याचे संबंधितांना सांगितले. तसेच सेंद्रिय उत्पादन विक्री कार्यालयासाठी निसर्ग मंगल कार्यालयातील जागा स्वतः श्री. पवार यांनी पाहणी करून उपलब्ध करून दिली.

मार्केटमध्ये सेंद्रिय भाजीपाला, कडधान्ये, तृणधान्ये, सर्व प्रकारची फळे, देशी दूध, देशी अंडी, ज्वारी व मक्यापासून गटांनी बनविलेले प्रक्रिया पदार्थ आदी गोष्टींचे गुणवत्तापूर्ण उत्पादने निर्मितीसाठी व सातत्याने शेतकऱ्यांकडून पुरवठा होण्यासाठी शेतकऱ्यांना तांत्रिक मार्गदर्शन करण्याकरिता व त्यांना मार्गदर्शन करण्यासाठी राज्यातील सेंद्रिय उत्पादन करणाऱ्या शेतकरी कंपन्या व गट यांचे राज्य पातळीवरील संघटन करणे आणि राज्यातील सर्व सेंद्रिय उत्पादनांच्या मालाचा एकच ब्रँड बनविण्याचा निर्णय बैठकीत घेण्यात आला.

बैठकीस व्हीएसआयचे शिवाजीराव देशमुख, मंगळवेढ्याचे बाळासाहेब यादव, रामचंद्र आलदर, अण्णा माळी, अभिजित सरगर, बापूसाहेब देवकते, दादासाहेब इंगोले, सतीश कानवडे, सौ. स्वाती शिंगाडे, प्रशांत शेंडे, शीतल काटे, वैजिनाथ कराड, बाळासाहेब खेमनार, अमरजित जगताप, बाळासाहेब दरंदले, गिरीश देशपांडे, संतोष राऊत, प्रशांत नायकवडी, रोहिदास साळुंखे आदींसह राज्यातील सेंद्रिय उत्पादक शेतकरी कंपनीचे ५० प्रतिनिधी उपस्थित होते.

इतर अॅग्रो विशेष
कर्जमाफीची कूर्मगतीराज्यात दोन आठवड्याने उशिरा मॉन्सून दाखल झाला...
सोयीनुसार निवडणूक घेण्याचे ढोंग कशाला?देशापुढील वास्तव संकटे, समस्या अग्रक्रमाने...
मराठवाड्यातील ५८ तालुक्यांत पाऊसऔरंगाबाद, नांदेड : मराठवाड्यामध्ये रविवारी (...
पीकविम्यातील हलगर्जीपणा; कृषी...पुणे : प्रधानमंत्री पीकविमा योजनेची कामे करताना...
मॉन्सूनने निम्मा महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
तुरळक ठिकाणी मुसळधारेची शक्यतापुणे : राज्याच्या दक्षिण भागात मॉन्सूनने आगमन...
औरंगाबाद, कोपरगाव, येवल्यात धोधो पाऊसपुणे : कोकणानंतर गेल्या दोन दिवसांपासून राज्यातील...
`गुणनियंत्रण`चा चेंडू आता ‘एसीबी’च्या...पुणे : राज्याच्या कृषी विभागातील गुणनियंत्रण...
आटपाडीत पावसाने पाणीपातळीत वाढसांगली : आटपाडी तालुक्याच्या पश्चिम भागात दोन...
मराठवाड्यात सर्वदूर पावसाच्या सरीऔरंगाबाद : मराठवाड्यातील औरंगाबाद, जालना, बीड,...
नाशिक येथे बुधवारी पाणी व्यवस्थापन परिषदनाशिक ः सातत्याने उद्भवणाऱ्या दुष्काळी स्थितीमुळे...
राज्यात चार वर्षांत १२ हजार...मुंबई  : शेतकऱ्यांना सुखी करण्याचे...
योग्य ओलाव्यावर करा पेरणी बाजरी बाजरी पिकाकरिता पाण्याचा उत्तम निचरा...
प्रक्रिया उद्योगातून बनविली ओळखअमरावती येथील जयश्री रवींद्र गुंबळे यांनी गेल्या...
ग्रामविकास, आरोग्य अन् शिक्षणासाठी ‘खोज...मेळघाट परिसरातील आदिवासी लोकांच्या विकासासाठी...
मॉन्सून मंगळवारपर्यंत संपूर्ण राज्य...पुणे  : राज्यात दाखल होताच नैर्ऋत्य मोसमी...
मराठवाडा, विदर्भातील दक्षिण भागात...पुणे : नैर्ऋत्य मोसमी वाऱ्यांनी (मॉन्सून) वेगाने...
पाणीवापर संस्थांनी वाढवावी कार्यक्षमता सहकारी उपसा जलसिंचन योजनेच्या इतिहासाची माहिती...
पत्रास कारण की ...पंतप्रधान नरेंद्र मोदी यांनी देशातील सर्व...
दुग्धव्यवसाय, प्रक्रियेने दिला शेताीला...बुलडाणा शहरापासून सुमारे दहा किलोमीटरवरील अजिसपूर...