agriculture news in Marathi, pomegranate Export reduce Fosphonic residue, Maharashtra | Agrowon

फॉस्फोनिक रेसिड्यूमुळे डाळिंब निर्यात घसरली
टीम अॅग्रोवन
बुधवार, 14 नोव्हेंबर 2018

डाळिंब उत्पादक शेतकरी 
राज्यात कष्टाने निर्यातक्षम माल तयार करीत आहेत. फॉस्फोनिक अॅसिडचा थेट वापर शेतकरी कधीही करीत नाहीत. मात्र, इतर मूलद्रव्यांच्या माध्यमातून 'फॉस्पोनिक'चा शिरकाव मालात होऊ शकतो. त्यामुळे देशाच्या मध्यवर्ती संदर्भ प्रयोगशाळेने या समस्येचा अभ्यास करावा. त्याचे विस्तृत विश्लेषण अहवाल युरोपीय कोडेक्सच्या निदर्शनास आणून दिल्यास 'फॉस्फोनिक'ची 'एमआरएल' वाढवून दिली जाऊ शकते.
- गोविंद हांडे, निर्यातक्षम फळ प्रणालीचे अभ्यासक

पुणे : निर्यातक्षम डाळिंबात युरोपसाठी फॉस्फोनिक अॅसिडच्या कमाल उर्वरित अंशाची मान्यता पातळी द्राक्षापेक्षाही जादा ठेवण्यात आली आहे. त्यामुळे देशाची डाळिंब निर्यात मोठ्या प्रमाणात घसरली असून, रेसिड्यू पातळी घटविण्यासाठी अपेडामार्फत युरोपशी पत्रव्यवहार करण्यात आला आहे. 

राज्यात १ लाख ३० हजार हेक्टरवर डाळिंबाच्या बागा असून, कोरडवाहू भागातील शेतकऱ्यांना विदेशी बाजारपेठा मिळवून देण्यात निर्यातक्षम बागांचा वाटा मोठा आहे. गेल्या हंगामात ५०० कंटेनरची मागणी असताना केवळ १५० कंटनेरची निर्यात झाली आहे. साडेतीनशे कंटेनरची निर्यात केवळ या समस्येमुळे घटल्याचा अंदाज राज्य डाळिंब उत्पादक संशोधन संघाने व्यक्त आहे. 

‘‘फॉस्फोनिक अॅसिडच्या समस्येमुळे निर्यात घटली असून, त्यामुळे निर्यातक्षम डाळिंब उत्पादक शेतक-यांना मोठ्या प्रमाणात आर्थिक फटका बसतो आहे. द्राक्षासाठी फॉस्फोनिक अॅसिडची एमआरएल पातळी प्रतिकिलो ७५ मिलिग्रॅम असताना डाळिंबाला केवळ दोन मिलिग्रॅम ठेवण्यात आलेली आहे. ही बाब आम्ही अपेडाच्या लेखी निदर्शनास आणली आहे,’’ असेही राज्य डाळिंब संघाचे म्हणणे आहे. 

अखिल भारतीय डाळिंब उत्पादक संघाचे अध्यक्ष प्रभाकर चांदणे यांनी काही दिवसांपूर्वीच अपेडाच्या बैठकीत फॉस्फोनिक अॅसिडचा मुद्दा उपस्थित केला. ‘‘अपेडाने या प्रकरणाची गंभीर दखल घेतली असून, युरोपीय संस्थेशी पत्रव्यवहार सुरू केला आहे. ही समस्या लवकर न सुटल्यास निर्यातक्षम बागांचे मोठे नुकसान होऊ शकते. द्राक्ष थेट सेवन केले जात असतानाही फॉस्फोनिक अॅसिडची पातळी ७५ मिलिग्रॅम ठेवण्यात आली आहे. याउलट साल काढल्यानंतरच डाळिंबाचे दाणे वापरले जातात. त्यामुळे डाळिंबासाठी फॉस्फोनिक अॅसिडची रेसिड्यू लेव्हल किमान दहा मिलिग्रॅमच्या पुढेच ठेवावी,’’ असे श्री.चांदणे यांनी सांगितले. 

यंदा युरोपसाठी किमान दहा हजार टनाची मागणी असून, इतर देशांसाठी ७० हजार टन डाळिंबाची मागणी आहे. देशात एक लाख ८० हजार हेक्टरवर डाळिंबाची लागवड होते. निर्यातक्षम बागा वाढत असल्यामुळे फॉस्फोनिक अॅसिडची समस्या तातडीने निकालात काढावी लागेल, असेही संघाचे म्हणणे आहे.

विशेष म्हणजे युरोपच्या बाजारपेठांमध्ये केवळ भारतीय डाळिंबामध्येच फॉस्फोनिकचे जादा अंश सापडत असल्याचे आढळून येते. मात्र, फॉस्फोनिकचा बाऊ करून डाळिंबाची निर्यात धोक्यात येत असल्यास अपेडाने पावले टाकायला हवी, असे डाळिंब उत्पादकांना वाटते. 

नेमके कारण अस्पष्ट
राज्यातील डाळिंबाच्या बागांमध्ये कोणताही उत्पादक फॉस्फोनिक अॅसिडचा वापर करीत नाही. तरीदेखील त्याचे अंश केवळ डाळिंबात कशामुळे सापडतात, याचा शोध राष्ट्रीय डाळिंब संशोधन केंद्राचे शास्त्रज्ञ घेत आहेत. ‘‘काहींच्या मते फॉसेटिल या बुरशीनाशकातून फॉस्फोनिकचे अंश डाळिंबात येतात, तर काहींच्या मते फॉस्फरस गटातील खतांमधून अंश येत असल्याचे सांगितले जाते. मात्र, या दोघांचा कधीही वापर न करणाऱ्या शेतकऱ्यांच्या बागेतील फळांमध्येदेखील फॉस्फोनिकचे अंश सापडत आहेत,’’ असे अखिल भारतीय डाळिंब उत्पादक संघाचे अध्यक्ष प्रभाकर चांदणे यांचे म्हणणे आहे. 

प्रतिक्रिया
भारतीय डाळिंबात 'फॉस्फोनिक'चे अंश सापडत असले, तरी त्याला शेतकरी अजिबात जबाबदार नाहीत. मुळात ''फॉस्फोनिक''ची मर्यादा पातळी वाढवून दिल्यास भारतीय डाळिंबाच्या निर्याती पुन्हा सुरळीत होऊ शकते. अपेडाने त्यात लक्ष घालण्यासाठी आम्ही पत्रव्यवहार केला आहे.
- प्रभाकर चांदणे,
अध्यक्ष, अखिल भारतीय डाळिंब उत्पादक संघ

 

इतर अॅग्रो विशेष
उद्योगाला साखर कडूचमहाराष्ट्रातील गळीत हंगामाची सांगता नुकतीच झाली...
‘एफआरपी'साठी शेतकरी संघटना पुन्हा...सोलापूर: सोलापूर जिल्ह्यातील शेतकऱ्यांनी यंदाच्या...
विदर्भात उत्कृष्ट व्यवस्थापन असलेली २३...वर्धा जिल्ह्यात केळी पिकाला पुन्हा गतवैभव प्राप्त...
भामा-आसखेड प्रकल्पग्रस्तांची पुनर्वसन...पुणे : भामा-आसखेड प्रकल्पग्रस्तांसाठी पुनर्वसनाची...
वर्षभरात पाच हंगामात दर्जेदार कोथिंबीरपाणी व हवामान यांचा विचार करून वर्षभरात सुमारे...
राज्यात आता पीकविमा शेतकरी सहभाग अभियानपुणे: दुष्काळाच्या पार्श्वभूमीवर शेतकऱ्यांनी यंदा...
छावण्यातील जनावरांची आठवड्यातून एकदा...मुंबई ः दुष्काळी भागातील चारा छावण्यांमधील...
आंतरराष्ट्रीय बाजारात साखरेला मागणीकोल्हापूर: निर्यातीच्या बाबतीत पिछाडलेल्या...
शुक्रवारपर्यंत उष्ण लाटेचा इशारापुणे : राज्यात उन्हाचा ताप वाढल्याने चटका असह्य...
आखातात १८ हजार टन केळी निर्यातजळगाव ः मागील दोन महिन्यांत राज्यातून प्रतिदिन १५...
मॉन्सून एक्सप्रेसची गती मंदावली;...पुणे : नैऋत्य मोसमी वाऱ्यांनी (मॉन्सून) शनिवारी (...
कृषी विभागाच्या बदल्या यंदाही...पुणे : कृषी विभागातील बदल्यांचा घोडेबाजार...
एकनाथ डवलेंकडे कृषी सचिवपदाचा पूर्णवेळ...मुंबई : मृद व जलसंधारण विभागाचे सचिव एकनाथ डवले...
परभणी : दुष्काळाच्या फेऱ्यात फळबागा...परभणी ः जिल्ह्यात उन्हाचा चटका वाढल्यामुळे...
पूरक धोरणानेच वाढेल निर्यातकें द्रातील मोदी सरकारच्या सुरवातीच्या काळात...
निवडणूक आयोगाला घरचा आहेर! सतरावी लोकसभा निवडण्यासाठीची मतदान प्रक्रिया कालच...
विरोधी पक्षनेता आज ठरणार; पृथ्वीराज...नागपूर ः राधाकृष्ण विखे पाटील यांच्या...
कृषी निविष्ठांमध्ये हवी मधमाशीपुणे : पीक उत्पादनात अत्यंत मोठा हातभार असलेल्या...
विषबाधा नियंत्रणाची जबाबदारी आता...यवतमाळ : जिल्ह्यात फवारणीदरम्यान झालेल्या विषबाधा...
उन्हाचा चटका अन् उकाड्यातही वाढपुणे : विदर्भातील चंद्रपूर, ब्रह्मपुरीसह मध्य...