agriculture news in Marathi, panjabrao deshmukh agricultural university will promot three varieties of soyabean and paddy, Maharashtra | Agrowon

‘पंदेकृवि’चे सोयाबीन, धानात येणार तीन वाण
टीम अॅग्रोवन
शनिवार, 28 एप्रिल 2018

विद्यापीठाने विकसित केलेले सोयाबीनचे हे वाण सद्याच्या प्रचलित जेएस ३३५ पेक्षा हे जास्त उत्पादन देणारे अाहे. शिवाय या भागासाठी हे वाण वरदान ठरेल. धानामध्ये साकोली १० हे वाणसुद्धा अधिक उत्पादन देणारे चांगले वाण ठरू शकते. 
- डॉ. व्ही. एम. भाले, कुलगुरू, डॉ. पंदेकृवि, अकोला
 

अकोला : पुढील महिन्यात दापोली येथे होऊ घातलेल्या विद्यापीठांच्या संयुक्त बैठकीत (जाॅइंट ॲग्रेस्को) डॉ. पंजाबराव देशमुख कृषी विद्यापीठातर्फे वाण, यंत्र-तंत्रासह एकूण ४२ शिफारशी ठेवल्या जाणार अाहेत. वाणांना मंजुरी मिळाली तर धानाचे दोन अाणि सोयाबीनचे एक वाण पुढील वर्षाच्या हंगामात शेतकऱ्यांना उपलब्ध होऊ शकतील.

 विद्यापीठाच्या शास्त्रज्ञांनी सातत्याने संशोधन करीत काळ सुसंगत असे वाण तयार करण्याचे काम हातात घेतलेले अाहे. याचे फलीत स्वरुप सोयाबीनचे एएमएस १००१ (पीडीकेव्ही यलो गोल्ड) हे वाण येऊ घातले अाहे. प्रचलित वाणांपेक्षा सरस ठरणारे वाण ९५ ते १०० दिवसांत तयार होईल. यानंतर शेतकऱ्याला तेच शेत रब्बी पिके घेण्यासाठी वेळेत उपलब्ध होऊ शकेल.

सोयाबीनचा हा वाण मूळकूज, यलो मोझेक सारख्या रोगास प्रतिकारक्षम सुद्धा अाहे. त्याच्या शेंगासुद्धा फुटत नाही. हेक्टरी २१ क्विंटल ७५ किलोपर्यंत उत्पादकता या वाणापासून मिळू शकते, असे स्पष्ट करण्यात अाले. विद्यापीठाच्या अमरावती येथील संशोधन केंद्रात हा वाण तयार झाला.  

राज्यात पूर्व विदर्भ, कोकणात मोठ्या प्रमाणात घेतल्या जाणाऱ्या धान पिकाचेही तिलक अाणि साकोली १० हे दोन वाण अागामी संयुक्त बैठकीत प्रसारणासाठी ठेवले जाणार अाहेत. सिंदेवाही (जि. चंद्रपूर) येथील संशोधन केंद्राने बनविलेला तिलक हा वाण १४० ते १४५ दिवसांत येतो. वाऱ्यामुळे पीक जमिनीवर लोळत नाही. दाणेसुद्धा फुटणार नाहीत. या वाणाची बागायतीसाठी शिफारस असून हेक्टरी ३५ ते ४० क्विंटल उत्पादकता मिळू शकते. साकोली (जि. भंडारा) संशोधन केंद्राने ‘साकोली १०’ हा वाण तयार केले. १३३ दिवसांत उत्पादन देणारा तसेच हेक्टरी ४१ क्विंटल ८१ किलो उत्पादकता असलेला हा वाण अाहे. याची खरिपासाठी शिफारस अाहे.

 उपरोक्त तीन वाण अागामी जाॅइंट ॲग्रेस्कोमध्ये प्रसारणाच्या मंजुरीसाठी ठेवले जातील. तज्ज्ञांकडून ही मंजुरी मिळाली तर अागामी हंगामात लागवडीसाठी बियाणे मिळू शकेल. याशिवाय हरभरा (केजी१३०३) अाणि भुईमुगाचा (टीएजी ७३) हा वाण पूर्व प्रसारणासाठी बैठकीत मांडले जाणार अाहेत. यासोबतच विद्यापीठाने मूलभूत शास्त्रात दोन, उद्यान विद्या विभागात ९, उत्पादन तंत्रज्ञान प्रकारात ९, कीटकशास्त्र एक, कृषी अभियांत्रिकी १४, सामाजिक शास्त्र दोन अशा एकूण ४२ शिफारशी मांडल्या जातील.

गेल्याच अाठवड्यात विद्यापीठ स्तरावरील अाढावा बैठक संपन्न होऊन त्यात अत्यंत कटाक्षाने प्रत्येक बाब तपासून शिफारशींना ज्वाॅइंट ॲग्रेस्कोसाठी निवडण्यात अाले. यातील किती शिफारशींना मंजुरी मिळते हे अाता पुढील महिन्यात दापोली होणाऱ्या बैठकीत ठरेल. 

इतर अॅग्रो विशेष
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...
भाजप सरकारमध्ये शेतकऱ्यांची बाजू घेणारा...सेलू, जि. परभणी ः केंद्र तसेच राज्य सरकारमधील...
कापूस आयातीवर निर्बंध हवेतजळगाव ः आंतरराष्ट्रीय बाजारात भारतीय व अमेरिकन...
लेखी आश्वासनानंतर लाल वादळ शमलेनाशिक: प्रलंबित मागण्यांसाठी किसान सभेने काढलेला...
आदर्श नैसर्गिक शेतीसह जपली पीक विविधता नांदेड जिल्ह्यातील मालेगांव (ता. अर्धापूर) येथील...
अर्थसंकल्पीय अधिवेशनात दुष्काळावर दोन...मुंबई: लोकसभा निवडणुकीच्या पार्श्वभूमीवर...
विदेशी भाज्यांमधून अल्पभूधारक...येळगाव (ता. जि. बुलडाणा) येथील विष्णू गडाख या...
शेतकऱ्यांचा लाँग मार्च स्थगित; सरकारचे...मुंबई : आश्वासन देऊनही वर्षभरापासून पूर्ण न...
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...