नागपुरात हरभरा दरात तेजीचा अंदाज

हरभरा
हरभरा

नागपूर : कळमणा बाजार समितीत हरभरा दर काहीसे वधारत ४८०० रुपये प्रती क्‍विंटलवर पोचले आहेत. ३० ऑक्‍टोबर रोजी हेच दर ४००० ते ४५०० रुपये प्रती क्‍विंटलवर होते. यापुढील काळात दरात तेजीचा अंदाज व्यापाऱ्यांनी वर्तविला आहे. हरभऱ्याची आवक २४५ क्‍विंटलवरून ६२६ क्‍विंटलपर्यंत वाढली आहे. बाजार समितीत तुरीची आवक २४० ते ४१८ असून तुरीचे दर ३५५० ते ३९०० रुपये प्रती क्‍विंटल असे आहेत. सोयाबीनची आवकदेखील वाढती असून गेल्या आठवड्यात सोयाबीन आवक ४०४५ क्‍विंटल होती. त्यात वाढ होत १ नोव्हेंबर रोजी ती ६००८ क्‍विंटलवर पोचली. सोयाबीनचे दर सुरवातीला २७०० रुपये प्रती क्‍विंटल होते. सोयाबीनच्या दरात मात्र घसरण झाली आहे. सोयाबीनचे व्यवहार २ नोव्हेंबर रोजी २६२१ रुपये प्रती क्‍विंटलने झाले. बाजारात संत्र्याची आवकही सुरू झाली असून यातील मोठी फळे २५०० ते ३००० रुपये प्रती क्‍विंटल, मध्यम १८०० ते २४०० रुपये प्रती क्विंटल तर लहान फळांचे व्यवहार ८०० ते ९०० रुपये प्रती क्‍विंटलने होत आहेत. मोसंबीच्या मोठ्या फळांचे व्यवहार २६०० ते ३२०० रुपये प्रती क्‍विंटल, मध्यम फळे १८०० ते २४०० रुपये प्रतिक्‍विंटल तर लहान फळांचे व्यवहार १२०० ते १४०० रुपये प्रती क्‍विंटलने होत आहेत. संत्रा व मोसंबीच्या दरातही चढउतार होत असल्याचे व्यापारी सूत्रांनी सांगितले.  बाजारात संत्रा आणि मोसंबीची आवक तुलनेत कमी आहे. संत्रा व मोसंबीवर कीडरोगाचा प्रादुर्भाव होण्यासोबतच फळगळ होत असल्याने फळांची आवक मंदावल्याचे व्यापारी सूत्रांनी सांगितले. बाजारात पांढरा कांदा ७०० ते २३०० रुपये प्रतिक्विंटल तर लाल कांदा ६०० ते २३०० रुपये प्रती क्‍विंटल आहे. पांढऱ्या कांदयाची आवक १००० क्‍विंटल तर लाल कांदा आवक ३००० क्‍विंटलच्या घरात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com