परभणी ः येथील फळे-भाजीपाला मार्केटमध्ये गतसप्ताहामध्ये मेथी, वांगे, गाजर, फ्लाॅवर, वाल, शेपू या भाज्याची आवक वाढली. टोमॅटोच्या दरात चढ-उतार होत आहेत. हिरव्या मिरचीचे दर स्थिर आहेत, दोडक्याच्या दरामध्ये सुधारणा झाली असून, शेपूचे दर कमी झाले आहेत, असे मार्केटमधील सूत्रांनी सांगितले.
जायकवाडी कालव्याच्या आवर्तनामुळे सिंचनासाठी पाणी उपलब्ध असल्यामुळे लाभक्षेत्रातील गावातून मेथीची आवक होत आहे. गतसप्ताहामध्ये सरसरी मेथीच्या १५ ते २० हजार जुड्यांची आवक राहिली. प्रतिशेकडा दर १५० ते २०० रुपये दर होते. सोमवारी (ता. ४) मेथीच्या २० हजार जुड्याची आवक असताना प्रतिशेकडा १२० ते २५० रुपये दर मिळाले. टोमॅटोच्या दरात चढ-उतार होत आहेत. स्थानिक परिसरातून तसेच नाशिक, आंध्र प्रदेशातून टोमॅटोची आवक येत आहे.
गतसप्ताहामध्ये ५०० ते ७०० क्विंटल आवक राहिली तर प्रतिक्विंटल दर ८०० ते १५०० रुपये होते. सोमवारी ६५० क्विंटल आवक असतांना प्रतिक्विंटल १००० ते १५०० रुपये दर मिळाले. हिरव्या मिरचीचे दर स्थिर राहिले. स्थानिक परिसरातून तसेच आंध्र प्रदेश, मध्य प्रदेशातून हिरव्या मिरचीची आवक येत आहे. गत सप्ताहामध्ये हिरव्या मिरचीची ७० ते ८० क्विंटल आवक तर प्रतिक्विंटल दर २५०० ते ४००० रुपये होते.
सोमवारी हिरव्या मिरचीची ७५ क्विंटल आवक होऊन प्रतिक्विंटल ३००० ते ४००० रुपये दर मिळाले. गाजराची आवक वाढली आहे. गतसप्ताहामध्ये गाजराची २५० ते ४०० क्विंटल आवक राहिली तर प्रतिक्विंटल दर ५०० ते ८०० रुपये होते. स्थानिक परिसरातील फ्लाॅवरची आवक वाढली असून, गतसप्ताहामध्ये सरासरी ३० ते ४० क्विंटल आवक राहिली तर प्रतिक्विंटल दर ८०० ते १५०० रुपये दर होते.
वांग्याच्या आवकेत वाढ झाली असून, सरासरी ४० ते ४५ क्विंटल आवक राहिली, तर प्रतिक्विंटल दर ८०० ते १५०० रुपये होते. वाल शेंगांची आवक वाढली असून, गतसप्ताहामध्ये सरासरी १५ ते २५ क्विंटल आवक राहिली तर प्रतिक्विंटल दर ८०० ते १५०० रुपये होते. कारल्याची सरासरी ७ ते ८ क्विंटल आवक राहिली प्रतिक्विंटल दर २५०० ते ४००० रुपये होते. दोडक्याच्या दरामध्ये तेजी राहिली. गतसप्ताहामध्ये दोडक्याची सरासरी २ ते ३ क्विंटल आवक राहिली. तर दर प्रतिक्विंटल ४००० ते ६००० रुपये होते. शेपूची ५ ते ६ क्विंटल आवक राहिली, तर प्रतिक्विंटल दर १५०० ते २००० रुपये होते शेपूचे दर कमी झाले आहेत, असे मार्केटमधील सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.