agriculture news in marathi, pomogrnate flower faces water scarcity, akola, maharashtra | Agrowon

पाणीटंचाईमुळे अकोल्यात डाळिंब बहर सोडून देण्याची वेळ
टीम अॅग्रोवन
शनिवार, 17 मार्च 2018
आमचे गाव पूर्वीपासून जलसमृद्ध होते. गावाशेजारी मोठा कापशी तलाव आहे. पाऊस पुरेसा होत नसल्याने हा तलाव भरत नाही. परिणामी, पाणीपातळी घटली आहे. मी माझ्या संपूर्ण आयुष्यात पाण्याची इतकी भीषण स्थिती पहिल्यांदा पाहत आहे. पाण्याची व्यवस्था करू शकत नसल्याने डाळिंब बहरावर मला पाणी सोडून द्यावे लागले. मार्च महिन्यातच ही परिस्थिती आहे तर पुढील काळ किती बिकट जाईल, याची कल्पना करवत नाही. शेतीला पूरक म्हणून आधीपासून दुग्ध व्यवसाय व शेळी पालन करीत असल्याने कुटुंबाला तेवढा आधार मिळत आहे. 
- प्रकाश गवई, शेतकरी, कापशी
अकोला : गेल्या दोन ते तीन वर्षांपासून पाऊस कमी होत असल्याने, तसेच पडलेले पाणी जमिनीत मुरलेले नसल्याने पाणीपातळी कमालीची खालावत आहे. याचा परिणाम यावर्षी जानेवारीपासून दिसायला लागला. दुष्काळी स्थितीचे चटके शेतकऱ्यांना बसू लागले आहेत. अकोला तालुक्‍यातील कापशी शिवारात दोन - तीन शेतकऱ्यांनी लिंबू बागा उपटून टाकल्या तर प्रकाश गवई यांच्यावर डोळ्यासमोर दिसणारा डाळिंबाचा बहार सोडून देण्याची वेळ आली.
 
गवई कुटुंबाकडे २१ एकर शेती आहे. तिघा भावांच्या या शेतीत चार बोअरवेल, तीन विहिरी आहेत. सध्या या सर्व स्त्रोतांमधून अर्धा ताससुद्धा पुरेसे पाणी मिळत नाही. तीन एकरांत त्यांनी चार वर्षांपूर्वी डाळिंबाची बाग मोठ्या मेहनतीने उभी केली. आजवर साडेचार ते पावणे पाच लाख रुपये खर्च झाले. गेल्यावर्षी पहिला बहार धरला. मात्र वन्यप्राण्यांनी ही फळे फस्त केली होती. या धक्‍क्‍यातून सावरत त्यांनी यावर्षी बहार नियोजनाची तयारी सुरू केली होती.
 
परंतु, विहिरी कोरड्या पडल्याने तसेच बोअरमधूनही पुरेसे पाणी मिळण्याची शाश्‍वती दिसत नसल्याने त्यांनी डाळिंबाचा बहार सोडून दिला आहे.सध्या बोअरचे पाणी विहिरीत आणून टाकले जाते. त्या पाण्यावर अवघा अर्धा तास कृषिपंप चालतो. एवढ्या पाण्यावर केवळ जनावरांसाठी लावलेल्या चाऱ्याला पाणी देणे शक्‍य होत आहे. येत्या दोन महिन्यांत हेही पाणी मिळेल की नाही याची शक्‍यता दिसत नाही. त्यामुळे आता शेतात कुठलेही पीक घेता येणार नसल्याचे ते सांगतात.
 
या वर्षात खरिपात सोयाबीन, कापूस ही पिके घेतली. सोयाबीन एकरी पाच तर बागायती कापूस चार एकरात फक्त २० क्विंटल झाला. खरिपात झालेल्या एकूण उत्पन्नापेक्षा ६० हजार रुपये खर्च झालेला आहे.
 

गवई यांच्याकडे चार म्हशी आहेत. यापासून दररोज ४० लिटर दूध मिळते आहे. अडीच लाखांत या म्हशी आणलेल्या आहेत. यामुळे कुटुंबाचा उदरनिर्वाहाचा प्रश्‍न निर्माण झाला नाही. म्हशी, बैलजोडीला हिरवा चारा मिळावा म्हणून चाऱ्याची लागवड केलेली आहे. या चाऱ्याला द्यायलासुद्धा पुरेसे पाणी नाही. टप्प्याटप्प्याने पाणी द्यावे लागते. चाऱ्याचेही ओलित होऊ शकत नाही. अर्धा ताससुद्धा हा पंप चालत नाही.

इतर ताज्या घडामोडी
फुलोरा अवस्थेतील द्राक्ष बागेचे...द्राक्ष लागवड विभागात पाऊस झाल्याने बागेच्या...
साताऱ्यात शेवगा प्रतिक्विंटल ५००० ते...सातारा ः येथील कृषी उत्पन्न बाजार समितीत मंगळवारी...
`दुष्काळाबाबत उपाययोजनांसाठी स्वतंत्र...पुणे  ः दुष्काळ आणि योजनांच्या माध्यमातून...
वऱ्हाडात काही ठिकाणी अवकाळी पाऊसअकोला : वऱ्हाडात मंगळवारी (ता.२०) सकाळ पर्यंतच्या...
साताऱ्यातील प्रमुख धरणांत ७१ टक्क्यांवर...सातारा  ः जिल्ह्यातील सर्वत्र प्रमुख...
अमरावती जिल्ह्यात रब्बीचे ५० टक्‍के...अमरावती : जिल्ह्यात सरासरीच्या तुलनेत कमी पाऊस...
मालावी देशातील हापूस पुण्यात दाखलपुणे ः दक्षिण अफ्रिका खंडातील मालावी देशातील...
सोलापुरात सलग दुसऱ्या दिवशी पाऊससोलापूर : सोलापूर जिल्ह्यात ठिकठिकाणी सोमवारी...
नव्या सहकारी संस्थांना भागभांडवल :...नाशिक : सहकार खात्याने नावीन्यपूर्ण सहकारी संस्था...
पुणे जिल्ह्यातील चार तालुक्यांत काही...पुणे ः पुणे जिल्ह्यात दोन दिवसांपासून ढगाळ हवामान...
हिरज येथे रेशीम कोषाची बाजारपेठसोलापूर : राज्यातील रेशीम कोष उत्पादक शेतकरी व...
संगमनेरच्या पश्‍चिम भागाला पाऊस,...संगमनेर, जि. नगर ः तालुक्‍याच्या पश्‍चिम भागात...
कोल्हापुरात ऐन हंगामातच गुऱ्हाळघरे शांतकोल्हापूर  : यंदा गूळ दरात काहीशी वाढ...
दुष्काळ, आरक्षणाच्या मुद्द्यांवर विधान...मुंबई : दुष्काळग्रस्त शेतकऱ्यांना तातडीने मदत...
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...