कोल्हापूर, हातकणंगले मतदारसंघात चुरशीने मतदान  

कोल्हापूर, हातकणंगले मतदारसंघात चुरशीने मतदान
कोल्हापूर, हातकणंगले मतदारसंघात चुरशीने मतदान

कोल्हापूर : लोकसभेच्या कोल्हापूर आणि हातकणंगले लोकसभा मतदारसंघासाठी मंगळवारी (ता. २३) चुरशीने मतदान झाले. सायंकाळी सहा वाजेपर्यंत अंदाजित कोल्हापूर 69 टक्के, हातकणंगले 68.50 टक्के दोन्ही मतदारसंघांत मतदान झाले. दोन्ही मतदारसंघांत कमालीची चुरस पाहण्यास मिळाली. किरकोळ वादावादी वगळता बहुतांश ठिकाणी मतदान शांततेत पार पडले. 

कोल्हापूर लोकसभा मतदारसंघात कॉंग्रेस राष्ट्रवादी आघाडीचे विद्यमान खासदार धनंजय महाडिक व भाजपा शिवसेना महायुतीचे संजय मंडलिक यांच्यात सामना होत आहे. तर हातकणंगले मध्ये स्वाभिमानी शेतकरी संघटनेचे खासदार राजू शेट्टी यांच्या विरोधात महायुतीचे उमेदवार धैर्यशील माने यांनी आव्हान निर्माण केले आहे.  

इर्षेने मतदान झाल्याने निकालाची उत्सुकता आणखी वाढली आहे. कोल्हापूर मतदारसंघात दोन हजार १४८ व हातकणंगलेत एक हजार ८५६ मतदान केंद्रे आहेत. कोल्हापूर २४७ आणि हातकणंगलेत  १६५ अधिकाऱ्यांच्या जबाबदारीवर मतदान झाले.  

या सर्व केंद्रावर सकाळी सात वाजल्यापासून मतदानास प्रारंभ झाला. ग्रामीण भागात अनेक ठिकाणी सकाळी आठ पासूनच रांगा लागल्या. शेतकरी, शेतमजूर व नोकरदारांनी कामावर जाण्याअगोदरच मतदान करण्यास प्राधान्य दिल्याने विशेष करुन ग्रामीण सकाळपासून मतदान केंद्रावर रांगा लागल्या. यामुळे दुपारी बारा वाजेपर्यंत पंचवीस टक्‍यापर्यंत मतदान झाले होते. अनेक ठिकाणी निवडणूक आयोगाकडून मतदान स्लीपचे वाटप न झाल्याने गोंधळाचे वातावरण राहिले. विशेष करुन नवमतदारांना आपले नाव नेमके कुठे आहे हे पहाताना कसरत करावी लागली. अनेकांनी आयोगाच्या लिंकद्वारे नावे शोधण्याचा प्रयत्न केला.  

बारा नंतर काहीसा वेग कमी आला. दुपारी चार वाजेपर्यंत पन्नास टक्‍यापर्यंत मतदान गेले. कोल्हापुरात राज्यात सर्वाधिक मतदान होण्याची परंपरा असल्याने सायंकाळच्या टप्प्यात पुन्हा मतदानाला वेग आला. सायंकाळी मतदान झाल्यानंतर कोल्हापूर मतदारसंघातील मतदान यंत्रे कसबा बावडा येथील रमण मळा येथे आणि हातकणंगलेतील राजाराम तलाव येथील इरिगेशनच्या कार्यालयात ठेवण्यात आली. दोन्ही ठिकाणी सुरक्षा कक्ष (स्ट्रॉंग रूम) तयार केली आहेत. ३२ सीसीटीव्ही सुरू केले आहेत. मतदान यंत्र ठेवल्यानंतर याचा ताबा केंद्रीय पोलिस दलाकडे देण्यात आला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com