agriculture news in marathi, Pest and diseases cost 15 thousand crore for cotton in maharashtra | Agrowon

रोग-किडींमुळे कापूस उत्पादकांना १५ हजार कोटींचा फटका
टीम अॅग्रोवन
शनिवार, 25 नोव्हेंबर 2017

शेतकरी मेटाकुटीस, नुकसानीचा पंचनामा आणि मदतीची मागणी

शेतकरी मेटाकुटीस, नुकसानीचा पंचनामा आणि मदतीची मागणी
पुणे : महाराष्ट्रात कधी नव्हे, इतके मोठे संकट यंदा कापूस उत्पादक शेतकऱ्यांवर घोंघावत आहे. राज्याचे मुख्य पीक असलेल्या कापसावर बोंडअळीसह इतर रोग-किडींचा ३० ते १०० टक्क्यांपर्यंत प्रादुर्भाव झाल्याने पीक नुकसान १५ हजार कोटींच्याही पुढे जाण्याची भीती व्यक्त होत आहे. प्रतिकूल हवामानाने फवारण्यांसह उत्पादन खर्चातही मोठी वाढ केली असून, कापूस काढणीचा दरही यंदा १० ते २० रुपयांदरम्यान अाल्याने संकट अधिक गहिरे झाले आहे. अशातच उशिराचा मॉन्सून आणि बेमोसमी पावसानेही काढणी अवस्थेतील कापसाचे मोठे नुकसान केल्याने शेतकरी मेटाकुटीस आला आहे.

कपाशीवरील रोग-कीडींचे संकट

  •  गुलाबी बोंडअळी
  •  दहिया आणि जिवाणूजन्य करपा रोग
  •  लाल ढेकूण
  •  लाल्या विकृती
  •  कापूस बोंडावरील पाऊस

राज्यात एकूण खरीप क्षेत्रापैकी कापसाचे सर्वांत मोठे ३० टक्के क्षेत्र आहे. यापैकी विदर्भ, मराठवाडा अाणि खानदेशाचे मिळून ९७ टक्के क्षेत्र कापूस क्षेत्राने व्यापले आहे. गेल्या वर्षीच्या तुलनेत यंदा ११ टक्के अधिक कापूस क्षेत्रात वाढ झाली. यातही ९८ टक्क्यांपर्यंत बीटी कापसाचे क्षेत्र आहे. बीटी कापूस वाणात बोंडअळीस प्रतिकार करण्याची क्षमता असते. मात्र काही वर्षांपूर्वी बीटी कापसावर बोंडअळीचा प्रादुर्भाव दिसून येण्यास प्रारंभ झाला. अळीची प्रतिकार क्षमता वाढत गेल्याने यंदा बीटी कपाशीवर ती सर्वांत मोठी कीड ठरली आहे. बोंडअळीचे नियंत्रण हाताबाहेर गेल्याने शेतकऱ्यांत प्रचंड अस्वस्था निर्माण झाली आहे. उत्पन्न मिळणे दूरच गुंतवलेले भांडवल निघणे मुश्‍किल झाल्याचे आणि नुकसानीचे पंचनामे करून मदत करण्याची मागणी शेतकऱ्यांनी केली आहे. 

  • एकूण कापूस लागवड : ४२ लाख ६६४४ हेक्टर
  • गेल्या वर्षीच्या तुलनेत यंदाची वाढ : ११ टक्के
  • मराठवाडा-खानदेश-विदर्भातील लागवड क्षेत्र :  
    ४० लाख ७७ हजार २८४ हेक्टर (९७ टक्के)
  • कापसाचे नुकसान : ३० ते १०० टक्के : सरासरी ४० टक्के 
  • हमीभाव : ४३५० रुपये प्रति क्विंटल

येत्या काळात कापूस उत्पादकांमध्ये हाहाकार उडालेला बघायला मिळू शकतो. सध्या तरी या कापूस उत्पादकांचे गाऱ्हाणे एेकायलाही कुणी बांधावर जात नसल्याची दुर्दैवी स्थिती अाहे. शासनाने बियाणे कंपन्यांविरुद्ध फसवणुकीचे गुन्हेच नोंदवावेत.
- रघुनाथदादा पाटील, अध्यक्ष, शेतकरी संघटना

बोंडअळीमुळे कापूस उत्पादन मोठ्या प्रमाणात घटले. शासनाने या परिस्थितित कापूस उत्पादकांना सरसकट नुकसानभरपाई दिली पाहिजे ही स्वाभिमानीची मागणी आहे.
- रविकांत तुपकर, स्वाभिमानी शेतकरी संघटना

नव तंत्रज्ञानाचे आम्ही नेहमी स्वागत केले अाणि करत राहणार. बोंडअळी प्रतिकारक्षम बीटी कापसाला आम्ही प्राधान्य दिले. यंदा मात्र आमच्या परिसरात ५० ते १०० टक्क्यांपर्यंत कापसावर बोंडअळी आली आहे. यामुळे मोठे नुकसान झाले आहेच, परंतु यास नव तंत्रज्ञान वापरून प्रतिकारक वाण पुन्हा देण्यात यावा, अशी आमची मागणी आहे.
- गणेश नानोटे, कापूस उत्पादक शेतकरी, अकोला

साडेतीन एकरांत आजवर एकच वेचणी झाली. चार क्‍विंटलच कापूस निघाला. कपाशी चांगली दिसते, पण एकही बोंड शेंदरी बोंडअळीनं कामाचं ठेवलं नाही, काय करावं. 
- विठ्ठल चव्हाण,
कपाशी उत्पादक शेतकरी, वजनापूर, ता. गंगापूर, जि. औरंगाबाद. 

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...