खास पोह्यासाठी भाताची ‘कर्जत शताब्दी’ जात विकसित

कर्जत शताब्दी भात
कर्जत शताब्दी भात

रत्नागिरी ः दापोली येथील डॉ. बाळासाहेब सावंत कोकण कृषी विद्यापीठाने कर्जत शताब्दी ही भाताची नवी जात विकसित केली आहे. या जातीला विशिष्ट सुवास असल्याने पोहा निर्मितीसाठी ही जात फायदेशीर ठरणार आहे. बोटवेल या स्थानिक जातीपासून म्युटेशन ब्रीडिंग तंत्राने कर्जत शताब्दी ही जात विकसित करण्यात आल्याची माहिती विद्यापीठाचे सहयोगी संशोधन संचालक डॉ. आर. एल. कुणकेरकर यांनी दिली.

विद्यापीठाच्या कर्जत संशोधन केंद्राचे यंदाचे वर्ष हे शताब्दी वर्षे आहे. या केंद्रातून सुमारे चाळीसपेक्षा अधिक भाताच्या जाती विकसित करण्यात आल्या आहेत. या केंद्राच्या शताब्दी वर्षानिमित्त भाताच्या नवीन जातीला कर्जत शताब्दी असे नाव देण्यात आले. महात्मा फुले कृषी विद्यापीठात झालेल्या जॉइंट ॲग्रेस्कोमध्ये या जातीला प्रसारासाठी मान्यता देण्यात आली. या बैठकीला डॉ. बाळासाहेब सावंत कोकण कृषी विद्यापीठाचे कुलगुरू डॉ. संजय सावंत, कुलसचिव डॉ. प्रमोद सावंत, संशोधन संचालक डॉ. पराग हळदणकर, विस्तार शिक्षण संचालक डॉ. संजय भावे, शिक्षण संचालक डॉ. सतीश नारखेडे तसेच संशोधन केंद्रातील तज्ज्ञ उपस्थित होते. 

कर्जत संशोधन केंद्रावर बियाणे उपलब्ध  कर्जत, रत्नागिरी, पालघर, सिंधुदुर्ग, फोंडाघाट येथील संशोधन प्रक्षेत्रांच्या बरोबरीने शेतकऱ्यांच्या शेतावर या जातीची लागवड करून उत्पादनाच्या चाचण्या घेण्यात आल्या. त्यानंतर ही जात लागवडीसाठी प्रसारीत करण्यात आली. कर्जत (जि. रायगड) येथील प्रादेशिक कृषी संशोधन केंद्रामध्ये कर्जत शताब्दीचे बियाणे उपलब्ध आहे. याबाबत अधिक माहितीसाठी डॉ. आर. एल. कुणकेरकर यांच्याशी ८८७९०३४३८८ या क्रमांकावर संपर्क साधावा.]

कर्जत शताब्दीची वैशिष्ट्ये

  • मध्यम कालावधीची जात (१२५ ते १३० दिवस)
  • आखूड-जाड दाणा, पीक लोळत नाही.
  • विशिष्ट सुवास. 
  • पोह्यांसाठी उपयुक्त, मोदक निर्मितीसाठी पीठ उत्तम. हेक्टरी चार टन उत्पादन.
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com