agriculture news in marathi, Police headquater became center for agitaion of farmers | Agrowon

पोलिस मुख्यालयच बनले शेतकरी आंदोलनाचे केंद्र !!
टीम अॅग्रोवन
मंगळवार, 5 डिसेंबर 2017

अकोला : पोलिस मुख्यालय सध्या आंदोलन केंद्र बनले आहे. शेतकऱ्यांच्या विविध प्रश्‍नांबाबत माजी केंद्रीय अर्थमंत्री यशवंत सिन्हा, स्वाभीमानी शेतकरी संघटनेचे नेते रविकांत तुपकर यांच्या नेतृत्वात येथे आंदोलन सुरु आहे. सोमवारी मोर्चा व ठिय्या आंदोलन झाल्यानंतर आंदोलकांनी संपूर्ण रात्र पोलिस मुख्यालयात घातली होती. आज मात्र आंदोलकांनी येथेच ठिय्या मांडल्याने, सरकारसह सर्वांचीच धावपळ उडाली आहे. 

अकोला : पोलिस मुख्यालय सध्या आंदोलन केंद्र बनले आहे. शेतकऱ्यांच्या विविध प्रश्‍नांबाबत माजी केंद्रीय अर्थमंत्री यशवंत सिन्हा, स्वाभीमानी शेतकरी संघटनेचे नेते रविकांत तुपकर यांच्या नेतृत्वात येथे आंदोलन सुरु आहे. सोमवारी मोर्चा व ठिय्या आंदोलन झाल्यानंतर आंदोलकांनी संपूर्ण रात्र पोलिस मुख्यालयात घातली होती. आज मात्र आंदोलकांनी येथेच ठिय्या मांडल्याने, सरकारसह सर्वांचीच धावपळ उडाली आहे. 

दरम्यान या आंदोलनाला पाठिंबा म्हणून ठिकठिकाणी आंदोलने सुरु आहेत. शरद पवार, राजू शेट्टी, उद्धव ठाकरे यांनी दूरध्वनी वरुन श्री. सिन्हा यांच्याशी संपर्क साधला. तर महात्मा गांधी यांचे पणतू तुषार गांधी यांनी भेट देउन आंदोलनाला पाठिंबा दिला.

नाफेडकडून संपूर्ण शेतमालाची खरेदी केली जावी या एका मागणीवर अकोल्यात सोमवारी (ता. तीन) सुरु झालेले यशवंत सिन्हा, रविकांत तुपकर यांचे आंदोलन अद्यापही कायम आहे. सिन्हा, तुपकर यांनी सोमवारची रात्र पोलिस मुख्यालयात घालवली. जिल्हा प्रशासनाकडून आंदोलन सोडविण्यासाठी प्रयत्न झाले. मात्र तोडगा निघाला नाही. सायंकाळी पोलिसांनी सिन्हा, तुपकर व इतरांना स्थानबद्ध केले. रात्री हे आंदोलन सुटेल असे वाटत असताना जसजशी रात्र पुढे सरकत होती, तसे आंदोलक संतप्न होत गेले. रात्री साडेदहाच्या सुमारास रविकांत तुपकर यांचे मुख्यमंत्री देवेंद्र फडणवीस यांच्याशी बोलणे झाले. 

मुख्यमंत्र्यांनी सहा मागण्यांबाबत सकारात्मक असल्याचे सांगितले. परंतु नाफेड खरेदी हा केंद्राचा विषय असून त्यातील अटी हा धोरणात्मक भाग आहे. त्यामुळे त्यावर केंद्र शासनच पावले ऊचलू शकते असे सांगितले. यशवंत सिन्हा यांना नाफेडच्या मुद्यावरच तोडगा हवा होता. तो मुख्यमंत्र्यांसोबत केलेल्या चचेर्र्तून न सुटल्याने रात्र पोलिस मुख्यालयात घालविण्यात आली. 
  
आंदोलकांनी केलेल्या मागण्यांपैकी काही सोडविण्याबाबत आश्‍वासन दिले आहे. यामध्ये प्रामुख्याने बोंडअळी संदर्भात जिल्हाधिकारी आस्तीककुमार पांडेय यांनी म्हटले की, जिल्ह्यात कपाशी लागवड केलेल्या शेतकऱ्यांच्या सर्व्हेचे काम पूर्ण झाले. जे शेतकरी अद्यापही सर्वेतून सुटले असतील त्यांचाही समावेश करण्यात येईल. कपाशी लागवड केलेल्या शेतकऱ्यांना नुकसान भरपाई देण्याबाबतचा प्रस्ताव शासनाला सादर करून पाठपुरावा करण्यात येईल.

मूग-उडीद-सोयाबीन व इतर धान्य खरेदीसंदर्भात नाफेडच्या अटी काढण्याबाबत केलेली मागणी ही शासन स्तरावरील असून याबाबत पत्र पाठवून अवगत करण्यात आले आहे. 
शेतमालाची ठरवून दिलेल्या हमीभावानेच खरेदी व्हावी यासाठी जिल्हा मार्केटींग अधिकाऱ्यांना निर्देश देण्यात आले आहेत. हमी भावापेक्षा कमी दराने शेतकऱ्यांचा माल विकत घेणाऱ्या व्यापाऱ्यांवर शासन निकषाप्रमाणे फौजदारी गुन्हा दाखल करण्याचे निर्देश देण्यात आले आहेत. 

कर्जमुक्तीच्या प्रश्‍नावर जिल्हाधिकाऱ्यांनी म्हटले की, अकोला जिल्हा मध्यवर्ती सहकारी बॅंकेच्या कार्यक्षेत्रात अकोला व वाशीम जिल्हा येतो. जिल्हा बॅंकेला प्राप्त 62749 शेतकऱ्यांच्या ग्रीन यादीपैकी 55414 शेतकरी लाभार्थ्यांच्या खात्यावर 239 कोटी 26 लाख रुपये कर्जमाफी पोटी जमा करण्यात आली आहे. 

शेतकऱ्यांच्या कृषीपंपांची वीज जोडणी न तोडण्याबाबत महावितरण कंपनी अधीक्षकांना कळविले जाईल तसेच सोने ताण माफीच्या जाचक अटीप्रश्‍नी जिल्हा स्तरावरून शासनाने पत्रव्यवहार करण्यात आला आहे. त्याबाबत शासन सकारात्मक निर्णय घेईल, असेही जिल्हाधिकारी पांडेय यांनी कळविले आहे. 

शेतकरी आंदोलनाला वाढता पाठींबा 
अकोला जिल्ह्यात ठिकठिकाणी रास्ता रोको भारीप, काँग्रेस, राष्ट्रवादी काँग्रेस सह शिवसेना ही उतरली रस्त्यावर आंदोलनामध्ये सहभागी होण्यासाठी खासदार तथा सिनेमा कलाकार शत्रुघ्न सिन्हा पोहचण्याची शक्यता आहे.

आमदार बच्चू कडू आजपासून आन्दोलनात उतरणार
शेतकरी प्रश्नांसाठी भाजप नेते यशवन्त सिन्हा यांनी अकोला येथील पोलीस ठाण्यात काल पासून ठिय्या आंदोलन सुरू केले.,हे आंदोलन योग्य दिशेने उचललेले पाऊल असून आज सायंकाळ पासून आपणही यशवन्त सिन्हा यांना आंदोलनात पाठिंबा देण्यासाठी जाणार असल्याचे आ. बच्चू कडू यांनी अमरावती येथे सांगितले.

शेतकऱ्यांना हवी विना अट नाफेडची खरेदी
जागर मंचाने केलेल्या बहुतांश मागण्यांबाबत जिल्हाधिकाऱ्यांनी सकारात्मक असल्याचे सांगितले. परंतु आंदोलकांना नाफेडने उत्पादनाची कुठलीही अट न ठेवता खरेदी करावी ही मागणी रेटून धरली आहे. त्यामुळे आंदोलन चिघळत गेले. याबाबत ठोस आश्‍वासनाशिवाय मागे न हटण्याचे शेतकऱ्यांचे म्हणणे आहे. 

 

इतर अॅग्रो विशेष
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...