agriculture news in marathi, Pankaja Munde, Sirpanch darbar in mantralaya | Agrowon

ग्रामविकासाची चळवळ गतिमान करा : ग्रामविकासमंत्री पंकजा मुंडे
टीम अॅग्रोवन
शनिवार, 3 फेब्रुवारी 2018

मुंबई : ग्रामविकासाची चळवळ गतिमान करा असे आवाहन ग्रामविकासमंत्री पंकजा मुंडे यांनी येथे उपस्थित राज्यभरातील सरपंचांना केले. ग्रामविकास विभागामार्फत आयोजित केलेला सरपंच दरबार मंत्रालयात पार पडला. ग्रामविकासमंत्री मुंडे यांच्या अध्यक्षतेखाली झालेल्या या सरपंच दरबारास राज्यभरातील सुमारे २०० सरपंचांनी उपस्थिती लावून आपल्या भागातील विविध प्रश्न मांडले.
 

मुंबई : ग्रामविकासाची चळवळ गतिमान करा असे आवाहन ग्रामविकासमंत्री पंकजा मुंडे यांनी येथे उपस्थित राज्यभरातील सरपंचांना केले. ग्रामविकास विभागामार्फत आयोजित केलेला सरपंच दरबार मंत्रालयात पार पडला. ग्रामविकासमंत्री मुंडे यांच्या अध्यक्षतेखाली झालेल्या या सरपंच दरबारास राज्यभरातील सुमारे २०० सरपंचांनी उपस्थिती लावून आपल्या भागातील विविध प्रश्न मांडले.
 
सरपंचांशी थेट संवाद साधण्याच्या उद्देशाने मंत्री पंकजा मुंडे यांनी मागील महिन्यापासून सरपंच दरबार हा उपक्रम सुरू केला आहे. दर महिन्याच्या पहिल्या गुरुवारी हा सरपंच दरबार होतो. हा दुसरा सरपंच दरबार होता. यात सहभागी सरपंचांनी विशेष करून घरकुल योजनेत येणाऱ्या अडचणी, चौदाव्या वित्त आयोगातून मिळणारा निधी, ग्रामसभांमधील प्रश्न, ग्रामपंचायतींसाठी आवश्यक असलेले अधिकचे मनुष्यबळ, सरपंचांची मानधनवाढ, ग्रामपंचायतींसाठी इमारतींची आवश्यकता असे विविध प्रश्न या वेळी मांडले. नव्याने नियुक्त महिला सरपंचांनीही गावातील विविध प्रश्न या वेळी मंत्र्यांसमोर सादर केले.

मंत्री मुंडे म्हणाल्या की, ग्रामीण भागातील प्रत्येक बेघराला घर देण्याचा सरकारचा निर्धार आहे. पंतप्रधान आवास योजनेतून हे लक्ष्य पूर्ण केले जाईल. पंडित दीनदयाळ उपाध्याय योजनेतून लोकांना जागा खरेदीसाठी अनुदान दिले जात आहे. चौदाव्या वित्त आयोगातून मोठा निधी गावांना उपलब्ध करून दिला जात आहे. गावे ब्रॉडबँड तथा वायफायने जोडण्याची योजना शासनाने हाती घेतली आहे. स्वच्छता, मनरेगा यासाठीही भरीव निधी गावांना मिळत आहे. या सर्व योजनांचा लाभ घेऊन सरपंचांनी गावांचा सर्वांगीण विकास करावा. सरपंचांनी मांडलेल्या सर्व प्रश्नांवर, तसेच सादर केलेल्या सर्व निवेदनांवर तातडीने कारवाई करण्यात यावी, असे निर्देशही त्यांनी दिले.

सरपंच दरबारास ग्रामविकास विभागाचे सचिव असीम गुप्ता यांच्यासह विभागाचे वरिष्ठ अधिकारी उपस्थित होते. या वेळी राज्याच्या विविध भागांतून आलेले सरपंच भास्कर पेरे-पाटील, डॉ. सूरज पाटील, अनंत ठाकरे, नरेंद्र पाटील, रेश्मा देशमुख, संतोष राणे यांनी सरपंचांच्या वतीने मनोगत व्यक्त केले.

सरपंच पतींचा गोंधळ...
सरपंच दरबारासाठी आलेल्या महिला सरपंचांच्या पतिराजांना सभागृहात सोडण्यात येत नव्हते. त्यामुळे सहाव्या मजल्यावर त्यांनी गोंधळ घातला. खुद्द ग्रामविकासमंत्री पंकजा मुंडे यांनी निरोप पाठवून महिला सरपंचांच्या पतिराजांनी माझ्या केबिनमध्ये बसवावे असे सांगितल्यानंतर सुरक्षारक्षकांनी या पतिराजांना तेथून बाहेर काढले.
 

इतर ताज्या घडामोडी
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...