agriculture news in Marathi, Pest attack on Banana and Gram in Khandesh, Maharashtra | Agrowon

खानदेशात केळी, हरभऱ्यावर कीड रोगांचा प्रादुर्भाव
टीम अॅग्रोवन
मंगळवार, 16 जानेवारी 2018

ढगाळ हवामानामुळे हरभऱ्यावर घाटे अळीचा प्रादुर्भाव वाढत आहे. आम्हाला सतत फवारण्या कराव्या लागत आहेत. त्यासाठी खर्च येत असून, उत्पादन खर्चात वाढ झाली आहे. 
- सुभाष काळे, शेतकरी, कुऱ्हे पानाचे, ता. भुसावळ, जि. जळगाव.

जळगाव  ः धुळ्यासह जळगाव जिल्ह्यांत मागील तीन दिवसांपासून ढगाळ हवामान आहे. यामुळे केळीसह हरभरा पिकावर कीड - रोगांचा प्रादुर्भाव वाढत आहे. तसेच तापमानातही वाढ झाली असून, या प्रतिकूल स्थितीचा शेतकऱ्यांनी धसका घेतला आहे. 

अनेक भागात अजून गहू निसवलेला नाही. हरभरा घाटे लागण्याच्या अवस्थेत आहे. काही भागातील आगाप लागवडीच्या हरभऱ्याचे घाटे पक्व होत आहेत. अशात तापमानवाढ, ढगाळ वातावरण याचा फटका या पिकाला बसत आहे. घाटे अळीचा प्रादुर्भाव वाढला आहे. गव्हावरही चिकटा रोगाचा प्रादुर्भाव वाढू शकतो, असे शेतकऱ्यांचे म्हणणे आहे.

स्वच्छ सूर्यप्रकाशित वातावरण नसल्याने चार ते पाच महिने कालावधीच्या केळीवर करपा रोग वाढत आहे. ढगाळ वातावरण व त्यातच थंड वारे यामुळे घड पक्व होत नसल्याचे चित्र आहे. पाच ते सहा महिने कालावधीच्या केळी बागांमध्ये करपा रोगाचे प्रमाण चार ते पाच पाने एवढे आहे.

धुळ्यासह जळगावात मागील चार पाच दिवसांपासून थंडी कमी होत आहे. कमाल तापमान १२ अंश सेल्सिअसपर्यंत आले आहे. पुढे तापमानात आणखी वाढ होईल, असे संकेत हवामानशास्त्र विभागाकडून मिळाले आहेत. थंडी कमी झाल्याने हरभरा व गहू यांचे सिंचन करण्याचे काम वेगात सुरू आहे. मागील महिन्यात म्हणजेच डिसेंबरमध्येही ढगाळ वातावरण होते. अगदी २५ डिसेंबरपर्यंत प्रतिकूल हवामान होते. नंतर स्वच्छ वातावरण झाले.

आता शनिवारपासून (ता.१३) आणखी ढगाळ वातावरण आहे. अर्थातच फक्त १९ दिवस थंड व स्वच्छ वातावरण होते. त्याचा लाभ हरभरा व गव्हाला काही प्रमाणात झाला. धुळ्यासह जळगाव जिल्ह्यात खरिपात कुठलेही पीक चांगले आले नाही. कपाशीची तर पुरती वाताहत गुलाबी बोंडअळीमुळे झाली. अशात आता या दोन्ही जिल्ह्यांमध्ये हरभरा प्रमुख पीक आहे. तर केळी पिकावर तापीकाठावरील अनेक गावांचे अर्थकारण अवलंबून आहे. ही दोन्ही पिके प्रतिकूल हवामानामुळे संकटात असल्याने शेतकऱ्यांच्या तोंडचे पाणी पळाले आहे. 

इतर बातम्या
प्रतिष्ठेच्या माढ्यात मतदानासाठी चुरस सोलापूर : संपूर्ण राज्याचे लक्ष वेधलेल्या व...
औरंगाबाद, जालना मतदारसंघांत शांततेत...औरंगाबाद, जालना ः लोकसभा निवडणुकीच्या तिसऱ्या...
सांगली काही ठिकणी ‘ईव्हीएम’च्या...सांगली ः जिल्ह्यात लोकसभेसाठी झालेल्या मतदानावेळी...
कोल्हापूर, हातकणंगले मतदारसंघात चुरशीने...कोल्हापूर : लोकसभेच्या कोल्हापूर आणि हातकणंगले...
नागपूर : रब्बीची पैसेवारी काढली खरीप...नागपूर : खरीप आणि रब्बी हंगामात वेगवेगळी पिके...
मोदी यांच्या सभेसाठी कांदा लिलाव बंदनाशिक : नाशिक व दिंडोरी लोकसभा मतदारसंघातील...
परभणी ः दूध संकलनात सात लाख ८९ हजार...परभणी ः शासकीय दूध योजनेअंतर्गंत परभणी दुग्धशाळेत...
उद्रेकानंतर सोडलेले वांगीचे पाणी चार...वांगी, जि. सांगली ः दीड महिन्याच्या प्रतीक्षेनंतर...
अॅग्रोवन समृद्ध शेती योजनेचे...नांदेड: `अॅग्रोवन’च्या माध्यमातून...
राज्यात तिसऱ्या टप्प्यात शांततेत मतदानमुंबई :  लोकसभा निवडणुकीच्या तिसऱ्या...
मराठवाड्यातील २९२ लघुप्रकल्प कोरडेऔरंगाबाद : मराठवाड्यातील ७४९ लघुप्रकल्पांपैकी २९२...
लोकांचा कौल आघाडीलाच; पण ईव्हीएम...मुंबई : मी अनेक मतदारसंघांमध्ये फिरलो....
दक्षिण आशियात यंदा सर्वसामान्य मॉन्सून...पुणे  : भारतासह दक्षिण आशियातील देशांच्या...
शिर्डी लोकसभा निवडणुकीसाठी वीस उमेदवार...नगर   : नगर लोकसभा मतदारसंघात मंगळवारी...
सोलापूर जिल्ह्यातील ६६२...सोलापूर  : लोकसभा निवडणुकीची धामधूम सुरू...
कृषिउद्योग महामंडळाकडून ‘बायोकॅप्सूल’चा...पुणे : सेंद्रिय शेतीकडे वळालेल्या शेतकऱ्यांच्या...
पुण्यात पाच वाजेपर्यंत ५३ टक्के मतदानपुणे  ः पुणे लोकसभा मतदारसंघात मंगळवारी (ता....
बारामतीत शांततेत मतदानपुणे  : बारामती लोकसभा मतदारसंघासाठी...
पुणे जिल्ह्यातील १४ कारखान्यांचा गाळप...पुणे  ः जिल्ह्यातील १४ साखर कारखान्यांचा...
बुलडाण्यात खरिपात सात लाख ३८ हजार...बुलडाणा  ः येत्या खरीप हंगामात जिल्हयात...