agriculture news in marathi, pay compensation to ballworm affected cotton producer says Sharad pawar | Agrowon

बोंडअळीने नुकसाग्रस्त कापूस उत्पादकांना आर्थिक मदत करा : पवार
सकाळ वृत्तसेवा
शनिवार, 18 नोव्हेंबर 2017

यवतमाळ : बीटी कापसावर बोंडअळीचे आक्रमण झाल्याने शेतकऱ्यांचे सोन्यासारखे पीक हातातून गेले आहे. अद्यापही या अळीवर उत्तर सापडलेले नाही. अशा गंभीर परिस्थितीत सापडलेल्या शेतकऱ्यांना बाहेर काढावे लागणार आहे. त्यासाठी शेतकऱ्यांना आर्थिक मदत केल्याशिवाय पर्याय नाही, असे प्रतिपादन माजी केंद्रीय कृषिमंत्री शरद पवार यांनी शुक्रवारी (ता. १७) केले.

यवतमाळ : बीटी कापसावर बोंडअळीचे आक्रमण झाल्याने शेतकऱ्यांचे सोन्यासारखे पीक हातातून गेले आहे. अद्यापही या अळीवर उत्तर सापडलेले नाही. अशा गंभीर परिस्थितीत सापडलेल्या शेतकऱ्यांना बाहेर काढावे लागणार आहे. त्यासाठी शेतकऱ्यांना आर्थिक मदत केल्याशिवाय पर्याय नाही, असे प्रतिपादन माजी केंद्रीय कृषिमंत्री शरद पवार यांनी शुक्रवारी (ता. १७) केले.

नेर तालुक्यातील मांगलादेवी येथे शेतकऱ्यांशी संवाद साधताना पवार बोलत होते. या वेळी माजी मंत्री अनील देशमुख, आमदार मनोहर नाईक, माजी आमदार संदीप बाजोरिया, आमदार ख्वाजा बेग, माजी मंत्री वसुधा देशमुख, वसंतराव घुईखेडकर, जिल्हा परिषद अर्थ व बांधकाम सभापती निमीष मानकर, जिल्हाध्यक्ष नानाभाऊ गाडबैले आदी उपस्थित होते.

श्री. पवार म्हणाले, की देशी वाणावर बोंडअळी आल्याने, वाण बदलाचा निर्णय घेण्यात आला. अमेरिकन मोन्सॅटो कंपनीने पहिल्यांदा बीटी वाण तयार केले. आता अळीची प्रतिकारशक्ती वाढली तर वाणाची प्रतिकारशक्ती कमी झाली आहे. त्यामुळे असे बियाणे बाजारात आले कसे यांची चौकशी झाली पाहिजे. शासनाने महसूल यंत्रंणेमार्फत यांची तपासणी केली पाहिजे, महसूल विभागाला शिवारात जाऊन पंचनामा करण्याचे आदेश दिले पाहिजेत, नुकसान झालेल्या शेतकऱ्यांना नांगरणी ते कापणीपर्यंतचा सर्व खर्च देणे आवश्यक आहे. त्यात खत, बियाणे उत्पादनाची सरासरी लक्षात घेऊन शेतकऱ्यांना आर्थिक मदत देण्याची गरज अाहे.

नागपुरात कापसावर चर्चासत्र
देशभरात कापसावर अनेक प्रकारचे संकट आले आहे. महाराष्ट्रात हे संकट जास्त आहे. त्यामुळे नागपुरात १६ डिसेंबरला कापूस संशोधन केंद्राला एक दिवसाचे कापसावर चर्चासत्र घेण्याचे सांगितले आहे. देभरातील संशोधक या निमित्ताने एकत्र येतील, या विषायावर व पुढील पेरणीकरिता काय करता येईल, यावर चर्चा करून दीर्घकालीन उत्तर घेण्याचे प्रयत्न राहणार आहेत.

माझा शेतकऱ्यांत ‘इंटरेस्ट’
तुमचे मुख्यमंत्र्यांशी चांगले संबंध आहेत, आम्ही टीव्हीवर बघितले आहे. तुम्ही आमचे प्रश्‍न त्यांच्याकडे मांडा, अशी विनंती शेतकऱ्यांनी केली. त्यावर पवार म्हणाले, की बोंडअळीच्या प्रकरणात मला राजकारण करायचे नाही, माझा इंटरेस्ट शेतकऱ्यांत आहे. मी शेतकरी कुटुबांतील आहे. शेतकऱ्यांवर संकट आले, की त्यांना मदत करण्याची माझी भूमिका आहे. अतिवृष्टी झाली तेव्हा मी आलो होतो, त्या वेळी दिल्लीला परत गेल्यानंतर राज्याला तत्काळ मदत पाठविली होती.

इतर ताज्या घडामोडी
हमीभाव : धूळफेकीचे चक्र पूर्ण सत्तेवर येण्यापूर्वी दिलेली आश्वासने सत्तेवर...
सरकारने शेतकऱ्यांची फसवणूक थांबवावी :...दीडपट हमीभावाची सरकारची घोषणा ही शुद्ध बनवाबनवी...
उत्पादन खर्चाबद्दल खुलासा करावा : डॉ....केंद्र सरकारने आगामी खरिपात सर्व अघोषित पिकांसाठी...
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
गारपीटग्रस्त केळी बाग सुधारणेच्या...अवकाळी पाऊस व गारपिटीमुळे  केळी पिकाचे कमी-...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
ब्रॉयलर्स बाजार दहा रुपयांनी उसळला,...ब्रॉयलर्सचा बाजार अपेक्षेप्रमाणे जोरदार उसळी...
पुण्यात कलिंगड, खरबुजाच्या आवकेत वाढपुणे : गुलटेकडी येथील बाजार समितीमध्ये...
'मॅग्नेटिक महाराष्ट्र'चे आज उद्‌घाटनमुंबई : राज्याच्या औद्योगिक वाढीसाठी उपयुक्त ठरणा...
उत्तम निचऱ्याच्या जमिनीत पपई लागवड...पपई फळपिकाच्या लागवडीसाठी उत्तम निचऱ्याची जमीन...
जमिनीतील जिवाणूंच्या गुणसूत्रीय रचनांचा...जमीन ही पिकाचे उत्पादन घेण्यासाठी एकमेव परिपूर्ण...
तुटपुंजी मदत नको, शंभर टक्के भरपाई द्या...अकोला : गारपिटीने नुकसान झालेल्या...
ग्रामीण भागातील अतिक्रमित घरे नियमित...मुंबई : ग्रामीण महाराष्ट्रातील शासकीय जमिनींवरील...
राज्यातील २६ रेशीम खरेदी केंद्रे बंदसांगली ः कमी गुंतवणूक, खात्रीशीर व कायमची...
शिवनेरीवर उद्या शिवजन्मोत्सव सोहळापुणे : छत्रपती शिवाजी महाराज यांच्या जयंतीनिमित्त...
नगर जिल्ह्यात सव्वातीन हजार हेक्‍टरवर...नगर : नगर जिल्ह्यामध्ये महाबीजतर्फे गहू, ज्वारी,...
बदलत्या वातावरणाचा केळीला फटका जळगाव : हिवाळ्याच्या शेवटच्या कालावधीत विषम...
‘ग्रामस्थांचा विरोध असेल तर नाणार...मुंबई : कोकणातील नाणार रिफायनरी प्रकल्पाच्या...
आपले सरकारचे संगणकचालक सात...मुंबई : ग्रामविकास व माहिती तंत्रज्ञान...