agriculture news in marathi, pomegranate crop damage due to drought, nashik, maharashtra | Agrowon

निफाड, सिन्नर भागांत पाणीटंचाईचा डाळिंब बागांना फटका
टीम अॅग्रोवन
गुरुवार, 16 मे 2019

नाशिक  : निफाड, सिन्नर तालुक्यांच्या सीमालगत भागातील तळवाडे, महाजनपूर, भेंडाळी, औरंगपूर, बागलवाडी, पिंपळगाव निपाणी, हिवरगाव पाटपिंप्री, सुळेवाडी, केपानगर या गावांमध्ये भीषण दुष्काळी स्थिती निर्माण झाली असून, पाणीप्रश्न गंभीर बनला आहे. पाणीटंचाईमुळे काही डाळिंब बागा सुकून गेल्या आहेत, तर जनावरांचा चारा शेतातच करपला आहे. 

नाशिक  : निफाड, सिन्नर तालुक्यांच्या सीमालगत भागातील तळवाडे, महाजनपूर, भेंडाळी, औरंगपूर, बागलवाडी, पिंपळगाव निपाणी, हिवरगाव पाटपिंप्री, सुळेवाडी, केपानगर या गावांमध्ये भीषण दुष्काळी स्थिती निर्माण झाली असून, पाणीप्रश्न गंभीर बनला आहे. पाणीटंचाईमुळे काही डाळिंब बागा सुकून गेल्या आहेत, तर जनावरांचा चारा शेतातच करपला आहे. 

मागील वर्षी कमी पाऊस झाल्यामुळे खरीप आणि रब्बी हंगाम हातातून गेले. अशातच काही भागांत पाऊस न झाल्याने विहिरींना पाणी उतरले नाही. ओढे, नाले, तलाव वर्षापासून कोरडे पडले आहेत. यामुळे जानेवारी महिन्यापासून पाणीटंचाई निर्माण झाली आहे; मात्र काही ठिकाणी फक्त पिण्यापुरते पाणी उपलब्ध आहे. एप्रिल महिन्यात तर विहिरींनी पूर्णपणे तळ गाठला आहे. डाळिंबाच्या बागा जळत असून, जनावरांसाठी शेतात उभा असणारा चारादेखील सुकून गेल्याने चाऱ्याचा प्रश्न निर्माण झाला आहे. 

अनेक गावांमध्ये कूपनलिका बंद झाल्याने पाण्यासाठी टँकरची आवश्यकता असूनही प्रशासन त्याकडे डोळेझाक करत आहे. मागणी करूनही पिण्याच्या पाण्याचा टँकर गावात येत नसल्याने पाणी मिळवण्यासाठी भटकंती करावी लागत आहे. दुष्काळी स्थितीमुळे मेंढ्यांना पिण्यासाठी पाणी आणि चाऱ्याचा प्रश्न निर्माण झाला आहे. ज्या रानात मेंढ्या बसवल्या जातात तिथेच त्यांचे त्या दिवसासाठी घर बनते. मात्र सध्या पिण्यासाठी पाणी नसल्याने शेतात कुठेही राहता येत नाही. मेंढ्यांचे कळप पाण्यासाठी दिवसभर परिसरात भटकंती करताना दिसत आहे. 

दुग्ध व्यवसायावर मोठा परिणाम 
दरम्यान, यंदा दुष्काळी स्थितीमुळे निफाड तालुक्यात हिरवा चारा मिळणेदेखील दुरापास्त होऊ लागल्याने त्याचा परिणाम दुग्ध व्यवसायावर स्पष्टपणे जाणवू लागला आहे. दुष्काळ परिस्थितीमुळे परिसरात हिरवा चारा उपलब्ध नाही. त्यातच वाढत्या मागणीमुळे सरकी, ढेप यांच्या किमतीत मोठी वाढ झाली आहे. खर्च वाढत असूनही दुधाचा दर तोच असल्याने दुग्ध व्यवसाय धोक्यात आला आहे. खर्च आणि उत्पादन यांच्यात ताळमेळ बसत नसल्याने शेतकरी दुभती जनावरे विक्री करण्याचा निर्णय घेत आहेत; मात्र सगळीकडे सारखीच परिस्थिती निर्माण झाल्याने जनावरांचे दर कमी झाले आहेत.

इतर बातम्या
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
मराठवाड्यात महायुतीचा करिष्मा कायमनांदेड : मराठवाड्यातील आठ लोकसभा मतदारसंघांतील...
पुण्यात गिरीश बापट, बारामतीत सुप्रिया...पुणे  : देशभर मोदी लाट असतानाही राष्ट्रवादी...
राजू शेट्टी यांचा धक्कादायक पराभवकोल्हापूर : गेल्या दहा वर्षांपासून...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...
साताऱ्यात उदयनराजे यांची हॅटट्रिक सातारा : सातारा लोकसभा मतदारसंघात राष्ट्रवादीचे...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...
राजू शेट्टींच्या पराभवाने शेतकरी...कोल्हापूर ः शेतीविषयक विविध प्रश्‍नांबाबत देश...
मोदीच आजच्या महाविजयाचे महानायक : अमित...नवी दिल्ली : देशभरात पंतप्रधान नरेंद्र मोदींच्या...
पुन्हा मोदी लाट, काँग्रेस भुईसपाट नवी दिल्ली ः पंतप्रधान नरेंद्र मोदी यांच्या...
ये नया हिंदुस्थान है' : पंतप्रधानआज देशातील नागरिकांनी आम्हाला कौल दिला. मी...
...आवाज कुणाचा? लोकसभा २०१९चा आज निकालनवी दिल्ली : संपूर्ण जगाचे लक्ष लागून असलेल्या...
कृषी विद्यापीठांना नकोय शिक्षण परिषदेचे...नागपूर : भारतीय कृषी संशोधन परिषदेने तयार...
कोकण, मध्य महाराष्ट्र, मराठवाड्यात...पुणे : उन्हाचा चटका वाढल्याने राज्यातील...
राज्यात कृत्रिम पावसाची तयारी सुरूमुंबई : राज्यातील यंदाच्या भीषण दुष्काळाची...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...