agriculture news in marathi, poisoning risk increased by china pump, Nagpur | Agrowon

चायना पंपाने वाढली जिवाची जोखीम
विनोद इंगोले
सोमवार, 9 ऑक्टोबर 2017

पंपाचा दर्जा, त्यातून मिळणारे प्रेशर, या बाबी तपासल्या जातात. पंपासोबत सुरक्षा किट पुरविण्याचे अहवालात नमूद केले जाते. परंतु याचे पालन संबंधित उत्पादक किंवा पुरवठादार करतो किंवा नाही हे सांगणे कठीण आहे.
- धीरज कराळे, समन्वयक, कृषी औजारे व प्रशिक्षण केंद्र, अकोला.
 

यवतमाळ ः बीटीच्या पाकिटात रिफ्युजी बियाण्यांऐवजी बिटी बियाणे; त्यामुळे कीडरोगांचा वाढता प्रादुर्भाव, त्याच्या नियंत्रणासाठी बनावट किटकनाशकांचा वापर, त्यासोबतच आता फवारणीकामी वापरल्या जाणाऱ्या तैवान (चिनी बनावट) पंपाचा मुद्दाही ऐरणीवर आला आहे. कृषी औजारे परीक्षण व प्रशिक्षण केंद्रातून अनुदानापुरत्याच चाचण्या घेऊन, नंतर त्या उत्पादनांचा दर्जा राखला जात नसल्याची चर्चा आहे.

 चीनमधून पॉवर स्प्रेची आयात होते. त्यानंतर अनुदानावर या पंपाचे वितरण सरकारी योजनांतून होते. त्याकरिता कृषी औजारे व प्रशिक्षण केंद्रातून या पंपाच्या दर्जाची पडताळणी करणे सक्‍तीचे आहे. अकोला कृषी विद्यापीठांतर्गत असे केंद्र आहे. या ठिकाणी दरवर्षी सुमारे २७ औजारे तपासली जातात. त्यामध्ये अवघ्या सात ते आठ कंपन्यांचे फवारणी पंप राहतात. फवारणी पंपाच्या तपासणीकरिता २७ हजार रुपयांचे शुल्क विद्यापीठ आकारते.

५० तास हे पंप चालविले जातात. हाताने चालविण्यात येणाऱ्या पंपातून मिनिटाला एक लिटर पाणी फेकले जाते. त्याकरिता १६ वेळा पंप मारावा लागतो. याउलट तायवान पंपाची पाणी फेकण्याची क्षमता एका मिनिटात ३ ते ८ लिटर अशी आहे. त्यासोबतच पाण्याचा दाबदेखील अधिक राहतो. त्यामुळे  किटकनाशके, पाणी जास्त दाबाने फेकली जातात. शेतकरी सुरक्षासाधने वापरत नसल्याने प्रादुर्भावाची शक्‍यता अधिक राहते, असे तज्ज्ञ सांगतात. 

सुरक्षासाधनांचा मुद्दा दुर्लक्षित
फवारणी पंपाचा चाचणी अहवाल देताना त्यात संबंधित कंपनीने फवारणी करताना वापरायची सुरक्षा किट, तसेच फवारणीसाठीच्या मार्गदर्शक सूचनांची पुस्तिका पुरवावी, अशी सूचना केलेली असते. परंतु कंपन्या याकडे दुर्लक्ष करतात, अशी माहिती परीक्षण केंद्रातील तज्ज्ञांनी सांगितली. 

रॅन्डमली तपासणी गरजेची
कृषी औजारे व प्रशिक्षण केंद्रातून पडताळणी    केल्यानंतर संबंधित पुरवठादार कृषी आयुक्‍तालयाकडे पंपाचा अनुदान यादीत समावेश व्हावा, याकरिता अर्ज करतो. अनुदान यादीत आलेल्या या उत्पादनांच्या विक्रीकाळात रॅन्डमली तपासणीचे आदेश आहेत. कृषी विभागावर ही जबाबदारी असली तरी हे काम प्रामाणिकपणे होत नाही, परिणामी कमी दर्जाच्या पंपाचा पुरवठा होतो, असे सूत्रांनी सांगितले. 

डीबीटीमुळे वाढले धोके
पंप पुरवठादाराने दिलेल्या माहितीनुसार, आता शासनाने डीबीटी केले आहे. त्यामुळे शेतकरी कोणताही पंप खरेदी करतो. त्यासोबत सुरक्षा किट देण्यातच येत नाही. कृषी विभागाने या पार्श्‍वभूमीवर प्रमाणित पंप आणि विनाप्रमाणित पंपाची यादी विक्री केंद्राच्या दर्शनी भागात लावणे गरजेचे आहे. 

इतर अॅग्रो विशेष
उपाय आहेत, इच्छाशक्ती हवी ! पुणे : राज्यात दुधाच्या गडगडलेल्या दरामुळे...
किफायतशीर दुग्ध व्यवसायासाठी...आपण आंतरराष्ट्रीय पातळीवर दूध उत्पादनात अग्रेसर...
शालेय पोषण आहार, अंगणवाडीत दूध पुरवा :...राज्यात सध्या दूध दराचा प्रश्‍न चव्हाट्यावर आहे....
दूधधंदा मोडून पडल्यास शेतीतील समस्या...शेतकऱ्यांना वस्तुस्थिती न सांगता त्यांच्या...
दूधदर प्रश्‍नी हवी ठोस उपाययोजना : संघदूध भुकटीला मागणीला नसल्याने अतिरिक्त दूध बाजारात...
दूधकोंडी फोडण्यासाठी शासनाचे सर्वतोपरी...दूध उत्पादक शेतकरी दर मिळत नसल्याने अडचणीत आले...
उत्पादकता, गुणवत्ता सुधारणे आवश्‍यकपुणे : भारत दूध उत्पादनात जगात आघाडीवर असला तरी...
दूध उत्पादकांना २८ रुपये दर देणे शक्य...सरकारने जाहीर केलेल्या दरापेक्षा लिटरमागे दररोज...
दूध भुकटीसंदर्भात मुख्यमंत्र्यांनी...देशात दुधाचा ओघ वाढ आहे. इतरवेळी जेवढी मागणी...
दुग्ध व्यवसाय टिकण्यासाठी शाश्वत दर...पुणे ः महत्त्वाचा शेतीपूरक व्यवसाय म्हणून दूध...
दूध पावडर उत्पादनाबाबत सरकार गाफीलपुणे  : राज्यातील दूध उत्पादक शेतकऱ्यांचे...
राज्यात ३० लाख लिटर दूध अतिरिक्तमंचर, जि. पुणे : राज्यात दररोज दोन कोटी वीस लाख...
राज्यात बुधवारपर्यंत कोरडे हवामानपुणे : राज्याच्या तापमानात चढ-उतार होत असून, मध्य...
शक्तिपरीक्षेआधीच येडियुरप्पांची माघार नवी दिल्ली : बी. एस. येडियुरप्पा यांनी बहुमाताचा...
दूध उत्पादकांसाठी ९५:५ फॉर्म्यूला करावा...वाढलेले पशुखाद्याचे दर आणि वैरणीची अडचण अशा...
दूध दराच्या प्रश्नावर संघर्षाचा बिगुललाखगंगा, जि. औरंगाबाद : फुकट दूधवाटप केल्यानंतर...
येडियुरप्पांची आज अग्निपरिक्षानवी दिल्ली  : कर्नाटकात सत्ता स्थापन...
पिकांच्या अवशेषांपासूनही बनणार इथेनॉलनवी दिल्ली ः देशात मोठ्या प्रमाणात होणारी...
निवृत्त शिक्षक झाला प्रयोगशील शेतीतील...वडगाव निंबाळकर (ता. बारामती, जि. पुणे) येथील...
मॉन्सूननिर्मितीसाठी पोषक वातावरणपुणे : समुद्राच्या पृष्ठभागाच्या वाढलेल्या...