agriculture news in marathi, pest on grapes garden, pune, maharashtra | Agrowon

जुन्नर तालुक्यात द्राक्ष बागांवर तुडतुडे, थ्रीप्सचा प्रादुर्भाव
टीम अॅग्रोवन
मंगळवार, 20 नोव्हेंबर 2018

नारायणगाव, जि. पुणे : जुन्नर तालुक्‍यातील द्राक्ष बागांमध्ये घडनिर्मिती समाधानकारक झाली आहे. या वर्षी पाऊस कमी झाल्याने द्राक्ष बागायतदारांना पाणीटंचाईबरोबरच कोवळ्या पानातील रसशोषण करणारे तुडतुडे व थ्रीप्स (फुलकिडी) या किडींचा सामना करावा लागत आहे. काळ्या रंगाच्या जंबो द्राक्षाच्या तुलनेत पांढऱ्या जातीच्या द्राक्ष वेलीवर घड जिरण्याचे प्रमाण जास्त आहे.

नारायणगाव, जि. पुणे : जुन्नर तालुक्‍यातील द्राक्ष बागांमध्ये घडनिर्मिती समाधानकारक झाली आहे. या वर्षी पाऊस कमी झाल्याने द्राक्ष बागायतदारांना पाणीटंचाईबरोबरच कोवळ्या पानातील रसशोषण करणारे तुडतुडे व थ्रीप्स (फुलकिडी) या किडींचा सामना करावा लागत आहे. काळ्या रंगाच्या जंबो द्राक्षाच्या तुलनेत पांढऱ्या जातीच्या द्राक्ष वेलीवर घड जिरण्याचे प्रमाण जास्त आहे.

जुन्नर तालुका जंबो जातीच्या निर्यातक्षम द्राक्ष उत्पादनात अग्रेसर आहे. कांदा व इतर भाजीपाल्याला मागील दोन वर्षांपासून योग्य भाव मिळत नसल्याने तालुक्‍यातील प्रामुख्याने पदवीधर युवक द्राक्षशेतीकडे वळले आहेत. जिल्हा बॅंकेकडून अल्पमुदतीचे तीन लाख रुपयांपर्यंतचे पीक कर्ज शून्य टक्के व्याजदराने मिळत असल्याने द्राक्ष उत्पादकांना मोठा आधार मिळाला आहे. येडगाव व नारायणगाव विविध कार्यकारी सेवा सोसायटीने शेतकऱ्यांना सुमारे तीस कोटी रुपयांचे कर्जवाटप केले आहे. तालुक्‍यातील सुमारे चार हजार एकर क्षेत्र द्राक्ष बाग लागवडीखाली आहे. यापैकी सुमारे ८० टक्के क्षेत्रात जंबो, शरद सिडलेस या काळ्या रंगाच्या द्राक्ष बागा आहेत.

या वर्षी पाऊस लांबल्याने सप्टेंबर महिन्यात होणाऱ्या आगाऊ द्राक्ष छाटणीचे प्रमाण कमी असून, साठ टक्के द्राक्ष बागांची छाटणी ऑक्‍टोबर महिन्यात करण्यात आली आहे. छाटणीचे नियोजन पाहता या वर्षी द्राक्षाचा तोडणी हंगाम फेब्रुवारी ते मार्चअखेर सुरू राहील. या वर्षी प्रतिकूल हवामान, पावसाची अनिश्‍चितता आदी कारणांमुळे द्राक्षावर तुडतुडे व फुलकिडे या रसशोषक किडींच्या प्रादुर्भावाचे प्रमाण वाढले आहे. त्या कोवळ्या वेलीवर हल्ला चढवतात. पानातील रस शोषण केल्याने प्रकाशसंश्‍लेषण क्रिया मंदावते. यामुळे घडाच्या पोषणावर परिणाम होतो.

या भागात बिबट्यांची संख्या जास्त असली तरी जीव धोक्‍यात घालून बागा वाचवण्यासाठी शेतकऱ्यांना रात्रीची फवारणी करावी लागत आहे. निर्यातक्षम द्राक्षात कीटकनाशकाचा अंश राहू नये यासाठी फवारणीवरसुद्धा मर्यादा येत आहेत. कीडनियंत्रणासाठी फवारणीबरोबरच पिवळ्या रंगाच्या चिकट सापळ्यांचा वापर केला जात आहे.  मागील वर्षी एप्रिल महिन्यात उशिरा खरडछाटणी झालेल्या द्राक्ष बागांना पुरेसा सूर्यप्रकाश न मिळाल्याने कमकुवत व लहान आकाराच्या घडांची निर्मिती झाली आहे. प्रतिकूल हवामानामुळे गळकुजचे प्रमाण वाढले आहे.

 

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...