agriculture news in Marathi, pilot project will be held in solapur district for Infertile land development, Maharashtra | Agrowon

नापीक जमिनी कार्यक्षमतेसाठी दक्षिण सोलापुरात पथदर्शी प्रकल्प
टीम अॅग्रोवन
रविवार, 17 डिसेंबर 2017

भंडारकवठे येथे ओढ्याजवळील सुमारे पाच किलोमीटर अंतरावरील ७०० एकर क्षेत्र पाणथळ व क्षारपडमुळे बाधित झाले आहे. या जमिनीला पुनर्वापरात आणणे शक्‍य होणार आहे. त्यासाठी प्रयत्न करण्यात येत आहेत.
- राजकुमार शेळके, उपअभियंता, लघू पाटबंधारे व संशोधन विभाग, पंढरपूर

सोलापूर ः नापीक शेतजमिनींच्या पुनर्वापराची पडताळणी घेण्यासाठी सहकार व पणनमंत्री सुभाष देशमुख यांनी पुढाकार घेतला असून, त्यासाठी त्यांच्या दक्षिण सोलापूर मतदारसंघात एक पथदर्शी कार्यक्रम हाती घेतला आहे. या कार्यक्रमाची नुकतीच भंडारकवठे (दक्षिण सोलापूर) येथे सुरवात झाली.
 
राज्यातील प्रत्येक गावात शेतजमिनीचे शेकडो एकर क्षेत्र क्षार, पाणथळ, कुरण यासह विविध कारणांनी वर्षानुवर्षे नापीक व पडीक आहे. या जमिनींचा पीक लागवडीसाठी पुनर्वापर शक्‍य आहे का, याबाबतची चाचपणी घेण्यासाठी एक व्यापक कार्यक्रम सहकारमंत्री सुभाष देशमुख यांच्या पुढाकारातून हाती घेण्यात आला आहे.

मतदार संघातील प्रत्येक गावात विशेषतः नदीकाठच्या क्षेत्रात अशा क्षारपड व पाणथळचे प्रमाण अधिक आहे. त्या शेतजमिनींचे सर्वेक्षण करणे गरजेचे असल्याने हे काम प्रामुख्याने अशा गावात हाती घेण्यात आले आहे. संबंधित सरकारी यंत्रणांच्या मदतीने अशा पडीक जमिनींचे सर्वेक्षण करून त्या लागवडीखाली आणल्यास तो देशातला एक ‘पॅटर्न’ ठरणार आहे. 

या कामाची सुरवात नुकतीच भंडारकवठे येथून करण्यात आली. येथील सुमारे ७०० एकर क्षेत्र क्षार व पाणथळाने बाधित आहे, ते क्षेत्र नापीक घोषित आहे. या क्षेत्राचे सर्वेक्षण करून ते लागवडीखाली आणण्याचे प्रयत्न करण्यात येणार असल्याचे सांगण्यात आले. मंत्र्यांनी लघू पाटबंधारे व संशोधन उपविभागास आदेश दिल्याने ही यंत्रणा कामाला लागली आहे. भंडारकवठ्यात या कामाची सुरवात प्रगतशील बागायतदार उमेश पाटील यांच्या हस्ते करण्यात आली.

या वेळी लघू पाटबंधारे संशोधन उपविभागाचे उपअभियंता राजकुमार शेजाळे, शाखा अभियंता मंजुनाथ तुंबळ, भाजपचे तालुका सरचिटणीस यतीन शहा, विकास सोसायटीचे अध्यक्ष भीमाशंकर बबलेश्‍वर, पंचायत समिती  सदस्य एम. डी. कमळे, सहकारमंत्र्यांचे स्वीय सहायक शेखर येरनाळे, सचिन पाटील, बसवराज घोडके, प्रा. व्ही. के. पाटील, सोमनिंग विरदे, मल्लिनाथ बबलेश्‍वर, सोमनिंग कमळे, ओमकुमार मुक्काणे, संतोष कमळे उपस्थित होते. 

इतर ताज्या घडामोडी
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...
नगरमधील ४३३८ शेतकऱ्यांची शेतीमाल...नगर  ः आधारभूत किमतीने मूग, उडीद, सोयाबीनची...
जळगाव जिल्ह्यात ज्वारीच्या पेरणीला...जळगाव : जिल्ह्यात रब्बीतील ज्वारी पेरणीकडे...
ढगाळ वातावरणामध्ये द्राक्ष पिकात...सांगली, मिरज व सोलापूर येथील काही भागांमध्ये हलके...
हुमणी अळीचे एकात्मिक व्यवस्थापनगेल्या काही वर्षांपासून राज्याच्या विविध...
पुणे जिल्ह्यात रब्बीसाठी १९ हजार...पुणे : पुणे जिल्ह्यात रब्बी हंगामाची तयारी सुरू...
सोलापूर जिल्हा बॅंकेकडून ७० हजार...सोलापूर  : सोलापूर जिल्हा बॅंकेच्या सव्वा...
सोयाबीन खरेदी केंद्रे सुरू होईनातसातारा : जिल्ह्यात खरिप पिकांची काढणी अंतिम...
भाजीपाला सल्लासध्याच्या काळात बाजारपेठेची मागणी लक्षात घेऊन...
कृषी सल्ला : ऊस, कापूस, तूर, गहू, हरभरा...ज्या ठिकाणी पाण्याचा ताण बसत आहे, त्या ठिकाणी...
हाताचा नाकाशी होणाऱ्या संपर्कातूनही...न्यूमोनियाकारक जिवाणू हा नाकाला हात लावणे,...
खानदेशात खरिपातील ज्वारीची आवक सुरुजळगाव : खानदेशात अनेक भागांत ज्वारीची मळणी जवळपास...
परभणी जिल्ह्यात मुगाची उत्पादकता एकरी १...परभणी : यंदा परभणी जिल्ह्यात मुगाची सरासरी...
पुणे जिल्ह्यात चाराटंचाईपुणे   ः पुणे जिल्ह्यातील पूर्व पट्ट्यात...
नगर - मराठवाड्यात पाण्यावरून संघर्षाची...नगर ः पुरेसा पाऊस झाला नसल्याने यंदा...
‘महसूल’च्या जागेवर चाऱ्याच्या...यवतमाळ  ः पांढरकवडा व राळेगाव तालुक्‍यांतील...
सातारा जिल्ह्यात ७७३ एकरांवर तुती लागवडसातारा  ः जिल्ह्यात रेशीम शेती करण्याकडे...