agriculture news in marathi, Planting fodder to overcome the scarcity | Agrowon

नगर जिल्ह्यात टंचाईवर मात करण्यासाठी चारा लागवड
टीम अॅग्रोवन
गुरुवार, 25 ऑक्टोबर 2018

नगर : यंदा पावसाने हात आखडता घेतल्याने राज्यावर दुष्काळाचे सावट आहे. आगामी काळात जनावरांचे हाल होऊ नये, यासाठी राज्यातील नगरसह १० जिल्ह्यांत महाराष्ट्र पशुधन विकास मंडळ, अकोला व पुण्यश्‍लोक अहिल्यादेवी होळकर महाराष्ट्र मेंढी व शेळी विकास महामंडळाच्या ७५० हेक्‍टर क्षेत्रावर अतिरिक्त चारा लागवड करण्यात येणार आहे. त्यातून साधारण १० हजार टन हिरवा चारा उपलब्ध होईल.

नगर : यंदा पावसाने हात आखडता घेतल्याने राज्यावर दुष्काळाचे सावट आहे. आगामी काळात जनावरांचे हाल होऊ नये, यासाठी राज्यातील नगरसह १० जिल्ह्यांत महाराष्ट्र पशुधन विकास मंडळ, अकोला व पुण्यश्‍लोक अहिल्यादेवी होळकर महाराष्ट्र मेंढी व शेळी विकास महामंडळाच्या ७५० हेक्‍टर क्षेत्रावर अतिरिक्त चारा लागवड करण्यात येणार आहे. त्यातून साधारण १० हजार टन हिरवा चारा उपलब्ध होईल.

पावसाने दडी मारल्याने खरीप वाया गेला. रब्बीवरही संकट आहे. राज्यात सुमारे दिडशेच्यावर तालुक्‍यांत टंचाईचे सावट आहे. त्यामुळे यंदा राज्यातील बहूतांश गावांना चारा टंचाई सामोरे जावे लागणार आहे. त्यामुळे राज्य सरकारने महाराष्ट्र पशुधन विकास मंडळ, अकोला व पुण्यश्‍लोक अहिल्यादेवी होळकर महाराष्ट्र मेंढी व शेळी विकास महामंडळाच्या पुढाकारातून चारा उत्पादन करण्याचा निर्णय घेतला आहे. राज्याच्या मुख्य सचिवांनी ११ ऑक्‍टोबरला व्हिडिओ कॉन्फरन्सिंगद्वारे टंचाई स्थितीचा आढावा घेतला. चाऱ्याअभावी पशुधनाचे हाल होऊ नयेत, याची पूर्वतयारी म्हणून खबरदारीच्या उपाययोजना करण्याच्या सूचना दिल्या आहेत.

नगर जिल्ह्याच्या विचार करता यंदा सरासरीच्या ७० टक्के पाऊस झाला आहे. दुष्काळावर मात करण्यासाठी जिल्हाधिकारी राहुल द्विवेदी यांच्या मार्गदर्शनाखाली उपाययोजना सुरू आहेत. त्यासाठी शासनाने चारा उत्पादन करण्यासाठी पायलट प्रोजेक्‍ट हाती घेतला आहे. त्यानुसार कोपरगाव येथील पशुधन विकास महामंडळाच्या १०० एकरांवर चारा लागवड करण्यात येईल. जिल्ह्यातील विविध भागातही चाऱ्याची लागवड केली जाणार आहे. असे निवासी उपजिल्हाधिकारी प्रशांत पाटील यांनी सांगितले.

विविध बियाण्यांची लागवड
दुष्काळाच्या पार्श्‍वभूमीवर जनावरांचे हाल होऊ नयेत, यासाठी पुरेसा चारा उपलब्ध करण्यात येणार आहे. यात उपलब्ध क्षेत्रांपैकी ५० टक्के क्षेत्रावर ज्वारीच्या मालदांडी, फुले, रुचिरा, पीकेव्ही क्रांती या बियाण्यांची लागवड केली जाणार आहे. २५ टक्के क्षेत्रात मकाचे आणि उर्वरित २५ टक्के क्षेत्रामध्ये न्यूट्रिफीड चारा पिकांची लागवड केली जाणार आहे. चारा हाती आल्यावर त्याचा मुरघास केला जाईल. शिवाय सध्याच्या स्थितीत नैसर्गिकरीत्या त्या प्रक्षेत्रावरील गवत कापून जपून ठेवण्याचेही आदेश दिले आहेत.

असे असेल जिल्हानिहाय क्षेत्र (हेक्‍टर)
महाराष्ट्र पशुधन विकास महामंडळ
कोपरगाव (नगर) ४०
हिंगोली १००
पोहरा (अमरावती) ५०
जत (सांगली) १००
जुनोनी (सोलापूर) २०
ताथवडे (पुणे) ४०
वडसा (गडचिरोली) १००
पुण्यश्‍लोक अहिल्यादेवी होळकर शेळी, मेंढी विकास महामंडळ
महुद (सोलापूर) १००
रांजणी (सांगली) १००
पडेगाव (औरंगाबाद) ३०
पोहरा (अमरावती) ३०
अंबेजोगाई (बीड) २०
बोंद्री (नागपूर) १०

 

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...