गडचिरोली : आधारभूत किंमतीनुसार खरीप हंगामातील धानाच्या खरेदीसाठी जिल्ह्यात ८८ केंद्रांना जिल्हाधिकारी ए. एस. आर. नायक यांनी मान्यता दिली आहे. जिल्हा मार्केटिंग अधिकारी तसेच आदिवासी विकास महामंडळ यांच्या वतीने ही खरेदी करण्यात येणार असून त्याची सुरवात सोमवारपासून (ता.१६) होईल.
शासनाने किमान आधारभूत किंमत योजनेअंतर्गत यावर्षी धानाला १५५० रुपयांचा हमीभाव जाहीर केला आहे. गेली काही वर्षे योग्यवेळी धान खरेदी सुरू होत नव्हती. परिणामी व्यापाऱ्यांना मातीमोल भावात धान विकण्याची वेळ शेतकऱ्यांवर येत होती. गेल्या वर्षी आणि त्यानंतर सलग यावर्षी दुसऱ्यांदा धान खरेदीची वेळ आणि कालावधी साधला गेला आहे. परिणामी सणासुदीसाठी लागणाऱ्या पैशाची सोय करणे शेतकऱ्यांना शक्‍य होईल. यावर्षीदेखील शेतकऱ्यांचा चांगला प्रतिसाद मिळेल, अशी अपेक्षा प्रशासनाला आहे.
येथे आहेत धान खरेदी केंद्रे :-
कोरची तालुका ः कोरची, मसेली, बेतकाठी, मरकेकसा बेडगाव, कोटरा. कुरखेडा तालुका ः रामगड, पुराडा, खेडेगाव, मालेवाडा, यंगलखेडा, कुरखेडा, आंधळी, कढोली, खरकाडा, गेवर्धा, नान्ही, देऊळगाव, गोठणगाव, सोनसरी, अंगारा, उराडी. आरमोरी तालुका ः देलनवाडी, दवंडी, कुरंडीमाल. देसाईगंज तालुका ः पिंपळगाव, विहीरगाव. गडचिरोली तालुका ः मौशीखांब. धानोरा तालुका ः रांगी, मुरमगाव, धानोरा, दुधमाळा, कारवाफा, पेंढरी, मोहली. चामोर्शी तालुका ः घोट, मक्‍केपल्ली, रेगडी, आमगाव, अड्याळ, सोनापूर, गुंडापल्ली, भाडभिडी, गिलगाव. अहेरी तालुका ः अहेरी, बोरी, कमलापूर, वेलगूर, इंदाराम, उमानूर, आलापल्ली, पेरमिल्ली, जिमलगट्टा. मुलचेरा तालुका ः लगाम, मुलचेरा. सिरोंचा तालुका ः सिरोंचा, झिंगानूर, असरअल्ली, अमरादी, अंकिसा, वडधम, जाफ्राबाद, रोमपल्ली. भामरागड तालुका ः भामरागड, लाहेरी, ताडगाव, कोठी, मन्नेजाराम. एटापल्ली तालुका ः एटापल्ली, गट्टा, तोडसा, घोटसूर, कसनसूर, जारावंडी, गेंदा, कोठमी, हालेवारा. 
