विषबाधा नियंत्रणाची जबाबदारी आता निविष्ठा उत्पादक कंपन्यांकडे

फवारणीदरम्यान विषबाधा होऊ नये याकरिता व्यापक उपाययोजनांवर भर देण्यात आला आहे. निविष्ठा उत्पादकांवर जिल्हयाचे पालकत्व देण्यात आले आहे. कृषी, आरोग्य आणि निविष्ठा कंपन्या तिघांचे प्रयत्न याकामी राहतील. या वर्षीच्या हंगामात महत्त्वाकांक्षी असलेल्या शेतीशाळांमधून देखील याच विषयावर जागृती आणि प्राथमिक उपचार पद्धती सांगितली जाणार आहे. मी स्वतः या विषयावर दोन बैठका घेतल्या आहेत. - सुहास दिवसे, कृषी आयुक्‍त
विषबाधा
विषबाधा

यवतमाळ : जिल्ह्यात फवारणीदरम्यान झालेल्या विषबाधा नियंत्रणासाठी यंदाच्या खरिपात व्यापक उपाययोजनांवर भर दिला जाणार आहे. त्याकरिता खास आराखडा तयार करण्यात आला असून, निविष्ठा उत्पादक कंपन्यांवर जिल्ह्याची जबाबदारी निश्‍चित केली गेली आहे.  जिल्ह्यात गेल्या वर्षीच्या खरीप हंगामात कापसावर गुलाबी बोंड अळीचा प्रादुर्भाव झाला होता. या अळीच्या नियंत्रणासाठी शेतकऱ्यांकडून शिफारशीत नसतानाही अनेक कीटकनाशके एकत्रित करीत त्याची फवारणी करण्यात आली. काही ठिकाणी कापसावर शिफारशीत नसलेल्या अतिजहाल कीटकनाशकांचा देखील वापर झाला. याचे दुष्परिणाम फवारणीदरम्यान विषबाधेतून दिसून आले.  एकट्या यवतमाळ जिल्ह्यात ७०० ते ७५० जण फवारणीमुळे बाधित झाले. यातील १८ जणांचा मृत्यू झाला होता. त्यानंतर राज्याच्या विविध भागांत देखील फवारणीदरम्यान विषबाधा व मृत्यूच्या घटना घडल्या. यामुळे राज्य सरकारची यंत्रणा हादरली होती. घटनेच्या चौकशीसाठी समितीचे गठण करण्यासोबतच  मुख्यमंत्री देवेंद्र फडणवीस यांनी यवतमाळला भेट दिली. कृषिमंत्री व कृषिराज्यमंत्री यांचेही दौरे झाले. येत्या हंगामात फवारणीदरम्यान विषबाधेच्या घटना घडू नयेत यासाठी कृषी विभागाने हंगामापूर्वीच कंबर कसली आहे. कंपन्यांना निर्देश फवारणीदरम्यान विषबाधा नियंत्रणासाठी आराखडा तयार करण्यात आला आहे. त्यासोबतच बियाणे, खत आणि कीटकनाशक कंपन्यांवर जिल्ह्याचे पालकत्व देण्यात आले आहे. सुरक्षित फवारणीविषयक जागृतीकरिता प्रशिक्षण, आरोग्यविषयक उपाय व इतर बाबींवर भर देण्याचे निर्देश कंपन्यांना देण्यात आले आहेत. त्यानुसार अमरावती आणि यवतमाळची जबाबदारी नुजीविडू कंपनीकडे आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com