पणन संचालनालय की आयुक्तालय?

पणन संचालनालय की आयुक्तालय?

पुणे : पणन संचालनालय सक्षम करण्यासाठी भारतीय प्रशासन सेवेतील अधिकाऱ्यांची (आयएएस) नियुक्ती करण्याचा प्रयत्न पुन्हा एकदा शासना पातळीवर सुरू झाला आहे. नुकतेच सनदी अधिकारी संपदा मेहता यांची पणन आयुक्तपदी बदली करण्यात आली हाेती. मात्र, बदली रद्द झाल्याने, नव्याने धीरजकुमार यांची नियुक्तीची चर्चा सध्या पणन संचालनालयामध्ये सुरू झाली आहे, तर पणन संचालनालयाला पणन आयुक्तालय करण्याचीदेखील प्रक्रिया सुरू असल्याचे समजते. पणन विभागाच्या संचालकपदी सनदी अधिकाऱ्याची नियुक्ती करण्याचे गेल्या अनेक वर्षांपासून प्रशासकीय पातळीवर प्रयत्न सुरू आहेत. आघाडी सरकारच्या काळात तत्कालीन पणन संचालक डॉ. सुभाष माने यांच्या निलंबनानंतर पणन संचालकांचा पदभार तत्कालीन कृषी आयुक्त उमाकांत दांगट यांच्याकडे देण्याचे आदेश शासनाने दिले हाेते आणि हा पदभार पुढे कायम करण्याचा शासनाचा प्रयत्न होता. गेल्या वर्षी (एप्रिल २०१७) आयएएस अधिकारी रणजित कुमार यांची पणन संचालकपदी शासनाने नियुक्ती केली हाेती. मात्र, सहकार विभागातील अधिकारी संघटनेने या नियुक्तीला विराेध केला. पणन संचालक हे सहकार विभागातील सर्वाेच्च पद असून, तेथे सहकार विभागातील अधिकाऱ्यांनाच नियुक्त करावे, अशी मागणी मुख्यमंत्र्यांकडे केली हाेती. या वेळी मुख्यमंत्र्यांनी नमते घेत रणजित कुमार यांची नियुक्ती रद्द केली हाेती.  दरम्यान, पणन आयुक्तपदी सनदी अधिकारी संपदा मेहत यांची नियुक्ती शासनाने केली हाेती. ही नियुक्तीदेखील रद्द करण्याची नामुष्की शासनावर आली. आता पुन्हा एकदा सनदी अधिकाऱ्यांच्या नियुक्तीची प्रक्रिया मंत्रालयपातळीवर सुरू झाल्याचे समजते. यासाठी धीरजकुमार यांचे नाव चर्चेत आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com