agriculture news in Marathi, pest attack on pomegranate , Maharashtra | Agrowon

तेलकट डाग रोगाने डाळिंबाला घेरले
अभिजित डाके
बुधवार, 15 ऑगस्ट 2018

वातावरणातील बदलामुळे आद्रर्ता वाढते आहे. यामुळे या रोगाचा प्रादुर्भाव होत आहे. यादरम्यान, शेतकऱ्यांनी पाण्याचे नियोजन काटेकोरपणे करणे गरजेचे आहे. रोगाच्या नियंत्रणासाठी निर्णायक संशोधन होणे आवश्‍यक आहे.
- अंकुश पडवळे, अध्यक्ष, महाऑरगॅनिक आणि रेस्युडी फ्री फार्मर असोसिएशन, महाराष्ट्र राज्य

सांगली ः राज्यात डाळिंबाचे सुमारे दोन लाखांहून अधिक हेक्‍टर क्षेत्र आहे. त्यापैकी डाळिंबाचा आंबे बहर २० ते २५ टक्के धरला जातो. या बहरातील डाळिंब सुमारे २५० ते ३०० ग्रॅमचे आहे. मात्र, बदलत्या वातावरणमुळे आंबे बहरातील सुमारे ५० टक्के डाळिंबाला तेकलट रोगाने घेरले आहे. यामुळे डाळिंब उत्पादक अडचणीत सापडले आहेत.

राज्यात खात्रीच्या पाण्याची सोय झाल्याने अनेक शेतकऱ्यांनी यंदाही फेब्रुवारी आणि मार्चमध्ये बागा धरल्या होत्या. स्वच्छ हवामानामुळे या बागांचे सेटिंगही चांगले झाले. डाळिंबाची फळे पेरूच्या आकाराची झाली आहेत. त्यामुळे डाळिंब उत्पादक समाधानी होते. लवकर बहार घेतलेली डाळिंबे बाजारात दाखल झाली. दरही अपेक्षित मिळत होता. दर वाढण्याची शक्‍यता असल्याची चर्चा शेतकऱ्यांच्यात सुरू होती. मात्र, गेल्या महिन्यात हवामानात बदल झाला.

ढगाळ आणि उष्ण वातावरणामुळे आद्रर्ता वाढत गेली. यामुळे तेलकट डाग रोग बागांत शिरला. गेल्या महिन्यापासून या रोगाचा प्रादुर्भाव दिसत होता. अलीकडे अनेक बागांत तो पसरला आहे. उन्हाळी हंगामातील बहुतांश साऱ्याच बागांत कमी-अधिक रोग दिसत आहे. तो आटोक्‍यात आणण्यासाठी जीवाणूनाशकांची फवारणी शेतकरी करू लागले आहेत. तरी देखील रोग आटोक्‍यात येत नाही. त्यामुळे शेतकरी हवालदिल झाला आहे.

राज्यात दोन लाखांहून अधिक डाळिंबाचे क्षेत्र आहे. त्यापैकी सुमारे ५० ते ६० हजार हेक्‍टरवर आंबे बहर धरला जातो. त्यापैकी ५० टक्के क्षेत्रावर तेलकट डागरोगाचा प्रादुर्भाव झाला आहे. म्हणजे सुमारे २५ ते ३० हजार हेक्‍टर क्षेत्र बाधित आहे. यामुळे डाळिंब उत्पादक शेतकऱ्यांना मोठा आर्थिक फटका सहन करावा लागणार असून, झालेला आर्थिक तोटा भरून निघणारा नाही. त्यामुळे शासनाने डाळिंब उत्पादक शेतकऱ्यांना आर्थिक नुकसानभरपाई द्यावी, अशी मागणी होऊ लागली आहे.

सांगली जिल्ह्यात ७० टक्‍के बाधा 
जिल्ह्यात सुमारे ८ हजार हेक्‍टरवर डाळिंबाचे क्षेत्र आहे. या रोगाने किमान ७० टक्‍के इतक्‍या क्षेत्राला बाधा झाल्याचा अंदाज आहे; तर उर्वरित क्षेत्रातही पाच टक्‍क्‍यांपासून पंचवीस टक्‍क्‍यांपर्यंत नुकसान झाले आहे. 

प्रतिक्रिया
माझी दीड हजार झाडे आहेत. दरवर्षी जुलैमध्ये बाग धरतो. तेलकट डाग रोग येतो, पण नियंत्रणात असतो. यंदा उन्हाळी हंगामात बाग धरली. चांगले सेटिंग झाले. मात्र रोगाने बाग घेरली आहे. 
- जालिंदर गायकवाड, शेतकरी, शेटफळे, जि. सांगली.

 

इतर अॅग्रो विशेष
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...