वऱ्हाडात अधिकाऱ्यांविना ‘अात्मा’ पोरका

आत्मा विभाग अधिकारीविना
आत्मा विभाग अधिकारीविना

अकोला  ः कृषी विकासासाठी सर्वसमावेशक धोरण राबविणे, शेतकऱ्यांना विस्तार सेवा पुरवताना गरजांवर आधारित आणि शेतकरी सहभागातून तयार झालेल्या कृषी विस्तार कार्यक्रमांची अंमलबजावणी करणे अादी महत्त्वाची कामे कृषी तंत्रज्ञान व्यवस्थापन यंत्रणा म्हणजेच आत्मा ही संस्था करीत असते. सध्या या यंत्रणेत प्रकल्प संचालक, उपसंचालक दर्जाच्या अधिकाऱ्यांची पदे रिक्त असल्याने अधिकाऱ्यांविना ‘अात्मा’ पोरका असे उपहासात्मक बोलले जात अाहे.

वऱ्हाडात अकोला, बुलडाणा, वाशीम या तीनही ठिकाणी सध्या अात्मा यंत्रणेला प्रकल्प संचालक नाहीत. अमरावती, यवतमाळ जिल्ह्यांचीही अशीच स्थिती असल्याचे सांगितले जाते. शेतकरी आणि शेतीविकासाच्या कार्यक्रमांमध्ये महिला शेतकऱ्यांचा समावेश, शेतकरी मित्रांमार्फत विस्तार सेवा, आधुनिक संवाद माध्यमांचा वापर तसेच प्रशिक्षण, शेतीशाळा, माहिती व संवाद अशी कामे अात्मामार्फत केली जातात. शेतकऱ्यांना सक्षम करणे हा मुळात उद्देश अाहे. सध्या अधिकाऱ्यांची पदे रिक्त असल्याने यंत्रणांच्या कामावर परिणाम झाला अाहे. या विभागात कार्यरत असलेल्या काहींना बदल्यांचे वेध लागलेले अाहेत.

अकोला येथील प्रकल्प संचालक ३१ मे रोजी सेवानिवृत्त झाले. बुलडाणा येथील प्रकल्प संचालक हे बुलडाण्याचेच जिल्हा अधीक्षक कृषी अधिकारी म्हणून रूजू झाले. वाशीममध्ये हे पद रिक्त अाहे. प्रत्येक जिल्ह्यात उपसंचालकाच्या मंजूर पदापैकी एक पद रिक्त अाहे. कार्यरत असलेल्या उपसंचालकांकडे सध्या प्रकल्प संचालक पदाची जबाबदारी दिली गेली अाहे. 

खरीप हंगामाच्या दृष्टीने प्रकल्प संचालकांचे पद भरणे अत्यंत अावश्यक अाहे. हंगामात पीक प्रात्यक्षिकांचे नियोजन, कृषी मित्रांच्या माध्यमातून ग्रामपातळीवर नवीन वाण, तंत्राबाबत माहिती पोचविणे अादी कामांचे नियोजन हे महत्वाचे असते. सध्या हंगाम तोंडावर असताना जबाबदार अधिकाऱ्यांच्या बदल्या करण्यात अाल्या. त्यांच्या जागेवर नवीन अधिकाऱ्यांची नेमणूक सध्या तरी करण्यात अालेली नाही.

कृषी विभाग व अात्मा या दोन्ही यंत्रणा स्वतंत्रपणे कार्यरत अाहेत. परंतु ‘अात्मा’ला काम करताना सातत्याने निधीची अडचण जाणवत राहते. या विभागाला जाणीवपूर्वक कमकुवत केले जात असल्याची चर्चा सध्या सर्वत्र होत अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com