agriculture news in marathi, paddy producer issue, nagpur, maharashtra | Agrowon

धान उत्पादकांना तातडीने मदत जाहीर करा
टीम अॅग्रोवन
मंगळवार, 19 डिसेंबर 2017
नागपूर : पूर्व विदर्भातील धान उत्पादक शेतकऱ्यांना तातडीने एकरी १० हजार रुपये आणि प्रतिक्विंटल ५०० रुपये बोनस जाहीर करा, अशी जोरदार मागणी विरोधी पक्षाच्या आमदारांनी सोमवारी (ता. १८) विधानसभेत केली. त्यामुळे झालेल्या गोंधळात सभेचे कामकाज दहा मिनिटे तहकूब करण्यात आले. 
 
नागपूर : पूर्व विदर्भातील धान उत्पादक शेतकऱ्यांना तातडीने एकरी १० हजार रुपये आणि प्रतिक्विंटल ५०० रुपये बोनस जाहीर करा, अशी जोरदार मागणी विरोधी पक्षाच्या आमदारांनी सोमवारी (ता. १८) विधानसभेत केली. त्यामुळे झालेल्या गोंधळात सभेचे कामकाज दहा मिनिटे तहकूब करण्यात आले. 
 
गडचिरोली, भंडारा, गोंदिया आणि चंद्रपूर या जिल्ह्यांत धानाचे पीक कापणीला आले असताना, तुडतुडा आणि मावा तसेच किडींचा प्रादुर्भाव झाल्याने शेतकऱ्यांचे नुकसान झाले असल्याचा मुद्दा भाजपचे आमदार राजेश काशीवार यांनी लक्षवेधीच्या माध्यमातून उपस्थित केला होता. पीकविम्यात शेतीपिकाचे नुकसान झाल्यास मंडळ स्तरावर सरासरी उत्पादनानुसार पीकविमा भरपाई देण्याची तरतूद आहे. तसेच कापूस, सोयाबीन या पिकांना लागू असलेले निकष धानालाही लावण्यात आल्याने शेतकरी भरपाईपासून वंचित राहणार असल्याचे काशीवार यांनी या वेळी सांगितले.
 
त्यामुळे मंडळ स्तरावरील सरासरी उत्पादनाची अट वगळून त्याऐवजी वैयक्तिक लाभाची अट समाविष्ट करण्याची गरज असल्याची मागणी काँग्रेसचे आमदार गोपालदास अग्रवाल यांनीही लावून धरली. आमदार विजय वडेट्टीवार यांनीसुद्धा हा नियम न बदलल्यास सुमारे ७५ टक्के धान उत्पादक मदतीपासून वंचित राहतील, असे आक्रमकपणे स्पष्ट केले. 
 
त्यावर कृषिमंत्री पांडुरंग फुंडकर म्हणाले, पंतप्रधान पीकविमा योजनेच्या निकषाप्रमाणे मंडळ स्तरावरील सरासरी उत्पादन गृहीत धरले जाते. मात्र, राज्य सरकारने त्याऐवजी गाव घटक धरून वैयक्तिक शेतकऱ्यांचे पंचनामे करावेत, अशी विनंती केली आहे. तसे पत्र केंद्र सरकारला पाठवण्यात आले आहे.
 
नुकसान झालेल्या क्षेत्राचे पंचनामे सुरू आहेत. पेरणी न झालेल्या क्षेत्राचाही यात समावेश आहे. त्यानुसार शेतकऱ्यांना मदत दिली जाईल, असे सांगितले. या वेळी राष्ट्रवादीचे नेते अजित पवार यांनी केंद्र सरकारने निकष बदलण्यास नकार दिल्यास राज्य सरकार मदत करणार आहे का, अशी विचारणा केली. 
 
दरम्यान, मुख्यमंत्री देवेंद्र फडणवीस म्हणाले, की या संदर्भात केंद्रीय कृषिमंत्री राधामोहन सिंह यांच्याशी बोलणे झाले आहे. त्यांनी मदत करण्याचे आश्वासन दिले आहे. कृषिमंत्री फुंडकर यांनी मदतीचा पुनरुच्चार केला. मात्र, फुंडकर यांच्या या उत्तरावर विरोधकांचे समाधान न झाल्याने त्यांनी एकरी दहा हजार रुपये आणि क्विंटलमागे पाचशे रुपये बोनस तातडीने जाहीर करण्याची आग्रही मागणी केली. यावरून सभागृहात काहीकाळ गोंधळ झाला. त्यामुळे विधानसभेचे कामकाज दहा मिनिटे तहकूब करण्यात आले.

इतर ताज्या घडामोडी
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...
शेतकरीप्रश्नी ‘स्वाभिमानी’चे विदर्भ,... पुणे ः पश्चिम महाराष्ट्रातील दूध व ऊस...
औरंगाबादेत बटाटा प्रतिक्‍विंटल १००० ते...औरंगाबाद : येथील कृषी उत्पन्न बाजार समितीमध्ये...
धुळीतील जिवाणूंना रोखण्यासाठी हवे...खिडक्यातून आत येणाऱ्या सूर्यप्रकाशामुळे धुळीमध्ये...
हळदीमध्ये भरणी, खत व्यवस्थापन...हळदीची उगवण आणि शाकीय वाढ यांनतर पुढील दोन...