agriculture news in Marathi, plant owner demands new GR, Maharashtra | Agrowon

दूध संघांकडून सुधारित ‘जीआर’चा आग्रह
टीम अॅग्रोवन
मंगळवार, 31 जुलै 2018

पुणे: राज्यातील दूध उत्पादक शेतकऱ्यांना प्रतिलिटर २५ रुपये दर देण्यासंदर्भात सरकारने निर्णय जारी न केल्यामुळे राज्यभर गोंधळ उडाला आहे. तसेच, शेतकऱ्यांच्या बॅंक खात्यात थेट अनुदान मिळणार नसल्याचे स्पष्ट झाले आहे. दुसऱ्या बाजूला ‘सुधारित ‘जीआर’ आल्याशिवाय दरवाढ दिली जाणार नाही,’ अशी भूमिका दूध संघांनी घेतली आहे.  

पुणे: राज्यातील दूध उत्पादक शेतकऱ्यांना प्रतिलिटर २५ रुपये दर देण्यासंदर्भात सरकारने निर्णय जारी न केल्यामुळे राज्यभर गोंधळ उडाला आहे. तसेच, शेतकऱ्यांच्या बॅंक खात्यात थेट अनुदान मिळणार नसल्याचे स्पष्ट झाले आहे. दुसऱ्या बाजूला ‘सुधारित ‘जीआर’ आल्याशिवाय दरवाढ दिली जाणार नाही,’ अशी भूमिका दूध संघांनी घेतली आहे.  

 शेतकऱ्यांच्या दुधाला प्रतिलिटर २५ रुपये देण्यास खासगी व सहकारी संघदेखील तयार नाहीत. राज्य सरकारने अनुदान देताना ३.५ फॅटस् व ८.५ एसएनएफ सूत्र गृहित धरले आहे. मात्र, केंद्र सरकारचा गाय दुधाची गुणवत्ता ३.२ व ८.३ अशी गृहीत धरली आहे. त्याकडे राज्य सरकारने दुर्लक्ष केले आहे. त्यामुळे केंद्र सरकारच्याच मूळ निकषाप्रमाणे दूध स्वीकारून त्याप्रमाणे अनुदान देण्याची मागणी दूध डेअरीचालकांची आहे, अशी माहिती दुग्धविकास विभागाच्या सूत्रांनी दिली.

३.२ फॅटस् व ८.३ एसएनएफ गृहीत धरून शेतकऱ्यांना कोणता दर द्यावा, याची स्पष्ट माहिती देणारा शासन निर्णय जाहीर करण्यात आलेला नाही. ३.५ फॅटसच्या खाली दूध असल्यास प्रलिपॉइंट ३० पैसे कपात करावी, असे डेअरीचालकांचे म्हणणे आहे. तसेच, ८.३ एसएनएफच्या खाली प्रतिपॉइंट ३० पैसे कापावे की ५० पैसे कापावे, याबाबतदेखील संभ्रमाची स्थिती आहे.

‘‘शेतकऱ्यांना २५ रुपये प्रतिलिटर दर देण्याबाबत जीआर निघाला होता. मात्र, त्याला दुग्धप्रकल्पचालकांनी आक्षेप नोंदविला आहे. सुधारित जीआर काढून शेतकऱ्यांना एक ऑगस्टपासून दर देण्याची मागणी आल्यामुळे राज्यात कोणत्याही भागात आधीच्या आश्वासनाप्रमाणे प्रतिलिटर २५ रुपये जादा दर मिळालेला नाही,’’ असेही महानंदच्या सूत्रांचे म्हणणे आहे. दरम्यान, राज्याचे दुग्धविकास आयुक्त राजेश जाधव याबाबत पुन्हा बैठक घेणार असून, त्यानंतरच दूधदराबाबत स्थिती स्पष्ट होणार आहे. 

उत्पादकांना थेट अनुदानाबाबत संभ्रम
शेतकऱ्यांच्या बॅंक खात्यात थेट अनुदान जमा करण्याबाबतदेखील संभ्रम आहे. ‘‘काहीही झाले तरी शेतकऱ्यांच्या बॅंक खात्यात कुठेही सध्या प्रतिलिटर पाच रुपये जमा होणार नाही. राज्यातील एकाही खासगी दुग्धप्रकल्प चालकाने आपल्याकडे शेतकऱ्यांची यादी असल्याचे स्पष्ट केलेले नाही. या प्रकल्पांचे संकलन मुळात मध्यस्थांकडून होते. त्यामुळे शेतकऱ्यांना थेट अनुदान सध्यातरी देता येणार नाही,’’ अशी माहिती सूत्रांनी दिली.

अनुदानाची प्रक्रिया किचकट
राज्य शासनाच्या पातळीवर सुरू असलेल्या हालचालीनुसार, शेतकऱ्यांच्या नावे प्रतिलिटर पाच रुपये अनुदान आधी प्रक्रिया चालकाला दिले जाणार आहे. त्याच्याकडे दूध देणाऱ्या मध्यस्थाला तो अनुदान देईल. या मध्यस्थाने आपण कोणत्या शेतकऱ्याकडून दूध आणले आहे याची यादी द्यायची आहे. त्यानंतर थेट शेतकऱ्याला अनुदान मिळणार आहे. ही प्रक्रिया अतिशय किचकट व संशयास्पद होण्याची शक्यता आहे, अशी भीती महानंदच्या सूत्रांनी व्यक्त केली आहे.

टॅग्स

इतर अॅग्रो विशेष
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
पीक फेरपालटीवर भर देत श्रीमंती केळीचे...कलाली (ता. अमळनेर, जि. जळगाव) येथील योगेश व मनोज...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...
दराच्या प्रतीक्षेतील कांद्याला फुटले...वडेल, जि. नाशिक :  आज ना उद्या दर वाढला, की...
पोटदुखीवर कडू कंद उपयुक्त कडू कंद ही वेलवर्गीय वनस्पती असून...
शिरूर ठरले मुगासाठी हक्काची बाजारपेठपुणे जिल्ह्यात शिरूर बाजार समिती ही मुगासाठी...
तहात अडकले ‘ब्रेक्झिट’युरोपीय महासंघातून बाहेर पडायचे अथवा नाही, या...
साखरेच्या कमी दराची शिक्षा ऊस...ऊस दराच्या बाबतीत कधी नव्हे एवढी आर्थिक कोंडी या...
बायोडायनॅमिक पद्धतीने कमी काळात कंपोस्ट...बायोडायनॅमिक तंत्रज्ञान हे मूलत: भारतीय वेदांवर...
पाने कुरतडणाऱ्या मुंग्यांकडूनही होते...उष्ण कटिबंधीय जंगले हे नायट्रस ऑक्साईड या हरितगृह...
पणन सुधारणेतील दुरुस्तीला शेतकरी...मुंबई ः महाराष्ट्र कृषी उत्पन्न पणन (विकास व...
ताराराणी महोत्सवातून घडली उद्यमशीलता,...कोल्हापूर जिल्हा परिषद व पंचायत राज विभागाच्या...
कृषी निविष्ठा अनुदानासाठी ‘ऑनलाइन'ची...पुणे : राज्यात कृषी विभागाच्या योजनांमधील विविध...
'आयमा'ची होतेय मुस्कटदाबी; मोठ्या...पुणे : ट्रॅक्टर, हार्वेस्टर, रोटाव्हेटरसारख्या...
विदर्भाच्या काही भागांत थंडीची लाट पुणे : उत्तर भारतात थंडीच्या वाढलेल्या...
संत्रा पिकातील सिट्रीस ग्रिनिंग...नागपूर : जागतिकस्तरावर संत्रा पिकात अतिशय गंभीर...
चंद्रावरील कापसाचा कोंब कोमेजला...बीजिंग : चीनने ‘चांग इ-४’ या अवकाशयानातून...