परभणी ः परभणी जिल्ह्यात यंदा गंगाखेड तालुक्यातील भूजल पातळी सर्वाधिक म्हणजे ७.४३ मीटरने घटली; तर मानवत तालुक्यातील भूजल पातळी सर्वात कमी २.६३ मीटर घटल्याचे भूजल सर्वेक्षण आणि विकास यंत्रणेने घेतलेल्या निरीक्षण विहिरीतील नोंदींवरून स्पष्ट झाले आहे. यंदा कमी पाऊस झाल्यामुळे गतवर्षीच्या आॅक्टोंबर महिन्याच्या तुलनेत भूजल पातळी १.१ मीटर ते ३.३ मीटर पर्यंत घटली आहे. यामुळे जिल्ह्यातील अनेक गावांमध्ये गतवर्षीच्या तुलनेत यंदा लवकरच पाणीटंचाईची समस्या उद्भवणार आहे. विहिरी बोअरद्वारे केल्या जाणाऱ्या सिंचनासाठी पाणी अपुरे पडणार आहे. यंदाच्या पावसाळ्यात परभणी जिल्ह्यात ५४६ मि.मी. म्हणजेच वार्षिक सरासरीच्या ७०.४८ टक्के पाऊस झाला. जिल्ह्यातील अनेक तालुक्यांत यंदा ओढे-नाले भरून वाहिले नाहीत. पाणलोट क्षेत्रात मोठा पाऊस न झाल्यामुळे २२ लघुतलाव; तसेच २ मध्यम प्रकल्पांच्या धरणांमध्ये गतवर्षीइतका उपयुक्त पाणीसाठा उपलब्ध झाला नाही. यंदा भूजल पातळी गतवर्षीच्या तुलनेत १.१ ते ३.३ मीटरने घटली आहे. भूजल सर्वेक्षण आणि विकास यंत्रणेच्या जिल्ह्यातील परभणी तालुक्यात १४ निरीक्षण विहिरी आहेत, जिंतूर तालुक्यात २०, सेलू तालुक्यात १२, मानवत तालुक्यात ९, पाथरी तालुक्यात ८, सोनपेठ तालुक्यात ५, गंगाखेड तालुक्यात ९, पालम तालुक्यात ७, पूर्णा तालुक्यात ७ निरीक्षण विहीरी असून जिल्ह्यात एकूण ८६ निरीक्षक विहिरी आहेत. गंगाखेड तालुक्यातील भूजलपातळी सर्वाधिक; तर मानवत तालुक्यातील भूजलपातळी सर्वात कमी घटल्याचे आढळून आले आहे. गतवर्षीच्या आॅक्टोबर महिन्यातील पाणी पातळीच्या तुलने यंदा पूर्णा तालुक्यातील पाणीपातळी सर्वाधिक म्हणजे ३.३ मीटर घटली आहे. सेलू तालुक्यातील भूजलपातळी सर्वात कमी म्हणजे १.१ मीटरने घटली आहे. भूजल पातळी घटल्यामुळे अनेक तालुक्यांतील गावांमध्ये लवकरच पाणीटंचाईची समस्या उद्भवणार आहे.
तालुका | २०१७ | २०१६ |
परभणी | ६.५६ | ५.१९ |
जिंतूर | ३.६३ | ३.८० |
सेलू | ५.६३ | ४.५३ |
मानवत | २.६३ | १.५० |
पाथरी | ५.७४ | ५.८३ |
सोनपेठ | ७.०२ | ५.०८ |
गंगाखेड | ७.४३ | ५.३८ |
पालम | ४.८६ | २.९७ |
पूर्णा | ४.७० | १.४६ |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.