agriculture news in marathi, pesticide poisoning deaths are hidden by health department, nagpur, maharashtra | Agrowon

कीटकनाशक विषबाधितांचे मृत्यू आरोग्ययंत्रणेने दडवले?
टीम अॅग्रोवन
सोमवार, 27 ऑगस्ट 2018

आमच्याकडून नियमित अहवालाद्वारे माहिती दिली जात आहे. या संदर्भाने होणारे आरोप तथ्यहीन आहेत. जिल्हाधिकारी कार्यालयाकडून तहसीलदार दर्जाचा अधिकारी नोडल ऑफिसर म्हणून नियुक्‍त केला आहे. त्यांना दररोज माहिती पुरवली जाते. फवारणीदरम्यान विषबाधितांवर उपचारासाठी आमच्याकडे आधुनिक यंत्रणा कार्यान्वित आहे. कृत्रिम श्‍वासोच्छवास यंत्रणादेखील पूर्ण क्षमतेने कार्यान्वित आहे.
- डॉ. राजेश कार्यकर्ते, अधिष्ठाता,  शासकीय वैद्यकीय महाविद्यालय व रुग्णालय, अकोला.

नागपूर   ः अकोला जिल्ह्यात पिकावर कीटकनाशकाच्या फवारणी दरम्यान विषबाधा झालेल्या चौघांच्या मृत्यूविषयी आरोग्य यंत्रणेने प्रशासनाला कळवलेच नाही, अशी धक्कादायक माहिती कृषी विभागातील सूत्राने दिली. गेल्या वर्षी यवतमाळ येथे झालेल्या विषबाधा प्रकरणानंतर अशा मृत्यूंविषयी आरोग्य यंत्रणेने प्रशासनाला तात्काळ माहिती देण्याच्या सूचना देण्यात आल्या होत्या. तरीही अकोल्यात आरोग्य विभागाच्या अधिकाऱ्यांनी त्याकडे दुर्लक्ष केल्याचा आरोप होत आहे. आरोग्य यंत्रणेतील अधिकाऱ्यांनी मात्र आपल्यावरील आरोप फेटाळत दैनंदिन अहवाल दिला जात असल्याचे स्प्ष्ट केले आहे.

अकोला जिल्ह्यातील चार शेतकऱ्यांचा पिकांवर कीटकनाशकांची फवारणी करताना विषबाधा होऊन मृत्यू झाला. त्यात राजू नामदेव राऊत (गायगाव), गजानन किसन बकाल (सुकोडा) यांच्यासह  दहिगाव (ता. तेल्हारा) येथील एक शेतकरी तसेच अकोट तालुक्‍यातील एक आदिवासी शेतकरी यांचा समावेश आहे. यासंदर्भात आरोग्य यंत्रणेकडून माहिती मिळाली नाही; तर वृत्तपत्रांत आलेल्या बातम्यांमुळे या घटना समजल्या, असे कृषी विभागातील सूत्राने सांगितले.

वृत्तपत्रांतील बातम्यांनंतर कृषी विभागाने अकोला येथील शासकीय वैद्यकीय महाविद्यालय व रुग्णालयातून माहिती घेण्याचे प्रयत्न केले. त्यावर १४ ऑगस्टच्या अहवालात फवारणी दरम्यान विषबाधितांपैकी एकाचाही मृत्यू नसल्याचे कळविण्यात आले. त्यानंतर २० ऑगस्टच्या अहवालात मात्र चौघांच्या मृत्यूची माहिती देण्यात आली, असे कृषी विभागाच्या सूत्राने सांगितले.

गेल्या वर्षी यवतमाळ जिल्ह्यात कापसावरील बोंड अळीच्या नियंत्रणासाठी कीटकनाशकाची फवारणी करताना ४५० हून अधिक व्यक्तींना विषबाधा झाली. त्यातील १९ जणांचा मृत्यू झाला. राज्यभरात फवारणीदरम्यान विषबाधेमुळे बळींचा आकडा ४९ वर गेला. राज्य सरकारने त्याची दखल घेत यंदाच्या हंगामात फवारणी दरम्यान विषबाधा होऊन रुग्णालयात दाखल होणाऱ्यांची स्वतंत्र नोंद करण्याचे निर्देश दिले होते. मात्र, गेल्या वर्षीचा अनुभव आणि शासनाचे आदेश असूनही आरोग्य विभागाची यंत्रणा मात्र यासंदर्भात गंभीर नसल्याचेच उघड होत आहे.

इतर अॅग्रो विशेष
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...