agriculture news in Marathi, Polling in peaceful, Aurangabad, Jalna constituencies | Agrowon

औरंगाबाद, जालना मतदारसंघांत शांततेत मतदान
टीम अॅग्रोवन
बुधवार, 24 एप्रिल 2019

औरंगाबाद, जालना ः लोकसभा निवडणुकीच्या तिसऱ्या टप्प्यात औरंगाबाद, जालना मतदारसंघांत मंगळवारी (ता. २३) सकाळी ७ ते सायंकाळी ६ वाजेपर्यंत मतदानाची प्रक्रिया पार पडली. मतदान यंत्रात काही ठिकाणी आलेल्या तांत्रिक अडचणी व त्यामुळे काही काळ थांबलेली प्रक्रिया वगळता दोन्ही मतदारसंघात शांततेत मतदान पार पडले. सायंकाळी 6 वाजेपर्यंत औरंगाबाद लोकसभा मतदार संघात  61.87 टक्के, तर जालना लोकसभा मतदार संघात 64.5० टक्के मतदान झाले.  जालना जिल्ह्यात 1202958 मतदारांनी केले असल्याची माहिती निवडणूक विभागाच्या सूत्रांनी दिली.  2014 च्या निवडणुकीत जालना जिल्ह्यात 66.15 टक्के मतदान झाले होते. 

औरंगाबाद, जालना ः लोकसभा निवडणुकीच्या तिसऱ्या टप्प्यात औरंगाबाद, जालना मतदारसंघांत मंगळवारी (ता. २३) सकाळी ७ ते सायंकाळी ६ वाजेपर्यंत मतदानाची प्रक्रिया पार पडली. मतदान यंत्रात काही ठिकाणी आलेल्या तांत्रिक अडचणी व त्यामुळे काही काळ थांबलेली प्रक्रिया वगळता दोन्ही मतदारसंघात शांततेत मतदान पार पडले. सायंकाळी 6 वाजेपर्यंत औरंगाबाद लोकसभा मतदार संघात  61.87 टक्के, तर जालना लोकसभा मतदार संघात 64.5० टक्के मतदान झाले.  जालना जिल्ह्यात 1202958 मतदारांनी केले असल्याची माहिती निवडणूक विभागाच्या सूत्रांनी दिली.  2014 च्या निवडणुकीत जालना जिल्ह्यात 66.15 टक्के मतदान झाले होते. 

औरंगाबादेत २३, तर जालन्यात २० उमेदवारांचे भवितव्य मतदान यंत्रात बंद झाले आहे. त्यामध्ये भाजपचे राज्य अध्यक्ष खासदार रावसाहेब दानवे, शिवसेनेचे नेते खासदार चंद्रकांत खैरे, बहुजन वंचित आघाडीचे इम्तीयाज जलील, डॉ. शरदचंद्र वानखेडे, कॉंग्रेसचे सुभाष झांबड, विलास औताडे, अपक्ष हर्षवर्धन जाधव आदींचा प्रामुख्याने समावेश आहे. दोन्ही मतदार संघातील प्रमुख पक्षाच्या उमेदवारांनी व अपक्षांनी कुटुंबासह आपल्या मतदानाचा हक्‍क बजाविला. 

औरंगाबाद मतदारसंघात १८ लाख ८४ हजार ८६६ मतदारांना मतदानासाठी २ हजार २१ मतदान केंद्रांची निर्मिती करण्यात आली होती. या मतदारसंघात मतदानासाठी २ हजार ४४५ कंट्रोल युनिट, ४ हजार ९०३ बॅलेट युनिट, २ हजार ६२२ व्हीव्हीपॅट मशीन उपलब्ध करून देण्यात आले होते. मतदानाची प्रक्रिया व्यवस्थित पार पडण्यासाठी २२ हजार २०८ अधिकारी कर्मचाऱ्यांची विविध केंद्रावर नियुक्‍ती करण्यात आली होती. 

औरंगाबाद लोकसभा मतदार संघात सकाळी ९ वाजेपर्यंत ९.०४ टक्‍के तर सकाळी ११ वाजेपर्यंत १८.८८ टक्‍के मतदारांनी आपल्या मतदानाचा हक्‍क बजाविला होता. दुपारी १ वाजता मतदानाचा टक्‍का २८.७१ टक्‍क्‍यांवर पोहचला होता. दुपारी १ वाजेपर्यंत जवळपास ५ लाख ४१ हजार १४६ मतदारांनी आपल्या मतदानाचा हक्‍क बजाविला होता. सायंकाळी ५ वाजेपर्यंत औरंगाबाद लोकसभा मतदार संघात ५६.३६ टक्‍के मतदारांनी आपल्या मतदानाचा हक्‍क बजाविला होता. 

जालना मतदारसंघातील जालना, बदनापूर, भोकरदन, सिल्लोड, फुलंब्री आणि पैठण या सहा विधानसभा क्षेत्रांत मतदानाची प्रक्रिया सुरू होती. १८ लाख ६५ हजार ४६ हजार मतदार या मतदारसंघात आपल्या मतदानाचा हक्‍क बजाविणार होते. त्यासाठी २०५८ मतदान केंद्राची निर्मिती करण्यात आली होती. मतदानाची एकूणच प्रक्रिया सुरळीत होण्यासाठी जवळपास १४ हजारावर कर्मचाऱ्यांची नियुक्‍ती करण्यात आली होती. 

सकाळच्या सत्रात पहिल्या दोन तासांत जालना लोकसभा मतदार संघात ९.२४ टक्‍के मतदान झाले होते. सकाळी ११ वाजता २३.३२ टक्‍के तर दुपारी १ वाजता मतदानाचा टक्‍का ३७ वर पोहचला होता. जवळपास ७ लाख ३ हजार १०९ मतदारांनी आपल्या मतदानाचा हक्‍क बजाविला होता. त्यामध्ये ३ लाख ९५ हजार ३५३ पुरूष तर ३ लाख ७ हजार ७५६ महिला मतदारांनी आपल्या मतदानाचा हक्‍क बजाविला होता. दुपारनंतर उन्हाच्या तिव्रतेने मतदानाची गती थोडी संथ झाली होती. लोकसभा मतदार संघात सर्व मतदान केंद्रांवर सायंकाळी ५ वाजेपर्यंत ५९.३४ टक्‍के मतदारांनी आपल्या मतदानाचा हक्‍क बजाविला होता. सुरवातीला मशीन बिघाडीचे काही किरकोळ अपवाद वगळता एकूणच मतदानाची प्रक्रिया शांततेत सुरू होती.

इतर बातम्या
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
स्टार्च शिजवण्यासह खाण्याचे पहिले...दक्षिण आफ्रिकेतील क्लासीज नदी परिसरातील...
पुणे विभागात तब्बल ९५७ टॅंकरव्दारे...पुणे  : उन्हाचा वाढलेला चटका, भूजलपातळीत...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
‘एफआरपी'साठी शेतकरी संघटना पुन्हा...सोलापूर: सोलापूर जिल्ह्यातील शेतकऱ्यांनी यंदाच्या...
भामा-आसखेड प्रकल्पग्रस्तांची पुनर्वसन...पुणे : भामा-आसखेड प्रकल्पग्रस्तांसाठी पुनर्वसनाची...
राज्यात आता पीकविमा शेतकरी सहभाग अभियानपुणे: दुष्काळाच्या पार्श्वभूमीवर शेतकऱ्यांनी यंदा...