agriculture news in marathi, perceasing of cereals below msp, Maharashtra | Agrowon

कडधान्याची कमी दरात सर्रास खरेदी
टीम अॅग्रोवन
बुधवार, 19 सप्टेंबर 2018

कडधान्याची हमीभावापेक्षा अतिशय कमी दरात खरेदी सुरू आहे. शेतकऱ्यांची लूट सुरू असून, दर हमीभावापेक्षा फक्त २०० ते ३०० रुपये कमी द्यावेत. कमी दर्जाच्या शेतीमालाचे दर किती द्यावेत, हेदेखील शासकीय यंत्रणांनी ठरवावे. कारण कमी दर्जा सांगितला की मग ३५००, ४००० रुपये दर देण्याचे प्रकार सुरू आहेत. 
- रावण पाटील, शेतकरी, पाचोरा

जळगाव ः जिल्ह्यातील जळगाव, चोपडा, पाचोरा, अमळनेरसह धुळ्यातील दोंडाईचा, शिरपूर आदी बाजार समित्यांमध्ये कडधान्याची हमीभापेक्षा अतिशय कमी दरात सर्रास खरेदी सुरू आहे. संबंधित जिल्ह्यांमधील जिल्हा उपनिबंधक कार्यालयाने व्यापाऱ्यांना शेतकऱ्यांकडून कमी दरात खरेदीबाबतचे संमतीपत्र भरून घेण्याची मुभा दिल्याने व कमी दर्जाचे धान्य ठरविण्यासाठी समित्यांचा खेळ केल्याने शेतकऱ्यांची पिळवणूक यंदाही सुरू झाली आहे. 

दरांची हमी तर नाहीच; मागील वर्षी जशी स्थिती उडीद, मुगात होती, त्यापेक्षा बिकट स्थिती यंदा झाल्याच्या प्रतिक्रिया शेतकऱ्यांमध्ये उमटत आहेत. मुगाला किमान ३५०० व कमाल ४५०० रुपये प्रतिक्विंटल दर जळगाव, चोपडा येथील बाजारात मिळत आहे. तर या दोन्ही बाजार समित्यांमध्ये उडदाला ३८०० ते ४५०० रुपये प्रतिक्विंटलचा दर आहेत. मुगाला केंद्राने ६९७५, तर उडदाला ५६०० रुपये प्रतिक्विंटलचा हमीभाव जाहीर केला आहे. दर जाहीर केले, दरांची हमी मात्र दिलेली नसल्याची नाराजी ग्रामस्थ, शेतकऱ्यांमध्ये वाढली आहे. जळगाव जिल्ह्यात उडदाची जळगाव, चोपडा, पाचोरा व अमळनेर या बाजार समित्यांमध्ये मिळून प्रतिदिन दीड हजार क्विंटलपेक्षा अधिक आवक मागील तीन चार दिवसांपासून सुरू आहे. तर मुगाची प्रतिदिन ७०० क्विंटलपर्यंत आवक होत आहे. जळगाव, चोपडा, अमळनेर या बाजार समित्यांमध्ये अधिकची उलाढाल होत आहे. तर धुळे जिल्ह्यात शिंदखेडा तालुक्‍यातील दोंडाईचा, शिरपूर व धुळे बाजार समितीमध्ये मोठी आवक सुरू आहे. 

शेतकऱ्यांची कोंडी
उडीद व मुगाचे हमीभाव वाढविल्याने दर चांगले मिळतील, असे चित्र सुरवातीला होते. यातच खानदेश व्यापारी संघटनेने मध्यंतरी राज्याच्या पणनमंत्री यांना हमीभाव वाढविल्याने यंदा उडीद व मुगाची हमीभावात खरेदी शक्‍य नसल्याचे पत्र दिले. लागलीच दोंडाईचा बाजार समितीनेही आपल्याला शासनाने हमीभावापेक्षा कमी दरात खरेदीचे पत्रच शासनाने द्यावे, त्याशिवाय खरेदी करणे अडचणीचे होईल, असा पवित्रा घेतला. तर जळगाव येथेही व्यापाऱ्यांनी खरेदी बंद केली. नंतर जिल्हा उपनिबंधक कार्यालयाने व्यापारी कमी दर्जाचे (नॉन एफएक्‍यू) धान्य हमीभावापेक्षा कमी दरात खरेदी करू शकतील. नॉन एफएक्‍यू धान्य कोणते ते ठरविण्यासाठी बाजार समितीमधील सचिव, संबंधित तालुक्‍याचे कृषी अधिकारी व सहायक निबंधक यांची समिती गठित केली. ही समिती बाजार समितीत काम करते का, असा मुद्दा शेतकऱ्यांनी उपस्थित केला आहे. अमळनेर बाजार समितीत मुगाची हमीभावापेक्षा कमी दरात सर्रास खरेदी सुरू असून, शेतकऱ्यांकडून संमतीपत्र लिहून घेतले जात आहे. व्यापाऱ्यांनी दर पाडून खरेदीची खेळी यशस्वी केली आहे. अर्थातच या समित्या व संमतीपत्रांच्या नावाने जिल्ह्यात हमीभावापेक्षा कमी दरात खरेदीची मुभा देऊन शासकीय यंत्रणांनी ही लूट करायला मार्ग मोकळे केल्याची नाराजी शेतकऱ्यांनी व्यक्त केली आहे.

 

इतर बातम्या
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
आदिवासींचं श्रद्धास्थान असलेल्या कचारगड...कचारगड, जि. गोंदिया : मध्य भारतातील सर्व आदिवासी...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
मराठवाड्यात दीड महिन्यात ७७...औरंगाबाद : मराठवाड्यातील शेतकरी आत्महत्यांचे सत्र...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
चार वर्षांत संत्रा उत्पादकांची दखलच...नागपूर : कोट्यवधी रुपयांची उलाढाल असलेल्या आणि...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
सांगली जिल्ह्यातील सहा कारखाने...सांगली  ः सहा कारखान्यांनी एकरकमी एफआरपी...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
साखरेच्या टेंडरना प्रतिसाद नाही; दर...कोल्हापूर : साखरेच्या विक्री मूल्यात...
कांदा अनुदानाचे ११४ कोटी ‘पणन’ला वर्गसोलापूर : राज्यातील एक लाख ६० हजार शेतकऱ्यांसाठी...
देशातील हळद उत्पादनात वाढीची शक्यतासांगली ः यंदा देशातील महाराष्ट्र वगळता हळद...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
किमान तापमानात चढ-उतार शक्य;...पुणे : उत्तरेकडून येणाऱ्या थंड वाऱ्यांचे...