agriculture news in marathi, paddy crop become in trouble due to lack of rain, pune, maharashtra | Agrowon

पुणे जिल्ह्यात भात पिक संकटात
टीम अॅग्रोवन
शनिवार, 13 ऑक्टोबर 2018

यंदा मी तीन एकरांवर भात लागवड केली होती. पावसाळ्यात पुरेसा पाऊस झाला नाही. त्यामुळे भात पिकाची वाढ खुंटली आहे. उत्पादनात ३०-४० टक्के घट येण्याची शक्यता आहे. शासनाने पंचनामे करून नुकसानभरपाई द्यावी.  
-रोहिदास लखीमले, शेतकरी, भोयरे, ता. मावळ.

पुणे  ः पुणे जिल्ह्यातील पश्चिम पट्ट्यातील भात पीक सध्या वाढीच्या अवस्थेत आहेत. या कालावधीतच पावसाने उघडीप दिली आहे. त्यामुळे जिल्ह्यातील सुमारे ५० हजार हेक्टरहून अधिक क्षेत्रावरील भात पिकाची वाढ खुंटली आहे. परिणामी भात उत्पादक शेतकरी संकटात सापडले असून उत्पादनावर मोठा परिणाम होण्याची शक्यता आहे.

जिल्ह्यात भाताचे सरासरी क्षेत्र ७२ हजार ९५३ हेक्टर आहे. त्यापैकी ६२ हजार १५० हेक्टर म्हणजेच सरासरी ८५ टक्के क्षेत्रावर भात लागवड झाली आहे. गेल्या वर्षीच्या तुलनेत यंदा भात लागवडीच्या क्षेत्रात आठ हजार ३८५ हेक्टरने वाढ झाली. अनेक भात उत्पादक शेतकऱ्यांनी आर्थिक परिस्थिती नसताना पीककर्ज घेऊन खते, बियाण्यांची खरेदी केली होती. जूनच्या पहिल्या आठवड्यात पुरंदर, बारामती वगळता उर्वरित भागात कुठेही पाऊस पडला नाही.

दुसऱ्या व तिसऱ्या आठवड्यात पावसाचा चांगलाच खंड पडला. त्यामुळे भात लागवड वेळेवर होऊ शकली नाही. जूनच्या चौथ्या आठवड्यात पावसाने काही प्रमाणात पडण्यास सुरवात केली. त्यामुळे भात उत्पादकांना दिलासा मिळाला आणि लागवडीस सुरवात झाली होती. जुलैमध्ये या लागवडीला चांगलाच वेग आल्याचे चित्र होते.

आॅगस्ट, सप्टेंबर महिन्यात जिल्ह्याच्या मावळ, मुळशी, भोर, वेल्हा, हवेली, खेड, जुन्नर आणि आंबेगाव या तालुक्यांत पावसाचा जोर कमी झाला. अनेक ठिकाणी भात पिके वाढीच्या, तर काही ठिकाणी पीक निसवण्याच्या अवस्थेत असून अनेक ठिकाणी करपा रोगाचा प्रादुर्भाव झाला आहे. परंतु शेवटच्या टप्‍प्यात पुरेसा पाऊस झाला नाही. त्यामुळे काही ठिकाणी भात पिक पिवळे पडू लागले आहे.

सध्या पाण्याची सुविधा असलेल्या शेतकऱ्यांकडील भात पीक बऱ्यापैकी असले तरी या पिकाच्या वाढीवर परिणाम झाला आहे. पाऊस न झाल्यास उत्पादनावर मोठा परिणाम होण्याची शक्यता आहे. भात पिकाचे पंचनामे करून नुकसानभरपाई देण्याची मागणी शेतकरी करीत आहेत.

पाऊस उशिरा झाल्याने उशिराने सुमारे साडे पाच एकरांवर भात रोपांची पुनर्लागवड केली. भात पीकवाढीच्या अवस्थेत आहेत. मात्र, पावसाने उघडीप दिली असून एका पावसाची गरज आहे. पाऊस न झाल्यास भात उत्पादनावर परिणाम होण्याची शक्यता आहे, असे डोणे येथील शेतकरी भात उत्पादक शेतकरी संतोष कारके यांनी सांगितले.

 

इतर ताज्या घडामोडी
जळगावात आले प्रतिक्विंटल २१०० ते ४५००...जळगाव ः कृषी उत्पन्न बाजार समितीमध्ये आल्याची (...
जळगावात आले प्रतिक्विंटल २१०० ते ४५००...जळगाव ः कृषी उत्पन्न बाजार समितीमध्ये आल्याची (...
महारेशीम नोंदणीला अकोला, वाशीममध्ये...अकोला :  रेशीम शेती आणि उद्योगास प्रोत्साहन...
मुख्यमंत्री फडणवीस साधणार ‘लोक संवाद’ पुणे ः शासनाच्या विविध योजना गरजूंपर्यंत...
पुणे विभागात रब्बीची अवघी ३४ टक्के पेरणीपुणे ः पावसाळ्यात कमी झालेल्या पावसामुळे गेल्या...
धुळे, नंदुरबार जिल्ह्यांत ९० विहिरींचे...धुळे : पाणीटंचाईची तीव्रता धुळे, नंदुरबार...
सोलापूर कृषी समितीच्या बैठकीत...सोलापूर : गुजरातमध्ये राबविण्यात येणाऱ्या कृषी...
कांदा, भाजीपाला वाटला मोफतचांदवड, जि. नाशिक : कांद्यासह भाजीपाला व इतर...
पालखेडच्या आवर्तनास जिल्हाधिकाऱ्यांचा...येवला, जि. नाशिक : पालखेड डाव्या कालव्यावरील...
पावसातही शेतकऱ्यांचा आम नदीपात्रात...वेलतूर, नागपूर : टेकेपार येथील शेतकऱ्यांनी...
स्वाभिमानीचे डफडे बजाओ आंदोलनबुलडाणा ः दुष्काळग्रस्त शेतकऱ्यांना मदत, सोयाबीन...
ज्वारीस द्या संरक्षित पाणीसर्वसाधारणपणे ७० ते ७५ दिवसांत ज्वारी फुलोऱ्यात...
गुणवत्तापूर्ण उत्पादनासाठी...प्रकाश संश्लेषणामध्ये हरितलवक आणि हरितद्रव्य...
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
सोलापुरात वांगी, ढोबळी मिरची, कोबी दरात...सोलापूर ः सोलापूर कृषी उत्पन्न बाजार समितीच्या...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...