agriculture news in marathi, pest and disease attack on rice, Maharashtra | Agrowon

भातावर करपा, तांबेरा, पाने गुंडाळणारी अळी
राजकुमार चौगुले
सोमवार, 25 सप्टेंबर 2017

 सध्या उन पावसाचा खेळ सुरू आहे. पाऊस थांबल्यास जादा कालावधीच्या भात जातीवर करप्याचा प्रादुर्भाव होऊ शकतो.
- प्रा. चंद्रकांत सरवटे, प्रभारी अधिकारी, कृषी संशोधन केंद्र, राधानगरी, जि. कोल्हापूर

कोल्हापूर : राज्यात अनेक ठिकाणी पाऊस सुरू असला तरी त्यात सातत्य नसल्याने राज्यातील भात पट्ट्यात अनेक ठिकाणी तांबेरा, करप्यासह पाने गुंडाळणाऱ्या अळीने शिरकाव केला आहे. राज्यात प्रत्येक वेगवेळ्या भागात रोग, कीड पसरत आहे. विदर्भ व पश्‍चिम महाराष्ट्रातील काही जिल्ह्यांत याची तीव्रता जाणवत आहे, यामुळे भात उत्पादक हवालदिल झाला आहे.

भंडारा, गोंदिया, चंद्रपूर आदी जिल्ह्यांमध्ये दमट हवामानामुळे करप्याचा प्रादुर्भाव वाढला आहे. पावसाचा अनियमितपणा व वाढलेली उष्णता यामुळे विदर्भातील बहुतांशी जिल्ह्यात भातावर करपा दिसत आहे. पश्‍चिम महाराष्ट्रातील भातावर तांबेऱ्याचा प्रादुर्भाव आढळत आहे. पश्‍चिम महाराष्ट्रात सुमारे ३ लाख हेक्‍टर क्षेत्रावर भात पिकाची लागवड झाली आहे. करप्यामुळे भाताची पाने वाळून जाऊ लागली आहे. काही ठिकाणी जास्त प्रमाणात तर काही ठिकाणी कमी प्रमाणात का होइना परंतु, भातक्षेत्रावर रोग किडीचा प्रादुर्भाव झाल्याने उत्पादनात घट येण्याची शक्‍यता वर्तविण्यात येत आहे.

वाढीच्या अवस्थेत असणाऱ्या भाताचे तांबेऱ्यामुळे नुकसान होत आहे. या भागात यंदा शेवटच्या टप्प्यात पाऊस झाला असला तरी कधी पाऊस तर कधी कडक ऊन असे हवामान असल्याने ते रोगाला निमंत्रण देत असल्याची माहिती तज्ज्ञांनी दिली. पुणे, लोणावळा भागात भातावरील रोग किडीचे प्रमाण अधिक आहे. नाशिक मध्येही करप्याची लागण झाली आहे. पावसाची अनियमितता अशीच राहिल्यास उशिरा पक्व होणाऱ्या भाताला त्याचा फटका बसू शकतो, असे मत शास्त्रज्ञांनी व्यक्त केले.

कोकणात परिस्थिती नियंत्रणात?
कोकणात सुमारे चार लाख हेक्‍टर क्षेत्रावर भाताची लागवड आहे. गेल्या महिन्याच्या कालावधीत चांगला पाऊस झाल्याने कोकणातील भातावर रोग कीड अत्यल्प प्रमाणात असल्याचे कृषी विभागातून सांगण्यात आले. गेल्या पंधरवड्यापासून पावसाचे प्रमाण वाढल्याने रोग कीडही अपवाद वगळता नसल्याचे कृषी विभागातून सांगण्यात आले. सावंतवाडी विभागात काही प्रमाणात निळे भुंगेरे आढळून आले आहेत. पण त्याची तीव्रता कमी असल्याचे सांगण्यात आले.

नाशिक जिल्ह्यातील इगतपूरी भागात सध्या तरी लवकर लागवड झालेल्या क्षेत्रात करप्याचा प्रादुर्भाव झाला आहे. याचबरोबर पाने गुंडाळणारी अळीही अनेक ठिकाणी सापडत आहे. पण एकूण क्षेत्राच्या तुलनेत हे प्रमाण फारसे नाही. पण हवामान बदलल्यास यात वाढ होऊ शकते, असे विजय पाटील (सहाय्यक संचालक, इगतपुरी संशोधन केंद्र, नाशिक) यांनी सांगितले.

सिंधुदुर्ग जिल्ह्यात काही प्रमाणात निळ्या भुंगेऱ्याचा प्रादुर्भाव आढळला आहे. पण तो सध्या तरी फारसा नुकसानकारक नाही. सध्या पावसाचा जोर असल्याने भाताची काढणी होइपर्यत रोग कीड येण्याची शक्‍यता कमी आहे, असे अजित आडसुळे ( उपविभागीय कृषी अधिकारी सावंतवाडी, जि., सिंधुदुर्ग) यांनी स्पष्ट केले.

इतर अॅग्रो विशेष
रसायन विरहित फायद्याची शेती शक्य भारतात आज नेमकी सेंद्रिय व नैसर्गिक शेती...
राज्यातील जमिनीत जस्त, लोह, गंधक,...डॉ. पंजाबराव देशमुख कृषी विद्यापीठाच्या मृद...
केवळ जमीन आरोग्यपत्रिकेचा उपयोग नाही :...परभणी :जमीन आरोग्यपत्रिकेतील शिफारशीनुसार...
विदर्भात किमान तापमानात सरासरीच्या...पुणे : विदर्भाच्या काही भागांत थंडीत वाढ झाली आहे...
मातीची हाक मातीचा कस घटल्यामुळे मरणपंथाला लागलेल्या जमिनी...
मातीच्या घनीकरणाने घटते उत्पादनजमीन खराब होण्याचे एक महत्त्वाचे कारण   ...
समजून घ्या जमिनीची आरोग्यपत्रिकाबऱ्याच शेतकऱ्यांकडे जमिनीची आरोग्यपत्रिका उपलब्ध...
सावधान, सुपीकता घटते आहे... पुणे : महाराष्ट्रातील भूभागाचे मोठ्या...
अॅग्रोवनच्या कृषी प्रदर्शनाला जालन्यात...जालना : सर्वांची उत्सुकता लागून असलेल्या सकाळ-...
शून्य मशागत तंत्रातून कस वाढविला...मी १९७६ पासून आजपर्यंत जमिनीची सुपीकता...
सेंद्रिय कर्बावर अवलंबून जमिनीची सुपीकताजमिनीस भौतिक, रासायनिक व जैविक गुणधर्म हे...
भूमिगत निचरा तंत्राद्वारे क्षारपड...सुरू उसात दक्षिण विभागात पहिला क्रमांक उरुण...
अतिपाण्यामुळे क्षारपड होतेय जमीनक्षारपड-पाणथळ जमिनीची उत्पादनक्षमता वाढविण्यासाठी...
जैवइंधन, जैवखते, ठिबक उपकरणांच्या...२९ वस्तू आणि ५३ सेवांच्या जीएसटी दरामध्ये कपात...
प्रगतीच्या दिशेने पाऊलराज्यात कृषी विद्यापीठांच्या स्थापनेपासून ते १९९०...
सहकारी बॅंका डिजिटाइज केव्हा होणार?डिजिटल बॅंकिंग याचा अर्थ आधुनिक तंत्रज्ञानाच्या...
कारखाने, ऊस उत्पादकांचे नुकसान...नवी दिल्ली : साखरेच्या घाऊक दरात घसरण होऊनही...
इंडोनेशिया, चीनला द्राक्ष निर्यातीत...नाशिक : रशिया, चीन, इंडोनेशिया अशा काही देशांनी...
किमान तापमानाचा पारा वाढू लागलापुणे : दक्षिण कर्नाटकाच्या परिसरात चक्राकार...
कृषी संजीवनी प्रकल्पाची मंजुरी अंतिम...मुंबई : दुष्काळापासून शेतीचे संरक्षण आणि खारपाण...