agriculture news in Marathi, Organic wheat production in Buldana District, Buldana | Agrowon

रब्बी हंगामात बुलडाण्यात पिकणार सेंद्रिय गहू
गोपाल हागे
शनिवार, 14 ऑक्टोबर 2017

सेंद्रिय उत्पादक गटांच्या माध्यमातून हे वाण या वर्षी ३०० एकरांवर पेरण्याचे नियोजन आहे. जिल्ह्यातील ३० सेंद्रिय उत्पादक गटांची कंपनी स्थापण्यात आलेली असून, खरिपात या गटांनी मूग, उडदाचे पीकसुद्धा घेतले आहे.
- नरेंद्र नाईक, प्रकल्प संचालक, आत्मा, बुलडाणा
 

बुलडाणा ः जिल्ह्यात आगामी रब्बी हंगामात सेंद्रिय पद्धतीने सुमारे ३०० एकरांपेक्षा अधिक क्षेत्रावर गव्हाचे उत्पादन घेतले जाणार आहे. यादृष्टीने ‘आत्मा’ व शेतकरी गटांकडून नियोजन केले जात आहे. मागील हंगामात जिल्ह्यात सेंद्रिय उत्पादक गटांनी मिळून शंभर एकरांवर पारंपरिक वाण असलेला ‘बन्सीपाला’ हा गहू पेरला होता.

शासनाने सेंद्रिय शेतीला पूरक धोरण मागील हंगामापासून राबविणे सुरू केले, तरी काही शेतकरी स्वतंत्रपणे यामध्ये काम करत आहेत. बुलडाणा जिल्ह्यात वडी येथील वसंतराव पाटील हे अनेक वर्षांपासून सेंद्रिय शेती करीत आहेत. मूग, उडीद, तूर या डाळवर्गीय पिकांसोबतच ते गव्हाचेही उत्पादन घेतात. त्यांनी जाणीवपूर्वक ‘बन्सीपाला’ या गव्हाचे वाण जोपासले व त्याचे बियाणे तयार करून शेतकऱ्यांमध्ये प्रसार केला. 

गेल्या हंगामात त्यांना ‘आत्मा’ विभागाचे सहकार्य मिळाले. आत्मामार्फत या हंगामात १०० एकरांत सेंद्रिय पद्धतीने गहू पेरण्यात आला होता. या गव्हाची पेरणी टोकण पद्धतीने केली जात असून, एकरी अवघे पाच किलो बियाणे वापरले जाते. कमी पाण्यावरही हा गहू येतो. साडेचार ते पाच फुटांपर्यंत वाढ होते. शिवाय वादळ-वाऱ्यामध्ये टिकाव धरतो. शेतकऱ्यांना गेल्यावर्षी १२ ते १७ क्विंटलदरम्यान एकरी उत्पादन आले. शेतकऱ्यांचा उत्पादनखर्च एकरी तीन ते साडेतीन हजारांच्या आत राहला. या गव्हाला मागणी चांगली असून, सध्याच्या प्रचलित वाणापेक्षा दरसुद्धा अधिक मिळत असल्याचे श्री. पाटील म्हणाले.

प्रतिक्रिया

कमी पाण्यावर येणारा हा गहू असून, खाण्यास चविष्ट व औषधी गुणधर्मयुक्त आहे. याची ओंबी छोटी व गच्च राहत असल्याने पाण्याने खराब होत नाही. आंतरपीक म्हणून मेथीसारखे पीकही घेता येते. आता इतरही शेतकरी त्याकडे वळत असल्याचे मोठे समाधान वाटते.
- वसंत बळीराम पाटील, सेंद्रिय उत्पादक, वडी, ता. नांदुरा, जि. बुलडाणा

रब्बीत गावातील ५० जणांचा समावेश असलेल्या शेतकरी गटाने या वाणाची लागवड केली होती. यासाठी गांडूळखत व तरल खताचाच वापर केला. २५ पासून तर ७० पर्यंत गव्हाला फुटवे आले होते. मंगरूळ इसरूळ गावात या वर्षी गटाशिवाय इतरही शेतकरी या गव्हाची लागवड करीत आहेत. 
- प्रल्हाद संपत गवते, गटप्रमुख, जय किसान सेंद्रिय शेतकरी गट, मंगरूळ (इसरूळ), ता. चिखली, जि. बुलडाणा 
 

फोटो गॅलरी

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...