agriculture news in marathi, poltry analysis, pune, maharashtra | Agrowon

पडझडीनंतर सुधारणा; वाढत्या प्लेसमेंटचा दसऱ्यानंतर दबाव
दिपक चव्हाण
सोमवार, 10 सप्टेंबर 2018

दसरा आणि पुढील उत्सवी सणांच्या पार्श्वभूमीवर, इंटिग्रेटर्स आणि ओपन फार्मर्सकडून मोठ्याप्रमाणावर प्लेसमेंट वाढवण्यात आली आहे. यामुळे संबंधित कालावधीत मागणी-पुरवठ्याचे गणित बिघडू शकते.
- डॉ. अनिल फडके, नाशिक.
 

श्रावणाच्या शेवटच्या आठवड्यात साचलेल्या मालामुळे ब्रॉयलर्सच्या बाजारात जोरदार पडझड झाली. श्रावण संपल्यानंतर खपवृद्धीमुळे बाजार सावरला आहे. दरम्यान, सध्याच्या वाढत्या प्लेसमेंटमुळे दसऱ्यानंतर बाजारात पुरवठावाढीचा इशारा तज्ज्ञांनी दिला आहे.

नाशिक विभागात शनिवारी (ता.८) ५४ ते ५५ रुपयांदरम्यान ब्रॉयलर पक्ष्यांचे लिफ्टिंग झाले. मागील आठवड्याच्या तुलनेत बाजारभाव प्रतिकिलोमागे ८ रुपयांनी कमी झाले आहेत. मार्केटच्या सद्यःस्थितीबाबत नाशिकस्थित व्हिनस पोल्ट्रीचे संचालक डॉ. अनिल फडके म्हणाले, की मोठ्या वजनाच्या पक्ष्यांना सध्या चांगली मागणी आहे. श्रावण संपल्यामुळे शहरी भागात चिकनच्या खपात वाढ अपेक्षित आहे. मध्य प्रदेश, गुजरातमध्ये महाराष्ट्राच्या पातळीवर समांतर रेट्स आहेत. गणेशोत्सव काळात घटत्या मागणीनुसार संतुलित पुरवठ्याचे नियोजन केले आहे. सध्याची तापमानातील वाढ आणि आर्द्र वातावरणामुळे पक्ष्यांची वजने नियंत्रणात राहतील. सध्याच्या भावपातळीवर बाजारभाव स्थिरावण्याची शक्यता आहे.

दसरा आणि पुढील उत्सवी सणांच्या पार्श्वभूमीवर, इंटिग्रेटर्स आणि ओपन फार्मर्सकडून मोठ्या प्रमाणावर प्लेसमेंट वाढवण्यात आली आहे. यामुळे संबंधित कालावधीत मागणी-पुरवठ्याचे गणित बिघडू शकते. ओपन फार्मर्सनी वरील बाब लक्षात घेऊन नियोजन केले पाहिजे. वाढत्या मागणीसमोर चांगल्या गुणवत्तेच्या पिलांचा तुटवडा आहे. एकूणच पोल्ट्री उद्योगाने सावधगिरीने प्लेसमेंट वाढवली पाहिजे.

कोमरला समूहाचे संचालक कृष्णचरण म्हणाले, की पोल्ट्रीशेडमध्ये साचलेला माल आणि घटती मागणी यामुळे महाराष्ट्रातील बाजारात जोरदार पडझड झाली आहे. एकूणच श्रावणात विक्री मोठ्याप्रमाणावर घटली. तथापि, योग्य नियोजनामुळे श्रावणातील सरासरी विक्री दर ६२ दरम्यान निघेल. दक्षिण भारतातील बाजारभाव स्थिर असून, बंगळुरू ६२, तर हैदराबादेत ६७ रुपये प्रतिकिलो लिफ्टिंग रेट्स आहेत. चालू आठवड्यात बाजारभावात वाढ अपेक्षित आहे.

खडकेश्वर हॅचरिचे संचालक संजय नळगीरकर म्हणाले, की श्रावण संपल्यामुळे शनिवारचे लिफ्टिंग चांगले होते. रविवारी शहरी भागातील चिकनची किरकोळ विक्री सुधारली. मात्र, ग्रामीण भागात बैलपोळ्यामुळे खपात घट दिसेल. सध्या बाजारात अडीच किलोच्यावरील पक्ष्यांची उपलब्धा असली, तरी मागणी-पुरवठा संतुलित नियोजनामुळे संख्यात्मक पुरवठा कमी राहील. त्यामुळे ओपन फार्मर्सनी पॅनिक सेलिंग करू नये. शेजारी राज्यांच्या चालू आठवड्यात आधारामुळे ५५ ते ५७ रुपये प्रतिकिलोची भावपातळी दिसू शकेल.

या दरम्यान हॅचिंग एग्जच्या मागणीत जोरदार वाढ दिसत आहे. एका दिवसाच्या पिलांचे रेट्सही वधारले असून, तुलनेने पुरवठा कमी आहे. आठवडाभरात टेबल एग्ज बाजारभावात प्रतिशेकडा २५ रु. ने सुधारणा झाली आहे. पुढील आठवड्यात गणेशोत्सव सुरू होत असल्याने महाराष्ट्रात खप पुन्हा कमी राहील.
 

प्रकार भाव परिमाण बाजारपेठ
ब्रॉयलर  ५४  प्रतिकिलो  नाशिक
चिक्स २९ प्रतिनग पुणे
हॅचिंग एग्ज २२ प्रतिनग मुंबई
अंडी  ३२५ प्रतिशेकडा   पुणे

 

इतर अॅग्रोमनी
कापूस, गवार बी आणि हरभऱ्याचे भाववाढीचे...या सप्ताहात गेल्या सप्ताहाच्या तुलनेने साखर वगळता...
हरभरा निर्यात, स्थानिक मागणीत वाढ या सप्ताहात गेल्या सप्ताहाच्या तुलनेने मका व गहू...
सीताफळाच्या मूल्यवर्धनातून घेतला...`उद्योगाच्या घरी, रिद्धीसिद्धी पाणी भरी`, अशी...
कापसाच्या भावात घसरणया सप्ताहात गेल्या सप्ताहाच्या तुलनेने गहू वगळता...
हलव्याच्या कार्यक्रमाने अर्थसंकल्पाची...नवी दिल्ली : नवीन वर्षाची सुरवात झाली की...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
कृषिमालाच्या मूल्यवर्धनालाच खरे भविष्य...२०१८ मध्ये डॅनफॉस इंडिया या कंपनीने उत्तम असा...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
हरभऱ्याला वाढती मागणी या सप्ताहात गेल्या सप्ताहाच्या तुलनेने कापूस, गहू...
भात निर्यातीसाठी मागणीबरोबरच भूराजकीय...भारतीय भात निर्यातदारांच्या वाढीसाठी जागतिक...
मका, साखर, हळदीच्या भावात घसरणया सप्ताहात गेल्या सप्ताहाच्या तुलनेने सोयाबीन...
अर्थमंत्री जेटली १ फेब्रुवारीला...नवी दिल्ली : केंद्रातील मोदी सरकार त्यांच्या...
कापूस उद्योगाचे अमेरिका-चीनच्या...जळगाव : चीन व अमेरिकेत मागील नऊ महिन्यांपासून...
सातत्याने ताळेबंद तपासत शेती राखली...जळगाव जिल्ह्यातील नायगाव (ता. मुक्ताईनगर) येथील...
हळदीच्या निर्यात मागणीत वाढया सप्ताहात गेल्या सप्ताहाच्या तुलनेने सर्वच शेती...
हळदीच्या स्थानिक, निर्यात मागणीत वाढया सप्ताहात नाताळच्या सुटीमुळे आंतरराष्ट्रीय...
ग्राहकाला आधारसक्ती केल्यास 1 कोटींचा...नवी दिल्ली: दूरसंचार कंपन्यांकडून मोबाइल फोन...
युरियाची आयात ४२ लाख टनांवरनवी दिल्ली : भारताची चालू आर्थिक वर्षातील...
मका, हळद वगळता इतर शेतमालाच्या भावात वाढया सप्ताहात गेल्या सप्ताहाच्या तुलनेने कापूस व...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...