agriculture news in marathi, Pikvima protection has uneffective | Agrowon

येवल्यात पीकविमा सुरक्षेचे कवच ठरले कुचकामी
टीम अॅग्रोवन
शुक्रवार, 27 जुलै 2018

पीकविमा काढला तरी जाचक अटी दाखवून शेतकऱ्यांना नुकसान भरपाईपासून वंचित ठेवले जाते. त्यामुळे शेतकऱ्यांमध्ये उदासीनता आहे. पीकविमा एजंटची गावोगाव नियुक्ती केल्यास सर्व शेतकऱ्यांना पीकविमा संकल्पना समजेल. नुकसानभरपाई देताना अटी शिथिल करणे गरजेचे आहे.
- बापूसाहेब पगारे, शेतकरी संघटना नेते

येवला : अवकाळी पाऊस, गारपीट, अवर्षण, दुष्काळ या संकटकाळात पीकविमा नक्कीच आधारवड मानला जातो; पण विम्याचे हे कवच केवळ गाजर असून, कंपन्या मालामाल करणारे असल्याने शेतकरी याकडे काणाडोळा करत आहेत. तालुक्यात तर यंदा अद्याप एकानेही पिकाचा विमा उतरवलेला नसल्याचे धक्कादायक वास्तव आहे. खरिपात पीककर्ज न मिळाल्यानेदेखील आकडे घटले आहेत, हेही कारण यामागे आहे.
 
खरीप हंगामातील भात, ज्वारी, बाजरी, नाचणी, मका, तूर, मूग, उडीद, सोयाबीन, भुईमूग, तीळ, सूर्यफूल, कारळे, कापूस, कांदा इत्यादी पीक उत्पादक शेतकऱ्यांना मिळणार आहे. बिगर कर्जदार शेतकऱ्यांसाठी ही योजना ऐच्छिक तर कर्जदारांना सक्तीचा आहे. पण विमा भरला, पिकांचे नुकसान झाले, मात्र हाती एक कवडीही आली नसल्याचा अनुभव शेतकऱ्यांनी घेतला आहे.
वर्षानुवर्षे भरलेले पैसे वाया जात असल्याचा अनुभव असल्याने शेतकरी आता याकडे उघडपणे काणाडोळा करत आहेत. तालुक्यात विम्याचा लाभ घेऊ शकणारे सभासद सुमारे २४ हजार आहेत.
जिल्हा बँकां अडचणीत अडकल्याने शेतकऱ्यांना खरीप हंगामात पीककर्ज मिळालेले नाही. याचा पीकविमा योजनेला मोठा फटका बसला आहे. मुळात पीककर्ज घेताना कर्जातूनच विम्याची रक्कम कपात केली जाते; पण कर्जच नाही म्हणून विमा नसल्याचे चित्र आहे. खरीप पिकांचे संरक्षणाचे कवच कवडीमोल ठरत आहे.

जिल्ह्यातूनच होतोय काणाडोळा
२०१६ मध्ये जिल्ह्यातील ८९ हजार ३३६ शेतकऱ्यांनी पीकविमा घेतला होता. त्यापैकी १ हजार ६४१ शेतकऱ्यांना योजनेचा लाभ मिळाला. तर २०१७ मध्ये जिल्ह्यात ७ लाख ९७ हजार ६९७ खातेदार शेतकरी असून, यापैकी केवळ ४ हजार ६४२ शेतकऱ्यांनीच पीकविम्याचा लाभ घेतला आहे. म्हणजेच ७ लाख ९३ हजार शेतकऱ्यांनी याकडे पाठ फिरवली होती. यंदाचे आकडे तर अधिकच गंभीर राहणार, असेच चित्र आहे.

 
 

इतर बातम्या
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
पाणी अमूल्य असल्याने जनजागृतेची गरज ः...कोल्हापूर : ‘‘पाण्यासाठी व्यापक जनजागृती होणे...
शेतीपिकांना मोजूनच पाणी दिले पाहिजे ः...पुणे ः पाणी ही संपत्ती आहे; पण ती मोजली जात नाही...
येवला तालुक्यात हंडाभर पाण्यासाठी वणवणनाशिक : कमी पावसामुळे येवला तालुक्यात पाणीटंचाई...
हवामानविषयक समस्यांमुळे शेतीवर परिणाम ः...परभणी ः जागतिक तापमान वाढ, पावसातील अनियमितता,...
मतदार यादीत वाढला महिलांचा टक्कानगर : निर्दोष मतदार यादी तयार करण्यासाठी जिल्हा...
तापमानातील चढ-उताराचा अंजीर उत्पादकांना...परभणी : तापमानातील चढ-उतारामुळे अंजिराची फळे...
पाणीटंचाईच्या कामांनाही आचारसंहितेची झळभंडारा ः उन्हाच्या झळांसोबतच पाणीटंचाईचे संकटही...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...
यंदा मतदानात महिला पुरुषांना मागे टाकणारनवी दिल्ली : लोकसभा निवडणुकांमध्ये पुरुषांपेक्षा...
शक्तिशाली उल्कापातापासून बचावली पृथ्वीपुणे ः अमेरिकेतील अवकाश संशोधन संस्था ‘नासा’...
संत्रा बागांना उरला केवळ टॅंकरचा आधारअमरावती : संत्रा बागा जगविण्यासाठी...
जांभरुण परांडे गावात जन्माला आली...अमरावती : जांभरुण परांडे (जि. वाशीम) येथे...
शेतकऱ्यांना व्यापार संधी उपलब्ध होणारपुणे : राज्यात फळे भाजीपाल्याचे वाढते...
मराठवाड्याच्या पाण्यासाठी फक्त बोलून...परभणी : केवळ जायकवाडीच्या हक्काच्या...
राज्यात चार हजाराने मतदान केंद्रे वाढलीमुंबई  : लोकसभा निवडणुकीसाठी राज्यात...
काँग्रेस-राष्ट्रवादीच्या महाआघाडीचा...मुंबई : गेले सहा महिने विविध समविचारी पक्षांशी...
चंद्रपूर : बांगडेंच्या उमेदवारीने...चंद्रपूर : गेल्या पंधरवाड्यापासून चंद्रपूर...