agriculture news in marathi, pesticides supply disrupts from m.a.i.d.c., pune, maharashtra | Agrowon

कीडनाशकांचा पुरवठा ‘कृषी उद्योग’कडून विस्कळित
टीम अॅग्रोवन
रविवार, 26 ऑगस्ट 2018

पुणे : राज्यातील शेकडो गावांमध्ये खरीप हंगामातील पिकांवर कीड-रोगांचा झपाट्याने प्रादुर्भाव होत असताना महाराष्ट्र राज्य कृषी उद्योग विकास महामंडळाकडून कीडनाशकांचा (पेस्टिसाइड्‌स) पुरवठा विस्कळित झालेला आहे. यामुळे कीड-रोग नियंत्रणात अडथळे येत असल्याने कृषी विभाग हैराण झाला आहे.

पुणे : राज्यातील शेकडो गावांमध्ये खरीप हंगामातील पिकांवर कीड-रोगांचा झपाट्याने प्रादुर्भाव होत असताना महाराष्ट्र राज्य कृषी उद्योग विकास महामंडळाकडून कीडनाशकांचा (पेस्टिसाइड्‌स) पुरवठा विस्कळित झालेला आहे. यामुळे कीड-रोग नियंत्रणात अडथळे येत असल्याने कृषी विभाग हैराण झाला आहे.

शेतकऱ्यांना क्विनॉलफॉस, प्रोफेनोफॉस, क्लोरपायरिफॉस, कार्बेन्डाझिम, इंडोक्झाकार्ब, अॅसिटामिप्रिड या कीटकनाशकांचा पुरवठा करण्यासाठी कृषी विभागाकडून ‘कृषी उद्योग’ला पत्र दिले गेले आहे. मात्र सतत घोटाळ्यांमध्ये आघाडीवर असलेल्या कृषी उद्योग महामंडळाची शेतकऱ्यांसाठी काम करण्याची वेळ येताच पिछाडीवर जाण्याची असलेली प्रतिमा यंदाही कायम आहे.

राज्यात सध्या ९०० पेक्षा जास्त गावांमध्ये पिकांवर मावा, तुडतुडे, फुलकिडी यांसारख्या रसशोषक किडींचा फैलाव झालेला आहे. कीड नियंत्रणासाठी शेतकऱ्यांना केवळ सल्लाच नव्हे, तर काही प्रमाणात रासायनिक किडनाशकांचा पुरवठा करण्याची जबाबदारी कृषी विभागावर आहे. मात्र, कृषी विभागाला स्वतः  किडनाशकांची खरेदी न करता ‘कृषी उद्योग’ची मदत घ्यावी लागते. कृषी विभागाला एक लाख दहा हजार लिटर्स  किडनाशकांची तातडीने आवश्यकता असताना ऑगस्टच्या पंधरवड्यापर्यंत ७९ हजार लिटर्स  किडनाशके ‘कृषी उद्योग’ने पुरवली नाहीत.

कपाशीतील बोंड अळीचे संकट आता ७०० गावांच्या पुढे पसरले आहे. एका बाजूला गावांमध्ये अजूनही शेतकऱ्यांना अनावश्यकपणे संजीवकांचा वापर करण्यास भाग पाडले जात आहे. पण, दुसऱ्या बाजूला अत्यावश्यक कीडनाशके पुरवण्यात आम्हीदेखील कमी पडत आहोत. त्याला कृषी उद्योग महामंडळ जबाबदार आहे, अशी माहिती कृषी विभागाच्या सूत्रांनी दिली.

कृषी विभागाला सर्वांत जास्त चिंता बोंड अळीच्या प्रादुर्भावाची आहे. बोंड अळीचा प्रादुर्भाव रोखण्यासाठी  किडनाशकांचा भरपूर प्रमाणात पुरवठा झाला, तरच शेतकऱ्यांना वेळेवर वाटप करून त्याची फवारणी होऊ शकते, अन्यथा बोंड अळीचे संकट वाढत जाईल, असे सूत्रांनी स्पष्ट केले.
विशेष म्हणजे प्रोफेनोफॉस हे कीटकनाशक सध्या कृषी विभागाकडून पुरविले जात नसल्याचे दिसून येते.

कृषी विभागाला ३० हजार लिटर प्रोफेनोफॉसची आवश्यकता असताना दहा हजार लिटर इतकाच पुरवठा ‘कृषी उद्योग’ने केला आहे. कापूस व इतर पिकांवरील कीड-रोग नियंत्रणासाठी राज्यात एक लाख लिटरपेक्षा जास्त कीडनाशकांची आवश्यकता होती. त्यानुसार आम्ही कृषी उद्योग विकास महामंडळाला मागणीपत्रदेखील दिले. मात्र, महामंडळाने केवळ ३० हजार लिटरच्या आसपास कीडनाशकांचा पुरवठा केला. प्रॉफेसेनोफॉसबाबत तर पुरवठाच करता येणार नसल्याचे महामंडळाकडून सांगितले गेले आहे, असे कृषी विभागाचे म्हणणे आहे.

कीड व्यवस्थापनासाठी राज्य सरकारने यंदा भरपूर निधी उपलब्ध करून दिलेला आहे. कीड नियंत्रणासाठी आम्हाला १७ कोटी रुपये जादा देण्यात आलेले आहेत. यात बोंड अळी नियंत्रणासाठी आठ कोटी रुपये देण्याची तयारी शासनाने दर्शविली आहे. मात्र, ‘कृषी उद्योग’च्या सुस्त कारभारामुळे निधी आहे, पण  किडनाशके नाहीत अशी अवस्था कृषी विभागाची आहे, असे एका अधिकाऱ्याने सांगितले.

 ‘मागणीप्रमाणेच कीडनाशकांचा पुरवठा’
कीडनाशकांबाबत कृषी विभागाकडून आलेल्या मागणीप्रमाणेच आम्ही पुरवठा करतो आहे. मात्र अचानक मागणी आल्यामुळे काही समस्या तयार झाल्या. तथापि, आम्ही ‘महाराष्ट्र इनसेक्टिसाइड कंपनीच्या संपर्कात असून, मागणीप्रमाणे पुरवठा करण्यासाठी महामंडळाकडून काळजी घेतली जात आहे, असे महामंडळाचे उपमहाव्यवस्थापक महेंद्र बोरसे यांनी सांगितले.

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...