जळगाव : लागवड खर्चासह इतर बाबींवर खर्च वाढल्याने जिल्ह्याच्या केळी पट्ट्यात आता शेतकरी डाळिंब लागवडीवर भर देऊ लागले आहेत. परिणामी केळीखालील लागवड क्षेत्र तीन हजार हेक्‍टरने कमी झाले आहे. यंदा येथे सुमारे 42 हजार हेक्‍टरवर केळीची लागवड झाली आहे. यापूर्वी लागवडीखालील क्षेत्र जवळपास 45 हजार हेक्‍टरपर्यंत असायचे, अशी माहिती कृषी विभागाच्या सूत्रांनी दिली आहे.
कमी पाणी आणि हलक्‍या जमिनीतील फळपीक अशी ओळख असलेल्या डाळिंबाच्या लागवडीकडे मागील तीन वर्षांत शेतकऱ्यांचा कल वाढला आहे. रावेर, यावल, भडगाव, चोपडा या केळीची लागवड करणाऱ्या प्रमुख तालुक्‍यांमध्ये ही परिस्थिती आहे. जिल्हाभरात जवळपास अडीच हजार हेक्‍टरवर डाळिंब आहे. दुसऱ्या बाजूला केळीखालील क्षेत्र जवळपास तीन हजार हेक्‍टरने कमी झाले आहे.
केळीचे सरासरी क्षेत्र मागील तीन वर्षांत 42 ते 43 हजार हेक्‍टरपर्यंतच राहिले आहे. रावेर तालुक्‍यात सातपुडा पर्वतालगतच्या गावांमध्ये डाळिंबाचे पीक वाढले आहे. यावलमध्ये 600 हेक्‍टर, रावेर 500 हेक्‍टर, चोपडा 200 हेक्‍टर, जळगाव 300 हेक्‍टर, भडगाव 200 हेक्‍टर, जामनेर 200 हेक्‍टरवर डाळींबाचे क्षेत्र आहे. इतर तालुक्‍यांमध्येही कमी अधिक प्रमाणात डाळिंबाची लागवड झाल्याची माहिती मिळाली.
डाळिंब कमी पाण्यात, मुरमाड, डोंगराळ, हलक्‍या जमिनीचे पीक असून राज्यातील अनेक भागांत ते दिसत आहे. ज्यांच्याकडे अधिक शेती आहे त्यांना डाळिंबाकडे वळायला हरकत नाही, असे जळगाव कृषी विज्ञान केंद्राचे प्रमुख डॉ. हेमंत बाहेती यांनी म्हटले आहे.
केळीखालील क्षेत्र कमी होण्याची कारणे
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.